انار بۇلت \ شينجياڭ گازەتىنىڭ ٴتىلشىسى حي حۇڭۋي 2 ـ ايدىڭ 9 ـ كۇنى ۇرىمجىدەن حابارلايدى. 2025 ـ جىلعى اۆتونوميالى رايوننىڭ ساۋدا ىستەرى قىزمەتى ماجىلىسىنەن ۇعىسۋىمىزشا، بيىل شينجياڭ ساۋداگەر شاقىرىپ قارجى ەنگىزۋدە رايون سىرتىنان تياناقتاندىراتىن قارجىنى سايكەس مەزگىلدەگىدەن %5تىڭ ۇستىندە ارتتىرىپ، 980 ميلليارد يۋاننان اسىرۋعا كۇش سالادى ەكەن.
2024 ـ جىلى شينجياڭ ”ون ٴىرى كاسىپ سالاسى شوعىرىنىڭ“ 36 تارماقتى كاسىپ سالاسى تىزبەگىن ارقاۋ ەتىپ، تىزبەكتى ۇزارتىپ، تىزبەكتى تولىقتاپ، تىزبەكتى كۇشەيتىپ ساۋداگەر شاقىرۋ قىزمەتىن بەلسەنە ورىستەتىپ، جالپى 20 رەت ساۋداگەر شاقىرۋ بويىنشا تانىستىرۋ قيمىلىن وتكىزىپ، سايكەستىرىپ وتكىزىپ، 2400دەن استام كاسىپورىندى ۇسىنىس ەتىپ، جاپپاي بىرلەسىپ ىقپالداسىپ ساۋداگەر شاقىراتىن، جوعارى مەن تومەن كۇش بىرىكتىرىپ قارجى ەنگىزەتىن تاماشا جاعداي قالىپتاستىردى. بۇكىل رايون بويىنشا جالپى 4391 ساۋداگەر شاقىرىپ قارجى ەنگىزۋ نىسانىن تياناقتاندىرىپ، اتقارىپ، رايون سىرتىنان 935 ميلليارد 526 ميلليون يۋان قارجى ەنگىزىپ تياناقتاندىردى، بۇل سايكەس مەزگىلدەگىدەن %11 ارتىپ، ٴۇرتىس 3 جىل 100 ميلليارد يۋان دارەجەلى 3 باسپالداقتان ٴوتتى.
بيىل شينجياڭ ”ون ٴىرى كاسىپ سالاسى شوعىرى“ قۇرىلىسىن ارقاۋ ەتىپ، ساۋداگەر شاقىرۋ قىزمەتىن ٴبىر تۇتاس جوسپارلاپ ورىستەتىپ، ساۋداگەر شاقىرىپ قارجى ەنگىزىلەتىن كەلەلى نىساندارعا ساياساتتىق جەتەكشىلىك ەتۋ مەن قىزمەت وتەۋ قامتاماسىزدىعىن كۇشەيتەدى. مۇنان سىرت، تاعى ۇگىتتەۋدى، تانىستىرۋدى كۇشەيتىپ، ەرەكشەلىككە، باسىمدىققا يە كاسىپ سالاسى شوعىرىنىڭ جانە ايماق، وبلىس، قالالاردىڭ ٴتۇيىندى دامۋ بەتالىسىن ارقاۋ ەتىپ، بەيجيڭ _ تيانجين _ حىبەي، چاڭجياڭ اتىراۋى، ۇلكەن شىعاناق رايونى سياقتى جەرلەردە ساۋداگەر شاقىرىپ قارجى ەنگىزۋ بويىنشا تانىستىرۋ قيمىلىن ورىستەتەدى. نىسان كەلىسىمىن ورىنداۋدى ويداعىداي يگەرۋ ٴۇشىن ايماق، وبلىس، قالالاردىڭ نىساندارعا قىزمەت وتەۋ جاۋاپكەرشىلىك ٴتۇزىمىن اقاۋسىزداندىرۋىنا، كەمەلدەندىرۋىنە جەتەكشىلىك ەتىپ، كەلىسىم جاساسقان نىسانداردى تياناقتاندىرۋعا جاۋاپتى باسشىلاردى جانە ناقتى جاۋاپتى ادامدى ايقىنداپ، ٴتۇيىندى كورمەلەردە، تانىستىرۋ قيمىلىندا كەلىسىم جاساسقان نىسانداردى وكشەلەي قاداعالاۋدى كۇشەيتەدى.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى لي شۋان بىلاي دەپ تانىستىردى: بيىل شينجياڭ تاعى تۇڭعىش كەزەكتى ”شينجياڭ ساۋداگەر شاقىرۋ جينالىسىن“ وتكىزىپ، شينجياڭدا تۇراتىن ساۋدا قوعامدارىن جانە حالىقتىق كاسىپورىنداردى ايماق، وبلىس، قالالارعا بارىپ قارجى قوسۋدى جەبەۋ قيمىلىن ورىستەتۋدى توپقا ٴبولىپ ۇيىمداستىرىپ، شينجياڭدا بۇكىل ەل بويىنشا ولكە، اۆتونوميالى رايون، قالالاردىڭ 1 _ 2 ساۋدا قوعامى قيمىلىن ورىستەتۋگە قول جەتكىزىپ، رايون سىرتىنداعى اناعۇرلىم كوپ كاسىپورىندى شينجياڭعا كەلىپ قارجى قوسىپ شارۋاشىلىقتارىن كوركەيتۋگە باۋرايدى.