اۆتونوميالى رايون شاۋەشەك قالاسىندا بيڭتۋان مەن جەرگىلىكتى ورىننىڭ توعىسا جوعارى ساپالى دامۋىن ىلگەرىلەتۋ ٴماجىلىسىن اشتى
ماڭىزدى تۇيىندەردە سەرپىلىس جاساۋ ارقىلى بيڭتۋان مەن جەرگىلىكتى ورىننىڭ توعىسۋىنىڭ جالپى تۇلعالىق جاقتان جوعارىلاۋىن جۇزەگە اسىرۋدى جەبەپ، جوعارى ساپالى دامۋدا اناعۇرلىم كورنەكتى دامۋشىلىققا قول جەتكىزۋدى قول ۇستاسا ىلگەرىلەتۋ كەرەك
ما شيڭرۇي ٴسوز سويلەدى
ەركىن تۇنياز باسقاردى، ٴزۇمىرات وبۇل، نۇرلان ٴابىلماجىن، حى جۇڭيوۋ، جاڭ جۋ، چىن ميڭگو قاتىناستى
2 - ايدىڭ 11 - كۇنى اۆتونوميالى رايون شاۋەشەك قالاسىندا بيڭتۋان مەن جەرگىلىكتى ورىننىڭ توعىسا جوعارى ساپالى دامۋىن ىلگەرىلەتۋ ءماجىلىسىن جانە بيڭتۋان مەن جەرگىلىكتى ورىننىڭ توعىسا دامۋ قىزمەتى باسشىلىق گرۋپپاسى ءماجىلىسىن اشتى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 2 ـ ايدىڭ 11 ـ كۇنى شاۋەشەكتەن حابارلايدى. 2 ـ ايدىڭ 11 ـ كۇنى اۆتونوميالى رايون شاۋەشەك قالاسىندا بيڭتۋان مەن جەرگىلىكتى ورىننىڭ توعىسا جوعارى ساپالى دامۋىن ىلگەرىلەتۋ ٴماجىلىسىن جانە بيڭتۋان مەن جەرگىلىكتى ورىننىڭ توعىسا دامۋ قىزمەتى باسشىلىق گرۋپپاسى ٴماجىلىسىن اشىپ، بيڭتۋان مەن جەرگىلىكتى ورىنداعى ٴار دارەجەدەگى ورىنداردى باس شۋجي شي جينپيڭنىڭ شينجياڭ جانە بيڭتۋان قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنۋگە، دايەكتىلەندىرۋگە ونان ارى جۇمىلدىرىپ جانە ونى ىلگەرىلەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، بيڭتۋان مەن جەرگىلىكتى ورىننىڭ توعىسا جوعارى ساپالى دامۋىندا اناعۇرلىم زور ناتيجەگە قول جەتكىزۋدى ىلگەرىلەتتى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي ماجىلىسكە قاتىناستى ٴارى ٴسوز سويلەدى. ول مىنالاردى باسا دارىپتەدى: باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ساياسي جاقتان ەسكەرۋگە، ستراتەگيالىق جاقتان باعامداۋعا، جالپى جاعداي جاعىنان جوسپارلاۋعا، جالپى تۇلعالىق جاقتان ىلگەرىلەتۋگە تاباندى بولىپ، بيڭتۋان مەن جەرگىلىكتى ورىننىڭ توعىسا دامۋىن باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەت رەتىندە قاراپ، ۇزدىكسىز كۇش سالا ٴونىمدى جوعارىلاتىپ، قيىنشىلىقتان قامال الىپ، ماڭىزدى تۇيىندەردە سەرپىلىس جاساۋ ارقىلى بيڭتۋان مەن جەرگىلىكتى ورىننىڭ توعىسۋىنىڭ جالپى تۇلعالىق جاقتان جوعارىلاۋىن جۇزەگە اسىرۋدى جەبەپ، جوعارى ساپالى دامۋدا اناعۇرلىم كورنەكتى دامۋشىلىققا قول جەتكىزۋدى كۇش بىرىكتىرە ىلگەرىلەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيلەرى جاڭ جۋ، چىن ميڭگو قاتارلىلار بولىمشە ٴماجىلىس الاڭىندا ماجىلىسكە قاتىناستى.
