شينحۋا اگەنتتىگىنىڭ 2 ـ ايدىڭ 15 ـ كۇنى بەيجيڭنەن بەرگەن حابارى. 2 ـ ايدىڭ 15 ـ كۇنى مەملەكەت ٴتوراعاسى شي جينپيڭ 38 ـ كەزەكتى افريكا وداعى باسشىلار ماجىلىسىنە تەلەگرامما جولداپ، افريكا ەلدەرىن جانە افريكا حالقىن قىزۋ قۇتتىقتادى.

　　شي جينپيڭ بىلاي دەپ اتاپ كورسەتتى: قازىرگى وزگەرىس پەن بىلىقپالىق قاباتتاسقان حالىقارالىق جاعداي الدىندا، جۇڭگو مەن افريكانى ۋاكىل ەتكەن ”جەر شارىنىڭ وڭتۇستىگى“ ايرىقشا زورايدى. وتكەن ٴبىر جىلدا افريكا وداعى افريكا مەملەكەتتەرىن ىنتىماقتاستىرىپ، باستاپ، ٴبىر تۇلعالاندىرۋ قۇرىلىسىن زور كۇشپەن ىلگەرىلەتىپ، وڭىرلىك جانە الەمدىك سىن ـ سايىستارعا بەلسەندى توتەپ بەرىپ، ”افريكا ٴۇنىن“ ٴبىر اۋىزدان شىعارىپ، افريكانىڭ حالىقارالىق ورنى مەن ىقپال كۇشىنىڭ ۇزدىكسىز جوعارىلاۋىنا جەتەكشىلىك ەتتى. افريكا مەملەكەتتەرى مەن حالقىنىڭ دەربەس، وزىنە ـ ٴوزى قوجايىن بولۋ، دامىپ گۇلدەنۋ جولىندا تىڭ دا اناعۇرلىم زور تابىستارعا ۇزدىكسىز قول جەتكىزۋىن شىنايى تىلەيمىن.

　　شي جينپيڭ بىلاي دەپ باسا دارىپتەدى: 2024 ـ جىلى _ جۇڭگو مەن افريكا قارىم ـ قاتىناسى قارىشتاپ دامىعان جىل. جۇڭگو _ افريكا سەلبەستىك تالقى مىنبەرى بەيجيڭ باسشىلار ٴماجىلىسى ٴساتتى اشىلدى، جۇڭگو مەن افريكا جاڭا داۋىردەگى بارلىق جاعدايدا بىردەي تاعدىرلاس ورتاق تۇلعانى بىرگە قۇرۋدىڭ جاڭا كەزەڭىن باستاپ، ادامزاتتىڭ تاعدىرلاس ورتاق تۇلعاسىن قۇرۋدا جالعاستى ٴداۋىردىڭ الدىڭعى لەگىندە ٴجۇردى. مەن افريكا مەملەكەتتەرىنىڭ باسشىلارىمەن بىرگە جۇڭگو مەن افريكانىڭ قول ۇستاسا وتىرىپ وسىزامانداندىرۋدى ىلگەرىلەتۋدەگى التى ۇلكەن قۋاتتاماسىن جانە ”ون ٴىرى سەرىكتەستىك ارەكەتىن“ ىلگەرىلەتىپ، تياناقتاندىرىپ، اناعۇرلىم مول ناقتى جەتىستىك ارقىلى 2 ميلليارد 800 ميلليوننان استام جۇڭگو _ افريكا حالقىنا باقىت جاراتۋدى قالايمىن.

جالعانىم