ما شيڭرۇي، ەركىن تۇنياز، ٴزۇمىرات وبۇل، حى جۇڭيوۋ، جاڭ جۋ، چىن ميڭگو قاتىناستى
نۇرلان ٴابىلماجىن باسقاردى ٴارى ٴسوز سويلەدى
1 ـ ايدىڭ 21 ـ كۇنى جۇڭگو حالىق ساياسي ٴماسليحات كەڭەسى شينجياڭ ۇيعۇر اۆتونوميالى رايوندىق 13 ـ كەزەكتى كوميتەتىنىڭ 3 ـ ٴماجىلىسى شينجياڭ حالىق سارايىندا جابىلدى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى لي ياڭ، جاڭ يانفاڭ 1 ـ ايدىڭ 21 ـ كۇنى ۇرىمجىدەن حابارلايدى. اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 3 ـ ٴماجىلىسى ٴتۇرلى كەڭەستىك تارتىپتەرىن تولىق ورىنداپ بولعان سوڭ، 1 ـ ايدىڭ 21 ـ كۇنى تۇستەن بۇرىن شينجياڭ حالىق سارايىندا جابىلدى. ٴماجىلىس تۇتاس رايونداعى ٴار دارەجەلى ساياسي كەڭەستەردى، ساياسي كەڭەسكە قاتىناسۋشى ورىنداردى جانە ٴار ۇلت، ٴار سالا مۇشەلەرىن شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ باسشىلىعىندا، تۋراشىلدىقتان اينىماي جاڭالىق اشىپ، قايراتتانا العا ىلگەرىلەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ ٴۇشىن ىنتىماقتاسا كۇرەس جۇرگىزۋگە ۇندەدى.
ما شيڭرۇي، ەركىن تۇنياز، ٴزۇمىرات وبۇل، حى جۇڭيوۋ، جاڭ جۋ، چىن ميڭگو، تيان شياڭلي، چىن ۋيجۇن، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن، ۋاڭ لين ٴتوراعالار مىنبەسىنەن ورىن الدى.
اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن ٴماجىلىستى باسقاردى ٴارى ٴسوز سويلەدى. اۆتونوميالى رايوندىق ساياسي كەڭەستىڭ ورىنباسار ٴتوراعالارى جاروللا يسامدين، كۇڭ شيڭلۇڭ، ياڭ يۇڭ، ابدۇرىقىپ ٴتومۇرنياز، نۇرىم سىمايىلقان، ازەز مۇسا، ليۋ حۇيجۇن، ليۋ جيانميڭ، پۋ شۋەمەي، شۇي شيان ـ ي، اسەنجان احمەت، جين جىجىن، باتۋ ٴتوراعالار مىنبەسىنىڭ الدىڭعى قاتارىنان ورىن الدى.
اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 3 ـ ماجىلىسىنە قاتىناسۋعا ٴتيىستى مۇشە 523 ادام، ناق قاتىناسقانى 498 ادام، بۇل بەلگىلەمەدەگى ادام سانىنا ۇيلەسەدى.
ٴماجىلىس ساياسي كەڭەس شينجياڭ ۇيعۇر اۆتونوميالى رايوندىق 13 ـ كەزەكتى كوميتەتى 3 ـ ٴماجىلىسىنىڭ گاۋ جياڭحۋايدىڭ ساياسي كەڭەس شينجياڭ ۇيعۇر اۆتونوميالى رايوندىق 13 ـ كەزەكتى كوميتەتىنىڭ باس حاتشىسى مىندەتىنەن بوساۋ ٴوتىنىشىن قابىلداۋ جونىندەگى قارارىن ماقۇلدادى؛ «ساياسي كەڭەس شينجياڭ ۇيعۇر اۆتونوميالى رايوندىق 13 ـ كەزەكتى كوميتەتى 3 ـ ٴماجىلىسىنىڭ سايلاۋ ٴادىسىن» جانە باس بەلەت باقىلاۋشىنىڭ، بەلەت باقىلاۋشىلاردىڭ ەسىمدىگىن ماقۇلدادى.
