ەركىن تۇنياز، نۇرلان ٴابىلماجىن، شاۋكەت يمىن، حى جۇڭيوۋ، جاڭ جۋ، چىن ميڭگو قاتىناستى
ٴزۇمىرات وبۇل اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى
اۆتونوميالى رايوندىق جوعارى حالىق سوتى مەكەمەسىنىڭ جانە اۆتونوميالى رايوندىق حالىق پروكۋراتۋراسىنىڭ قىزمەتىنەن بايانداما تىڭدالدى، ٴماجىلىستىڭ سايلاۋ ٴادىسى سياقتىلار داۋىسقا سالىندى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 20 ـ كۇنى ۇرىمجىدەن حابارلايدى. اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ٴماجىلىسى 1 ـ ايدىڭ 20 ـ كۇنى تۇستەن كەيىن ەكىنشى جالپى جيىنىن وتكىزىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنەن باياندامانى، اۆتونوميالى رايوندىق جوعارى حالىق سوتى مەكەمەسىنىڭ قىزمەتىنەن باياندامانى، اۆتونوميالى رايوندىق حالىق پروكۋراتۋراسىنىڭ قىزمەتىنەن باياندامانى تىڭدادى، اۆتونوميالى رايوننىڭ قايشىلىقتاردى، داۋ ـ شارلاردى كوپ ٴتۇرلى جولمەن شەشۋ ەرەجەسى (جوبا) جونىندەگى تۇسىنىكتى تىڭدادى، اۆتونوميالى رايوندىق 14 ـ كەزەكتى حالىق قۇرىلتايى 3 ـ ٴماجىلىسىنىڭ سايلاۋ ٴادىسىن داۋىسقا سالىپ ماقۇلدادى.
ەركىن تۇنياز، نۇرلان ٴابىلماجىن، شاۋكەت يمىن، حى جۇڭيوۋ، جاڭ جۋ، چىن ميڭگو، تيان شياڭلي، چىن ۋيجۇن، ٴيۇسۇپجان مامەت، ەلزات احمەتجان، قادەن كابەن، ۋاڭ لين جانە ٴماجىلىس ٴتوراعالار القاسىنىڭ مۇشەلەرى ٴتوراعالار مىنبەسىنەن ورىن الدى.
ٴماجىلىس ٴتوراعالار القاسىنىڭ تۇراقتى ٴتوراعاسى، اتقارۋشى ٴتوراعاسى ۋاڭ ميڭشان جيىندى باسقاردى. ٴماجىلىستىڭ اتقارۋشى ٴتوراعالارى ٴتوراعالار مىنبەسىنىڭ الدىڭعى قاتارىنان ورىن الدى.
جيىنعا قاتىناسۋعا ٴتيىستى ۋاكىل 544 ادام، قاتىناسقان ۋاكىل 506 ادام، بۇل زاڭدا بەلگىلەنگەن ادام سانىنا ۇيلەسەدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ تاپسىرۋىمەن اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ماجىلىسكە قىزمەتتەن بايانداما جاسادى. ول بىلاي دەدى: 2024 ـ جىلى اۆتونوميالى رايوندىق حالىق قۇرىلتايى تۇراقتى كوميتەتى باس شۋجي شي جينپيڭنىڭ مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، اۆتونوميالى رايوندىق پارتكومنىڭ باسشىلىعىندا، ورنىقتىلىق بارىسىندا ىلگەرىلەپ، جاڭا داۋىردەگى حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتىپ، ٴتۇرلى مىندەتتەردى جاپپاي ورىنداپ، شينجياڭنىڭ رەفورما، دامۋ، ورنىقتىلىق ىستەرىنە بەلسەندى ۇلەس قوستى. ٴبىر جىلدان بەرى، تۇراقتى كوميتەت اۆتونوميالى رايوننىڭ جالپى 16 زاڭ ەرەجەسىن، 10 زاڭ ەرەجەلىك قاۋلى ـ قارارىن قاراپ ماقۇلدادى، اۆتونوميالى رايوننىڭ 7 زاڭ ەرەجەسىن العاش رەت قارادى، بەكىتۋگە جولدانعان 39 زاڭ ەرەجەنى تەكسەرىپ بەكىتتى؛ ”ۇكىمەتتىڭ، جوعارى حالىق سوتى مەكەمەسىنىڭ، حالىق پروكۋراتۋراسىنىڭ“ 17 ارناۋلى بايانداماسىن