ەركىن تۇنياز اۆتونوميالى رايوندىق ساياسي كەڭەس 13 ـ كەزەكتى كوميتەتى 3 ـ ٴماجىلىسىنىڭ بىرىككەن گرۋپپالار تالقىسىنا قاتىناسقاندا بىلاي دەپ باسا دارىپتەدى
شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا كوپتەپ ۇلەس قوسۋ كەرەك
نۇرلان ٴابىلماجىن تالقىعا قاتىناستى
انار بۇلت \ شينجياڭ گازەتىنىڭ ٴتىلشىسى لي ياڭ 1 ـ ايدىڭ 20 ـ كۇنى ۇرىمجىدەن حابارلايدى. 1 ـ 20 ـ كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 3 ـ ماجىلىسىندەگى ەكونوميكا سالاسىنداعى، ساۋدا ـ ونەركاسىپشىلەر بىرلەستىگى سالاسىنداعى مۇشەلەردىڭ بىرىككەن گرۋپپالار تالقىسىنا قاتىناسىپ، ولاردىڭ پىكىر ـ ۇسىنىستارىن تىڭدادى. اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن تالقىعا قاتىناستى.
ەركىن تۇنياز بىلاي دەدى: ٴتوراعا نۇرلان ٴابىلماجىن جاساعان باياندامانىڭ تۇرعىسى بيىك، وي جەلىسى ايقىن، شارالارى ناقتى، سەنىمدى بەكەمدەيتىن، كۇش ـ قۋات توپتايتىن، قايراتتى تاسقىنداتاتىن تاماشا بايانداما، اۆتونوميالى رايوندىق ساياسي كەڭەستىڭ ٴوز باسىمدىعىن ساۋلەلەندىرۋگە تاباندى بولىپ، وزەككە، كەلەلى جاعدايعا قىزمەت وتەيتىن ناقتى ىستەۋىن، جاۋاپكەرشىلىك ارقالاۋىن تولىق بەينەلەدى. وتكەن ٴبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم تۇتاس رايونداعى ٴار ۇلت كادرلارىن، بۇقاراسىن ىنتىماقتاستىرىپ، باستاپ، يدەيانى ازات ەتىپ، شىنايى يگەرىپ ناقتى ىستەپ، شينجياڭ قىزمەتىنىڭ جاڭا جاعدايىن اشتى. جاڭا ٴبىر جىلدا كوپشىلىكتىڭ سەنىمدى ونان ارى بەكەمدەپ، دارىندىلار جينالعان، اقىل ـ پاراسات توپتالعان، بايلانىس اياسى كەڭ ارتىقشىلىعىن تولىق ساۋلەلەندىرىپ، اۆتونوميالى رايوندىق پارتكوممەن جانە ۇكىمەتپەن سايكەستى قاداممەن ىلگەرىلەپ، بىرگە كۇش سالىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا كوپتەپ ۇلەس قوسۋىن ٴۇمىت ەتەمىن.
تالقى كەزىندە ەركىن تۇنياز ٴبىر جاعىنان، ليۋ چىڭ، شياۋ جىحاي قاتارلى 12 ساياسي كەڭەس مۇشەسىنىڭ ٴسوزىن مۇقيات تىڭداپ، ەندى ٴبىر جاعىنان، كوپشىلىكپەن پىكىر اۋىستىرىپ، ىقپالداستى. ول مىنالاردى ٴبىلدىردى: ساياسي كەڭەس مۇشەلەرىنىڭ ۇسىنىسى كۇشتى كەلەلى جاعداي تانىمىن جانە مىندەت وتەپ، جاۋاپكەرشىلىك ارقالاۋىن تولىق بەينەلەدى، ۇكىمەت قىزمەتىن ويداعىداي ىستەۋگە ايرىقشا كومەگى تيەدى. اۆتونوميالى رايوندىق ۇكىمەت ساياسي كەڭەس مۇشەلەرىنىڭ مىندەت وتەپ، جاۋاپكەرشىلىگىن ادا ەتۋىن اۋەلگىسىندەي قولداپ، قاتىستى تاراۋلاردى ۇيىمداستىرىپ مۇقيات زەرتتەپ، قابىلداپ، ورەلى اقىل ـ كەڭەستەردى شىن مانىندە ىستەر دامۋىن جەبەۋدەگى شىنايى، ناقتى شارالارعا اينالدىرادى.