ماجىلىستەن بۇرىن ما شيڭرۇي، ەركىن تۇنياز بيڭتۋان مەن جەرگىلىكتى ورىنداعى باسشى جولداستاردى باستاپ تارباعاتاي ايماعى مەن بيڭتۋاننىڭ بايياڭ قالاسىنا بارىپ، بيڭتۋان مەن جەرگىلىكتى ورىننىڭ كۇش بىرىكتىرىپ ٴتۇيىندى كاسىپ سالالارىن دامىتۋى، سىرتقا ەسىك اشۋدى كەڭەيتۋى، قالا قۇرىلىسىن ىلگەرىلەتۋى سياقتى قىزمەتتەر جونىندە تەكسەرۋ ـ زەرتتەۋ جۇرگىزدى. ماجىلىستە اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ٴتوراعاسى چىن ۋيجۇن ٴسوز سويلەپ، اۆتونوميالى رايون مەن بيڭتۋاننىڭ بيڭتۋان مەن جەرگىلىكتى ورىننىڭ توعىسا دامۋ قىزمەتىن ىلگەرىلەتۋ قىزمەتىندەگى ناتيجەلەر جانە كەلەسى قادامداعى قىزمەت جونىندە مالىمەت بەردى.
ما شيڭرۇي مىنالاردى اتاپ كورسەتتى: باس شۋجي شي جينپيڭ شينجياڭ قىزمەتىنە ايرىقشا ٴمان بەرىپ، بيڭتۋان مەن جەرگىلىكتى ورىننىڭ توعىسا دامۋ قىزمەتىنە شىنايى ٴۇمىت ارتىپ، كوپ رەت ايقىن تالاپ قويدى. باس شۋجي شي جينپيڭنىڭ شينجياڭ جانە بيڭتۋان قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، ماڭىزدى بەكىتۋىنىڭ رۋحىن ىشكەرىلەي ۇيرەنۋىمىز، دايەكتىلەندىرۋىمىز، شينجياڭدى ورنىقتىرۋ، شينجياڭدى باسقارۋ، شينجياڭدى گۇلدەندىرۋ ستراتەگيالىق بيىگىنەن بيڭتۋاننىڭ شينجياڭ ەكونوميكاسىنىڭ، قوعامىنىڭ دامۋىنداعى ماڭىزدى كۇش ەكەندىگىن تەرەڭ تانۋىمىز، بيڭتۋان مەن جەرگىلىكتى ورىننىڭ توعىسا دامۋىن ىلگەرىلەتۋدىڭ شينجياڭنىڭ جوعارى ساپالى دامۋىن ىلگەرىلەتۋ، جۇڭحۋا ۇلتى ورتاق تۇلعا تانىمىن بەكەمدەۋ جونىنەن ماڭىزدى ٴمان الاتىندىعىن تەرەڭ تانۋىمىز، بيڭتۋان مەن جەرگىلىكتى ورىن كەڭ كولەمدە توعىسقاندا عانا زور دامۋدىڭ جۇزەگە اساتىندىعىن، قوعام ورنىقتىلىعى مەن باياندى تىنىشتىقتىڭ جۇزەگە اساتىندىعىن تەرەڭ تانۋىمىز، بيڭتۋان مەن جەرگىلىكتى ورىننىڭ توعىسا دامۋىن ىلگەرىلەتۋ كوكەي تەستىلىك سەزىمى مەن جاۋاپكەرشىلىك سەزىمىن، سانالىلىعى پەن ىرىقتىلىعىن ۇزدىكسىز كۇشەيتىپ، باس شۋجي شي جينپيڭ مەن پارتيا ورتالىق كوميتەتىنىڭ ٴتۇرلى شەشىمدەرىن، ورنالاستىرۋلارىن قاز ـ قالپىندا ناقتاپ تياناقتاندىرۋىمىز كەرەك.