ٴماجىلىس تولىق اقىلداسۋ، دەموكراتيالىق كەڭەسۋ ارقىلى ات جازباي بەلەت تاستاۋ ٴتاسىلىن قولدانىپ، شى گاڭدى ساياسي كەڭەس شينجياڭ ۇيعۇر اۆتونوميالى رايوندىق 13 ـ كەزەكتى كوميتەتىنىڭ ورىنباسار ٴتوراعالىعىنا، رىن چىڭدى باس حاتشىلىققا، جۋاڭ شۋجۇندى، جاڭ شۇيدى، جاڭ حۋاجۇڭدى، گاۋ جياڭحۋايدى تۇراقتى مۇشەلىككە تولىقتاپ سايلادى. وسىدان كەيىن نۇرلان ٴابىلماجىن جاڭادان سايلانعان اۆتونوميالى رايوندىق ساياسي كەڭەستىڭ ورىنباسار ٴتوراعاسىن جانە باس حاتشىسىن ٴتوراعالار مىنبەسىنە وتىرۋعا ۇسىنىس ەتتى.
ٴماجىلىس اۆتونوميالى رايوندىق ساياسي كەڭەس 13 ـ كەزەكتى كوميتەتى 3 ـ ٴماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قارارىن، اۆتونوميالى رايوندىق ساياسي كەڭەس 13 ـ كەزەكتى كوميتەتى 3 ـ ٴماجىلىسىنىڭ اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ماجىلىسىنەن بەرگى ۇسىنىس جوبا قىزمەتى جاعدايى بايانداماسى جونىندەگى قارارىن، اۆتونوميالى رايوندىق ساياسي كەڭەس 13 ـ كەزەكتى كوميتەتى ۇسىنىس جوبا كوميتەتىنىڭ اۆتونوميالى رايوندىق ساياسي كەڭەس 13 ـ كەزەكتى كوميتەتى 3 ـ ٴماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسىن، اۆتونوميالى رايوندىق ساياسي كەڭەس 13 ـ كەزەكتى كوميتەتى 3 ـ ٴماجىلىسىنىڭ ساياسي قارارىن ماقۇلدادى.
نۇرلان ٴابىلماجىن بىلاي دەدى: اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 3 ـ ٴماجىلىسى اۆتونوميالى رايوندىق پارتكومنىڭ پارمەندى باسشىلىعىندا، بارلىق مۇشەلەر مەن ماجىلىسكە قاتىناسقان جولداستاردىڭ بىرگە قۇلشىنۋى ارقىلى ٴتۇرلى كەڭەستىك تارتىپتەرىن تابىستى ورىندادى، بۇل تۋدى بيىك ۇستاعان، ىنتىماقتى دا دەموكراتيالى، شىندىققا جۇگىنىپ، ەكپىندەي ىلگەرىلەگەن، زەيىن ـ زەردەنى ۇيىستىرىپ، كۇش ـ قۋات توپتاعان ٴبىر رەتكى ٴماجىلىس بولدى. بارلىق مۇشەلەر نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، جۇڭحۋا ۇلتى ورتاق تۇلعا تانىمىن بەكەمدەۋ سىندى نەگىزگى جەلىگە تاباندى بولىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، ٴتۇرلى باياندامالاردى، قارارلاردى مۇقيات قاراپ جانە تالقىلاپ، بەلسەنە اقىل ـ كەڭەس بەرىپ، تاماشا رۋحاني كەلبەتتەرىن ايگىلەدى.