تىڭدادى، 9 رەت زاڭ اتقارۋ بويىنشا تەكسەرۋ، 4 رەت كوزدەن كەشىرۋ، 13 تەكسەرۋ ـ زەرتتەۋ، 3 رەت ارناۋلى تاقىرىپتىق جاۋاپ الۋ ورىستەتتى. تۇراقتى كوميتەت تاعى جالپى بارىستىق حالىق دەموكراتياسىن امالياتتا ايگىلەۋ جانە ونى دامىتۋ، ۋاكىلدەردىڭ قىزمەت قابىلەتى قۇرىلىسىن كۇشەيتۋ، شەتەلدەرمەن اۋىس ـ كۇيىس پەن سەلبەستىكتى كەڭ كولەمدە ورىستەتۋ، وزىندىك قۇرىلىستى كۇشەيتۋ سىندى ٴتۇرلى قىزمەتتەردە تىڭ تابىستارعا قول جەتكىزدى. جاڭا ٴبىر جىلدا تۇراقتى كوميتەت شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن تياناقتاندىرىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ماڭىزدى بويسۇنۋ ولشەمى، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى نەگىزگى جەلى، رەفورمانى اناعۇرلىم جاپپاي تەرەڭدەتۋدى قوزعاۋشى كۇش ەتىپ، جالپى بارىستىق حالىق دەموكراتياسىن دامىتىپ، حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، زاڭ بويىنشا مىندەت اتقارىپ، جاۋاپكەرشىلىك ارقالاپ ٴىس تىندىرادى. پارتيانىڭ جاپپاي باسشىلىعىنا تاباندى بولۋدا ٴتىپتى دە بەكەم دە بەرىك بولىپ، حالىق قۇرىلتايىنىڭ زاڭ شىعارۋداعى جەتەكشىلىك رولىن تولىق ساۋلەلەندىرۋدە ونان ارى جاۋاپكەرشىلىك ارقالاپ، جاۋاپكەرشىلىكتى ادا ەتۋ، حالىق قۇرىلتايىنىڭ باقىلاۋ رولىن تولىق ساۋلەلەندىرۋدە ونان ارى قۋاتتى، ىسكەر بولىپ، ۋاكىلدەردىڭ رولىن تولىق ساۋلەلەندىرۋدە ونان ارى ارەكەتتە ايگىلەپ، ونىمدىلىك كورسەتىپ، حالىق قۇرىلتايىنىڭ سىرتقى ىستەر قىزمەتىن تەرەڭدەتۋدە، كەڭەيتۋدە ونان ارى سانالى، وزىنە سەنىمدى بولىپ، تۇراقتى كوميتەتتىڭ وزىندىك قۇرىلىسىن كۇشەيتۋدە ونان ارى تەرەڭدەتىپ، ناقتىلاندىرىپ، حالىق قۇرىلتايى ٴتۇزىمىنىڭ كورنەكتى ارتىقشىلىعى مەن ماڭىزدى رولىن تولىق ساۋلەلەندىرىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا حالىق قۇرىلتايىنىڭ تىڭ ۇلەسىن قوسۋ كەرەك.
اۆتونوميالى رايوندىق جوعارى حالىق سوتى مەكەمەسىنىڭ باستىعى ٴدىلشات سايىم اۆتونوميالى رايوندىق جوعارى حالىق سوتى مەكەمەسى اتىنان ماجىلىسكە قىزمەتتەن بايانداما جاساعاندا بىلاي دەدى: 2024 ـ جىلى تۇتاس رايونداعى سوت مەكەمەلەرى شي جينپيڭ زاڭمەن باسقارۋ يدەياسىن ىشكەرىلەي دايەكتىلەندىرىپ، نازاردى ادىلدىك پەن ونىمدىلىككە شوعىرلاندىرىپ، ساياسي جاۋاپكەرشىلىكتى كۇشەيتىپ، ٴادىليا ۇستانىمىندا بۇرىلىس جاساپ، سوت جۇرگىزۋدى باسقارۋدى ساپالىلاندىرىپ، مىعىم ىسىلعان قوسىن سومداپ، كەلەلى جاعداي ٴۇشىن قىزمەت وتەۋدى، حالىق ٴۇشىن ٴادىليا جۇرگىزۋدى تەرەڭدەتىپ، ناقتىلاندىرىپ، سوت قىزمەتىنىڭ وسىزاماندانۋى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا تىرەك بولدى جانە قىزمەت وتەدى. ٴبىر جىلدان بەرى، تۇتاس رايونداعى سوت مەكەمەلەرى جالپى ٴبىر ميلليون 3200 ٴتۇرلى دەلونى قابىلداپ، 919 مىڭ 200 دەلونى