ەركىن تۇنياز بىلاي دەدى: بيىلعى نىسانا ـ مىندەتتەردى ورىنداۋ استە وڭاي ـ وسپاق ىسكە اسا قويمايدى. پارتيا باسشىلىعىن ەكونوميكالىق قىزمەتتىڭ جالپى بارىسىمەن ساباقتاستىرىپ، جالپى مولشەر مەن ساپا قاتىناسىن، ٴداستۇرلى كاسىپ سالالارى مەن جاڭادان گۇلدەنگەن كاسىپ سالالارى قاتىناسىن، تۇتىنۋ مەن حالىق تۇرمىسى قاتىناسىن، ۇكىمەتتىڭ ونىمدىلىگىن جوعارىلاتۋ مەن شارۋاشىلىق ـ ساۋدا ورتاسىن ساپالىلاندىرۋدىڭ قاتىناسىن ويداعىداي ٴبىر جاقتى ەتىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ويداعىداي ٴبىر تۇتاس جوسپارلاپ، رايونىمىز ەكونوميكا قىزمەتىنىڭ تىڭ ساتىعا كوتەرىلۋىن ىلگەرىلەتۋ كەرەك.
ەركىن تۇنياز ساياسي كەڭەس مۇشەلەرىن اۆتونوميالى رايوننىڭ ”ون ٴىرى كاسىپ سالاسى شوعىرى“ قۇرىلىسىن ارقاۋ ەتىپ، بەلسەندىلىكپەن اقىل ـ كەڭەس بەرىپ، وي جەلىسىن، ٴادىس ـ امال ازىرلەپ، ”ون ٴىرى كاسىپ سالاسى شوعىرىنىڭ“ ”بارلىعى بار بولۋدان“ ” ٴبارى ساپالى بولۋعا“ قاراي بۇرىلىس جاساۋىن ىلگەرىلەتۋگە ىنتالاندىردى. حالىقتىق شارۋاشىلىقتى شىن مانىندە زورايتىپ، كۇشەيتىپ، ساپالىلاندىرىپ، ”ەكىدەن تيتتەي دە اۋىتقىماۋعا“ تاباندى بولىپ، حالىقتىق كاسىپورىنداردىڭ ىرىقتىلىقپەن جاڭا دامۋ ۇستانىمىن امالياتتا ايگىلەپ، دامۋ تاسىلىندە بۇرىلىس جاساپ، كاسىپ سالاسى قۇرىلىمىن رەتتەپ، ارتۋ قوزعاۋشى كۇشىن اۋىستىرىپ، عىلىم ـ تەحنولوگيادا جاڭالىق اشۋ سەرپىنىن ارتتىرۋ كەرەك. حالىقتىق كاسىپورىنشىلار وتان سۇيىسپەنشىلىگىن كۇشەيتىپ، اناعۇرلىم كوپ جۇمىستانۋ ورنىن ازىرلەۋ ارقىلى ٴار ۇلت بۇقاراسىن كىرىستەرىن ارتتىرىپ، بايۋعا باستاۋى كەرەك. ۇكىمەت تاراۋلارى شارۋاشىلىق ـ ساۋدا ورتاسىن ۇزدىكسىز ساپالىلاندىرىپ، ۇدايىلانعان ۇكىمەت ـ كاسىپورىن بايلانىسى مەحانيزمىن قۇرىپ، كەمەلدەندىرىپ، شارۋاشىلىق تۇلعالارىنا كوڭىل ٴبولىپ، ولاردى ايالاپ، ساياساتتى تولىق زەرتتەپ، ويداعىداي تياناقتاندىرىپ، اناعۇرلىم كوپ باعىتتامالى شارالار ارقىلى ٴتۇرلى كاسىپورىندارعا تاماشا ورتا جاراتىپ، كاسىپورىنداردىڭ قول ـ اياعىن بوساتىپ، جەڭىل اتتانىپ، باتىلدىقپەن دامۋىنا دەم بەرۋى كەرەك.
جۋ ليفان، ليۋ حۇيجۇن، جين جىجىن بىرىككەن گرۋپپالار جيىنىنا قاتىناستى.