نۇرلان ٴابىلماجىن بىلاي دەپ باسا دارىپتەدى: بيىل _ ”14 ـ بەسجىلدىق“ جوبا اياقتالاتىن جىل، اۆتونوميالى رايون قۇرىلعاندىعىنىڭ 70 جىلدىعى. اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ماجىلىسىندە بيىلعى ٴتۇرلى مىندەتتەر جاپپاي ورنالاستىرىلىپ، ”14 ـ بەسجىلدىق“ جوبانى اياقتاتىپ، ”15 ـ بەسجىلدىق“ جوبانى جوسپارلاۋدىڭ اتوي دابىلى قاعىلدى؛ وسى رەتكى اۆتونوميالى رايوندىق ەكى ماجىلىستە ناقتى ”قۇرىلىس كارتاسى“، ”جاۋاپكەرشىلىك ٴتىزىمى“ ونان ارى ايقىندالىپ، تۇتاس رايونداعى ٴار دارەجەلى ساياسي كەڭەستەردىڭ ابزالدىلىعىن ساۋلەلەندىرىپ، قۇنىن ايگىلەۋىنە كەڭ ساحنا ازىرلەندى. شي جينپيڭ جاڭا ٴداۋىر جۇڭگوشا سوتسياليزم يدەياسىن جەتە ۇيرەنىپ، جەتە ٴتۇسىنىپ، شىنايى اتقارىپ، اۆتونوميالى رايوندىق پارتكومنىڭ پارمەندى باسشىلىعىندا، جالپى جاعداي بيىگىندە تۇرىپ، جالپى جاعدايمەن توعىسىپ، يدەيانى ازات ەتىپ، ناقتى ىستەۋدى ماڭداي الدى ورىنعا قويىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا قىزمەت وتەۋدە جاڭا جاۋاپكەرشىلىكتى ايگىلەپ، جاڭا ۇلەس قوسۋىمىز كەرەك. ادالدىق رۋحىن بەرىك ورناتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ ورتاق يدەيا ـ ساياسي نەگىزىن اناعۇرلىم بەكەمدەۋ كەرەك؛ قايراتتانا جاۋاپكەرشىلىك ارقالاپ، اۆتونوميالى رايوندىق پارتكومنىڭ وزەكتى قىزمەتىن تىعىز ارقاۋ ەتىپ، ارناۋلى كەڭەس قۇرىلىمىنىڭ ابزالدىلىعىن، رولىن شىنايى ساۋلەلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ داۋىرلىك تاراۋىن اناعۇرلىم تارتىمدى ەتىپ جازۋ كەرەك؛ ەكپىندەي ىلگەرىلەۋ كۇشىن ۇيىستىرىپ، يدەيالىق ـ ساياسي جەتەكشىلىكتى كۇشەيتۋ، كەڭ كولەمدە ورتاق تانىم ۇيىستىرۋ سىندى وزەكتى بۋىندى مىقتاپ يگەرىپ، ىنتىماقتاسا كۇرەس جۇرگىزۋ داۋىرلىك تالابىن مىقتاپ يگەرىپ، پارتيانى جاپپاي قاتاڭ باسقارۋدى ماڭگى جالعاستىراتىن تاريحي ىرىقتىلىقتى مىقتاپ يگەرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ سەنترلەس شەڭبەرىن ٴتىپتى دە ۇلكەن ەتىپ سىزۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىندەگى، ۇكىمەتتەگى، اسكەري رايونداعى، بيڭتۋانداعى باسشى جولداستار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، مەملەكەتتىك ساياسي كەڭەستە مىندەت وتەپ جاتقان باسشى جولداستار، 11 ـ توپتاعى شينجياڭعا كومەكتەسەتىن ولكە، قالالاردىڭ الدىڭعى شەپ قولباسشىلىق شتابىنىڭ قولباسشىلارى، شەتەلدەگى چياۋباۋلار جانە شياڭگاڭدىق، اۋمىندىق قايراتكەرلەر ۋاكىلدەرى قاتارلىلار جابىلۋ ماجىلىسىنە سىرتتاي قاتىناستى.
ٴماجىلىس ايبىندى مەملەكەت ٴانى ىشىندە جابىلدى.