قاراپ اياقتاتتى؛ اۆتونوميالى رايوندىق جوعارى حالىق سوتى مەكەمەسى 9161 دەلونى قابىلداپ، 8507 دەلونى قاراپ اياقتاتتى. قالىڭ كادر ـ ساقشىلار قاجىرلىلىقپەن ىستەپ، قامال الىپ، قيىنشىلىقتاردى جەڭىپ، دەلو ىستەۋ ساپاسى مەن ونىمدىلىگىن ورنىقتىلىق بارىسىندا جوعارىلاتتى. جاڭا ٴبىر جىلدا بۇكىل رايونىمىزداعى سوت مەكەمەلەرى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ورنىقتىلىق بارىسىندا ىلگەرىلەپ، ىلگەرىلەۋ بارىسىندا ورنىقتىلىقتى جەبەپ، ٴادىليانى ٴادىل جۇرگىزىپ، دەلونى جوعارى ٴونىمدى ٴبىتىرىپ، سوت مەكەمەسىن ساياسي جاقتان قۇرۋعا، ادالدىقتى سومداۋعا، ناقتى ٴىس تىندىرىپ، سوت مەكەمەسىن گۇلدەندىرۋگە، دامۋدى جەبەۋگە، سوت مەكەمەسىن ٴادىل قۇرىپ، حالىققا باقىت جاراتۋعا، رەفورما ارقىلى سوت مەكەمەسىن قۇدىرەتتەندىرىپ، ماڭداي الدى بولۋعا، سوت مەكەمەسىن قاتاڭ باسقارىپ، قۇرىش قوسىن قۇرۋعا تاباندى بولىپ، جاڭا جورىقتا ٴداۋىردىڭ، تاريحتىڭ، حالىقتىڭ ٴۇمىتىن اقتايتىن ناتيجە جاراتادى.
اۆتونوميالى رايوندىق حالىق پروكۋراتۋراسىنىڭ باس پروكۋرورى گاۋ جيميڭ اۆتونوميالى رايوندىق حالىق پروكۋراتۋراسى اتىنان ماجىلىسكە قىزمەتتەن بايانداما جاساعاندا بىلاي دەدى: وتكەن ٴبىر جىلدا تۇتاس رايونىمىزداعى پروكۋراتۋرا ورگاندارى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، پروكۋراتۋرا فۋنكتسياسىن زاڭ بويىنشا جاپپاي، دالمە ـ ٴدال اتقاردى، جيىنى 100 مىڭ 86 ٴتۇرلى دەلونى ٴبىر جاقتى ەتتى، 44 مىڭ 888 قىلمىستىق ىستەر، ازاماتتىق ىستەر، اكىمشىلىك ارىز ـ شاعىمدى باقىلاۋ دەلوسىن، 4766 الەۋمەتتىك يگىلىك ارىز ـ شاعىم دەلوسىن ٴبىر جاقتى ەتتى. 2025 ـ جىلى تۇتاس رايونداعى پروكۋراتۋرا ورگاندارى شي جينپيڭ زاڭمەن باسقارۋ يدەياسىن ىشكەرىلەي دايەكتىلەندىرىپ، ”ٴاربىر دەلونى جوعارى ساپامەن، ونىمدىلىكپەن ويداعىداي ٴبىتىرۋ“ نەگىزگى قۇن تالپىنىسىن بەلسەندىلىكپەن امالياتتا ايگىلەپ، ”نەگىزگە دەن قويۋ، شىندىققا جۇگىنۋ، ساپانى جوعارىلاتۋ، ونىمدىلىكتى ارتتىرۋ“ سىندى قىزمەت نىساناسىن تياناق ەتىپ، قابىلەت، ستيل قۇرىلىسىن تەرەڭدەتۋدى تۇتقا ەتىپ، كەلەلى جاعدايعا قىزمەت وتەۋدىڭ، حالىق ٴۇشىن ٴادىليا جۇرگىزۋدىڭ، زاڭمەن باسقارۋ ٴۇشىن جاۋاپكەرشىلىك ارقالاۋدىڭ ساپا ونىمدىلىگىن اناعۇرلىم جوعارىلاتادى. پارتيانىڭ شارتسىز باسشىلىعىنا تاباندى بولىپ، رەفورمانى، دامۋدى، ورنىقتىلىقتى تاباندىلىقپەن قامتاماسىز ەتىپ، حالىق تۇرمىسىن، حالىقتىڭ مۇددەسىن تاباندىلىقپەن قورعاپ، قوعامنىڭ ادىلدىگىن، تۋراشىلدىعىن تاباندىلىقپەن قورعاپ، ىسىلعان مىعىم پروكۋراتۋرا قوسىنىن تاباندىلىقپەن سومداپ، زاڭ بويىنشا مىندەت اتقارىپ، قايراتتانا العا ۇمتىلىپ، جاۋاپكەرشىلىك ارقالاپ ىسكەرلىك كورسەتىپ، كورىكتى شينجياڭ قۇرۋعا پروكۋراتۋرا ورگاندارىنىڭ تىڭ دا اناعۇرلىم زور ۇلەسىن قوسادى.