شينحۋا اگەنتتىگىنىڭ 2 ـ ايدىڭ 10 ـ كۇنى بەيجيڭنەن بەرگەن حابارى. 2 ـ ايدىڭ 10 ـ كۇنى مەملەكەت ٴتوراعاسى شي جينپيڭ ناميبيانىڭ مەملەكەت قۇرۋشى زۇڭتۇڭى نۇجومانىڭ قايتىس بولۋىنا بايلانىستى ناميبيا زۇڭتۇڭى مبەمباعا كوڭىل ايتۋ تەلەگرامماسىن جولداپ، جۇڭگو ۇكىمەتى جانە جۇڭگو حالقى اتىنان قايعىلى ازا ٴبىلدىرىپ، بۇرىنعى زۇڭتۇڭ نۇجومانىڭ تۋىس ـ تۋعاندارىنان، ناميبيا ۇكىمەتىنەن جانە حالقىنان شىنايى حال سۇرادى.

　　شي جينپيڭ بىلاي دەپ اتاپ كورسەتتى: بۇرىنعى زۇڭتۇڭ نۇجوما افريكانىڭ اعا بۋىن ساياساتكەرى، توڭكەرىسشىسى، كەزىندە ناميبيا حالقىن باستاپ ۇلت تاۋەلسىزدىگىنە، ازاتتىعىنا ۇمتىلىپ جانە ونى جۇزەگە اسىرىپ، ٴوز ەلىنىڭ مەملەكەت جاعدايىنا ۇيلەسەتىن دامۋ جولى جونىندە قۇلشىنا ىزدەنىس جاساپ، تاريحي سيپاتتى ۇلەس قوسقان. كوزى تىرىسىندە جۇڭگوعا دوستىق پەيىلدەن جازباي، جۇڭگو مەن ناميبيانىڭ ٴداستۇرلى دوستىعىن جانە جۇڭگو مەن افريكانىڭ دوستىق سەلبەستىگىن بەلسەنە جەبەگەن. ونىڭ قايتىس بولۋى ناميبيا حالقى ٴۇشىن وراسان زور جوعالتۋ، جۇڭگو حالقى دا ٴبىر كونە دوسىنان، جاقسى دوسىنان ايرىلدى. جۇڭگو ۇكىمەتى جانە جۇڭگو حالقى جۇڭگو مەن ناميبيانىڭ ٴداستۇرلى دوستىعىن ايرىقشا قاستەرلەيدى، ەكى جاقتىڭ ورتاق قۇلشىنۋىندا، جۇڭگو مەن ناميبيانىڭ جالپى بەتتىك ستراتەگيالىق سەلبەستىك سەرىكتەستىك قارىم ـ قاتىناسىنىڭ، ٴسوز جوق، اناعۇرلىم زور دامۋعا قول جەتكىزەتىندىگىنە سەنەدى.

جالعانىم