انار بۇلت \ شينجياڭ گازەتىنىڭ ٴتىلشىسى ما ينيڭ 2 ـ ايدىڭ 9 ـ كۇنى ۇرىمجىدەن حابارلايدى. بيىل 1 ـ ايدا شينجياڭ اۋەجاي (توبى) شەكتى جاۋاپكەرشىلىك سەرىكتەستىگىنىڭ جولاۋشى قابىلداۋ ـ جونەلتۋ مولشەرى 3 ميلليون 869 مىڭ 700 ادامعا (رەت) جەتىپ، سايكەس مەزگىلدەگىدەن %18 ارتىپ تاماشا باستامانى جۇزەگە اسىردى.

　　مۇندا ٴۇرىمجى حالىقارالىق اۋەجايىنىڭ جولاۋشى قابىلداۋ ـ جونەلتۋ مولشەرى 2 ميلليون 123 مىڭ 200 ادامعا (رەت) جەتىپ، سايكەس مەزگىلدەگىدەن %8.18 ارتتى؛ ميلليون دارەجەلى اۋەجايلار اراسىندا كورلا ليچىڭ اۋەجايىنىڭ، ىلە قۇلجا حالىقارالىق اۋەجايىنىڭ جولاۋشى قابىلداۋ ـ جونەلتۋ مولشەرىنىڭ سايكەس مەزگىلدەگىدەن ارتۋ شاماسى ەڭ جوعارى بولىپ، سايكەس مەزگىلدەگىدەن جەكە ـ جەكە %46.6، %43.6 ارتتى.

　　1 ـ ايدا بۇكىل شينجياڭدا 3 رەت سۋىق اعىس، تەمپەراتۋرا تومەندەۋ سياقتى اۋا رايى بارىسى جانە 16 كۇن بويى كورۋ ارالىعى قىسقا بولعان اۋا رايى بارىسى جارىققا شىعىپ، باستىسى، ٴۇرىمجى، كورلا، التاي، قارامايلى، شونجى، قۇلجا، شاۋەشەك سياقتى شينجياڭ ٴىشى اۋەجايلارىن شارپىدى. شينجياڭ اۋەجاي توبى اۆتونوميالى رايوندىق اۋا رايى تاراۋلارىمەن ىشكەرىلەي سەلبەسىپ، قىس ماۋسىمىنداعى كۇردەلى اۋا رايىن بولجاۋ دالدىگىن جوعارىلاتىپ، ”بۇكىل ٴوڭىر + اۋماق“ ٴبىرتۇلعالانعان اينالىم مەحانيزمىن تولىق ساۋلەلەندىرىپ، ۇشاقتىڭ قاتىناۋ جاعدايىن ناقتى ۋاقىتتا باقىلاپ ـ مەڭگەرىپ جانە ٴدال مەجەلەپ، ۇشۋ كەزەگى جوسپارىن الدىن الا رەتتەدى. ٴار جاقتىڭ ٴبىر تۇتاس جوسپارلاپ سايكەستىرۋىنىڭ، الدىن الا ورنالاستىرۋىنىڭ، يكەمدى رەتتەۋىنىڭ ارقاسىندا قار ـ مۇز، سوقىر تۇمان سياقتى ٴتيىمسىز اۋا رايى كەزىندە بۇكىل شينجياڭداعى ٴارقايسى اۋەجايدا بوگەلگەن جولاۋشى بولمادى، تۇتاس تۇلعالىق جاقتان ورنىقتى، ٴتارتىپتى اينالىم جۇرگىزىلدى. شينجياڭ اۋەجاي توبىنا قاراستى وڭىرلەردەگى اۋەجايلاردىڭ ورتاشا قالىپتى قاتىناۋ مولشەرى %91.89كە جەتتى، مۇندا ىلە قۇلجا حالىقارالىق اۋەجايىنىكى %94.11، اقسۋ حۇڭچيپو اۋەجايىنىكى %93.58 بولىپ، ۇقساس تۇردەگى اۋەجايلار اراسىندا الدىڭعى قاتاردا تۇردى.

　　شينجياڭ قار ـ مۇز سپورتىنىڭ قىزۋ ورلەۋ كوتەرۋى، اۋەجايلار مەن مادەنيەت ـ ساياحاتتىڭ تەرەڭ توعىسۋى شينجياڭنىڭ قىسقى قار ـ مۇز ساياحاتىنىڭ ۇزدىكسىز دابىرالى بولۋىنا تۇرتكى بولىپ، شينجياڭ ىشىندەگى ساياحاتشىلار كوپ باراتىن قالالار وزگەشە قار ـ مۇز بايلىعى مەن باي مازمۇندى مادەنيەت ـ ساياحات قيمىلدارىنا سۇيەنىپ، قىرۋار ساياحاتشىلاردى باۋرادى. التاي، كوكتوعاي، موڭعۇلكۇرە سياقتى ساياحات اۋەجايلارىنىڭ جولاۋشى قابىلداۋ ـ جونەلتۋ مولشەرى بىلتىرعى سول تۇستاعىدان جەكە ـ جەكە %63.6، %233.19، %70.7 ارتتى.

　　سونىمەن بىرگە شينجياڭ اۋەجاي توبى قىزمەت وتەۋ ٴتارتىبىن ۇزدىكسىز ساپالىلاندىرىپ، قىزمەت وتەۋ ساپاسىن كوتەردى. بۇكىل شينجياڭداعى ٴارقايسى اۋەجايدا اۆتوماتتى قىزمەت وتەۋ اسپاپتارىن كوبەيتىپ، جولاۋشىلاردىڭ ۇشاققا شىعۋ، جۇكتەرىن اماناتتاپ جونەلتۋ، حاۋىپسىزدىك تەكسەرۋ سياقتى راسمياتتاردى جىلدام بىتىرۋىنە قولايلىلىق جاسادى؛ ۇشاق كۇتۋ اۋماعىنىڭ ورتاسىن ساپالىلاندىرىپ، دەمالاتىن ورىندىقتاردى، زاريادتاۋ جابدىقتارىن كوبەيتىپ، قايناق سۋ، سىمسىز ينتەرنەت سياقتى قىزمەت وتەۋلەرمەن تەگىن قامدادى؛ قارتتار، قاۋقارسىز جاندار، اۋرۋلار، مۇگەدەكتەر، جۇكتى ايەلدەر سياقتى ەرەكشە جولاۋشىلارعا مەڭزەس مەيىر جەتكىزۋ ارناسىن، انا ـ بالا بولمەسىن ورنالاستىرىپ، ارناۋلى ادام جەتەكشىلىك ەتەتىن جانە كومەكتەسىپ سۇيەمەلدەيتىن قىزمەت وتەۋ ازىرلەدى؛ ورتا جولدا اۋىساتىن جولاۋشىلاردى اس ـ سۋ، جاتىن ورىن، تىنىعۋ سياقتى قىزمەت وتەۋلەرمەن تەگىن قامداپ، جولاۋشىلاردىڭ ساپار بارىسىن مەيىرگە بولەدى.

جالعانىم