ما شيڭرۇي مىنالاردى اتاپ كورسەتتى: وسى بىرنەشە جىلدا شينجياڭ بيڭتۋان مەن جەرگىلىكتى ورىننىڭ توعىسۋى جاعىندا بەلسەندى ىزدەنىستەر جاساپ، رەفورمادا جاڭالىق اشتى، بيڭتۋان مەن جەرگىلىكتى ورىننىڭ قالا قۇرىلىسىن سايكەستىرە ىلگەرىلەتۋ، بيڭتۋانعا بايلىق ورنالاستىرۋ سەرپىنىن ارتتىرۋ، بيڭتۋان مەن جەرگىلىكتى ورىنداعى بۇقارانىڭ ارالاسۋىن، ىشتەسۋىن، توعىسۋىن جەبەۋ، بيڭتۋان مەن جەرگىلىكتى ورىنداعى كادر ـ دارىندىلاردى ٴبىر تۇتاس ورنالاستىرۋ قۇرىلىسى سياقتى جاقتاردا تىڭ ىلگەرىلەۋشىلىككە قول جەتكىزدى. الايدا، بيڭتۋان مەن جەرگىلىكتى ورىننىڭ توعىسۋ قىزمەتىندە باس شۋجي مەن پارتيا ورتالىق كوميتەتىنىڭ تالابىمەن سالىستىرعاندا ٴالى دە پارىق بار، كەيبىر ماسەلەلەر مەن جەتەرسىزدىكتەردى ٴالى دە باتىلدىقپەن شەشۋ كەرەك. بيڭتۋان مەن جەرگىلىكتى ورىنداعى جەر ـ جەر، تاراۋلار جاۋاپكەرشىلىكتى شىنايى ارقالاپ، ونان ارى يدەيانى ازات ەتىپ، باتىلدىقپەن ٴىس تىندىرىپ، شەبەرلىكپەن ىسكەرلىك كورسەتىپ، بيڭتۋان مەن جەرگىلىكتى ورىننىڭ توعىسا جوعارى ساپالى دامۋىنىڭ شەشۋشى سالالار مەن ٴتۇيىندى بۋىنداردا جاڭا ناتيجەگە ۇزدىكسىز قول جەتكىزۋىن ىلگەرىلەتۋى كەرەك. يدەيانىڭ، ۇستانىمنىڭ توعىسۋىن بار كۇشپەن ىلگەرىلەتىپ، يدەيالىق جاقتا بيڭتۋان مەن جەرگىلىكتى ورىن ”ٴبىر تۇتاس جۇيە“، ”ٴبىر وتباسى ادامدارى“ ۇستانىمىن ىشكەرىلەي بەرىك ورناتىپ، ەسكىلىككە جارماسۋ، اركىم بەت ـ بەتىنە كەتۋ ويىن باتىل جويىپ، بيڭتۋان مەن جەرگىلىكتى ورىننىڭ توعىسا دامۋىن تەرەڭدەتۋ ساياسي سانالىلىعىن، يدەيالىق سانالىلىعىن، ارەكەت سانالىلىعىن ونان ارى كۇشەيتۋ كەرەك. ستراتەگيالىق جوبالاۋدى ٴبىر تۇلعالاندىرا ورنالاستىرۋدى زور كۇشپەن ىلگەرىلەتىپ، بيڭتۋان مەن جەرگىلىكتى ورىننىڭ جالپى تۇلعالىق جوباسىن ٴبىر تۇلعالاندىرا جاساۋعا، ارناۋلى جوبامەن ٴونىمدى ۇشتاستىرۋعا، وڭىرلىك جوبانى ٴبىر تۇتاس جوسپارلاپ سايكەستىرۋگە تاباندى بولىپ، باسىمدىقتار ٴوزارا تولىقتايتىن، تەرەڭ كىرىگەتىن دامۋ ارناسىن قۇرۋ كەرەك. لاڭكەستىككە قارسى تۇرىپ ورنىقتىلىقتى قورعاۋدا سايكەسە بىرلەسىپ قيمىلداۋدى زور كۇشپەن ىلگەرىلەتىپ، بيڭتۋان مەن جەرگىلىكتى ورىننىڭ لاڭكەستىككە قارسى تۇرىپ ورنىقتىلىقتى قورعاۋىنا ٴبىر تۇتاس باسشىلىق ەتۋگە، قولباسشىلىق جاساۋعا تاباندى بولىپ، بيڭتۋاننىڭ ورنىقتىلىقتى قورعاپ، شەكارانى كۇزەتۋ رولىن تولىق ساۋلەلەندىرىپ، شينجياڭنىڭ قوعامدىق كەلەلى جاعدايىنىڭ ورنىقتىلىعىن بىرگە قورعاۋ كەرەك. مادەنيەت بايلىعىنان ورتاق يگىلىكتەنۋ مەن ۇلتتار ىنتىماعىندا وزات ورىندى بىرگە قۇرۋدى زور كۇشپەن ىلگەرىلەتىپ، شينجياڭدى مادەنيەتپەن نارلەندىرۋدى ىشكەرىلەي اتقارىپ، مادەنيەت بايلىعى، قۇرىلعى سياقتىلاردى بىرگە قۇرۋدى، تەڭ يگىلىككە كەنەلۋدى ىلگەرىلەتىپ، جۇڭحۋا ۇلتى ورتاق تۇلعا قۇرىلىسىن كۇش بىرىكتىرە ىلگەرىلەتۋ كەرەك. كاسىپ سالاسىنىڭ سايكەستى دامۋىن زور كۇشپەن ىلگەرىلەتىپ، شينجياڭنىڭ ”ون ٴىرى كاسىپ سالاسى شوعىرىن“ ارقاۋ ەتىپ، باسىمدىقتار ارقىلى ٴوزارا تولىقتاۋدى، پارىقتى دامۋدى ۇزدىكسىز ىلگەرىلەتىپ، شينجياڭنىڭ ەرەكشە، باسىمدىققا يە وسىزاماندانعان كاسىپ سالاسى جۇيەسىن بىرگە قۇرۋ كەرەك. ەنەرگيا بايلىعىن بىرگە اشۋدى زور كۇشپەن ىلگەرىلەتىپ، بيڭتۋانعا ٴتۇرلى فاكتورلاردى ورنالاستىرۋ سەرپىنىن كۇشەيتىپ، بيڭتۋان كاسىپورىندارىنىڭ وڭتۇستىك شينجياڭنىڭ كومىر، مۇناي ـ گاز، كەن ونىمدەرى سياقتىلاردى بارلاۋعا، اشۋعا قاتىناسۋىن قولداپ، بيڭتۋاننىڭ جالپىلىق ناقتى قۋاتىن ۇزدىكسىز زورايتۋ كەرەك. نەگىزدىك قۇرىلعىلاردى بىرگە قۇرۋدى زور كۇشپەن ىلگەرىلەتىپ، بيڭتۋان مەن جەرگىلىكتى ورىننىڭ قاتىناس، ەلەكتر قۋاتى، حاباربايلانىس، سۋ يگىلىگى سىندى ماڭىزدى نەگىزدىك قۇرىلعى قۇرىلىسىن ٴبىر تۇتاس جوسپارلاپ ىلگەرىلەتىپ، بيڭتۋان مەن جەرگىلىكتى ورىننىڭ وڭىرلىك ٴبىر تۇلعالانۋ ٴۇردىسىن جەدەلدەتۋ كەرەك. الەۋمەتتىك قىزمەت وتەۋ بايلىعىنان بىرگە يگىلىكتەنۋدى زور كۇشپەن ىلگەرىلەتىپ، جۇمىستانۋ، وقۋ ـ اعارتۋ، ەمدەۋ، قوعامدىق قامتاماسىزداندىرۋ سياقتى جاقتاردا اناعۇرلىم كوپ ٴوزارا ىركىلىسسىزدەندىرۋ، تەڭ يگىلىككە كەنەلۋ شارالارىن شىعارىپ، بيڭتۋان مەن جەرگىلىكتى ورىنداعى ٴار ۇلت بۇقاراسىنىڭ حالىق تۇرمىسى قۇت ـ ىرىسىن ۇزدىكسىز نىعايتۋ كەرەك. ەكولوگيالىق ورتانى بىرگە وڭاۋدى زور كۇشپەن ىلگەرىلەتىپ، تاكلاماكان ٴشول جيەگى توسقاۋىل شايقاسى، تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋ، كومىر الاپتارىندا ٴورت اۋماعىن تىزگىندەۋ سىندى ماڭىزدى سالالارداعى ەكولوگيالىق وڭاۋ ونىمدىلىگىن بىرگە بەكەمدەۋ، كەڭەيتۋ كەرەك. بيڭتۋان مەن جەرگىلىكتى ورىنداعى كادر ـ دارىندىلار قوسىنىن ٴبىر تۇلعالى قۇرۋدى زور كۇشپەن ىلگەرىلەتىپ، بيڭتۋان مەن جەرگىلىكتى ورىننىڭ دارىندىلاردى دامىتۋ ٴتۇزىلىس ـ مەحانيزم رەفورماسى، دارىندىلار ساياساتى مەن دارىندىلار نىسانى سياقتىلاردى اتقارۋدى ٴبىر تۇلعالى ىلگەرىلەتىپ، كادرلاردىڭ قوس باعىتتا اۋىستىرۋ مەحانيزمىن كەمەلدەندىرىپ، جوعارى ساپالى، ماماندانعان ٴار ۇلت كادرلار، دارىندىلار قوسىنىن قول ۇستاسا تۇلعالاۋ كەرەك.
ۋاڭ جيانشين، قادەن كابەن، ۋاڭ لين، اۆتونوميالى رايوندىق حالىق قۇرىلتايى تۇراقتى كوميتەتىنىڭ، ۇكىمەتتىڭ، ساياسي كەڭەستىڭ جانە بيڭتۋاننىڭ قاتىستى باسشىلارى، اۆتونوميالى رايوننىڭ جانە بيڭتۋاننىڭ قاتىستى ورىندارىنداعى جاۋاپتى جولداستار، تارباعاتاي ايماعى مەن بيڭتۋاننىڭ بايياڭ قالاسىنداعى قاتىستى جولداستار ماجىلىسكە قاتىناستى. اۆتونوميالى رايوندىق پارتكوم ورگانىندا، ٴارقايسى ايماق، وبلىس، قالالار مەن بيڭتۋاننىڭ ورگانىندا، ٴارقايسى شى، قالالارىندا بولىمشە ٴماجىلىس الاڭى ورنالاستىرىلدى.