بىرەۋلەر: شينجياڭنىڭ بايتاق دالاسىندا ٴسىزدىڭ اياعىڭىزدان كوتەرىلگەن شاڭ ـ توزاڭنىڭ بالكىم جارتىسى جەرگىلىكتى ورىندىكى، جارتىسى بيڭتۋاندىكى بولۋى مۇمكىن، ـ دەيدى. سۋرەتتەي وتىرىپ ايتىلعان وسى ٴبىر اۋىز ٴسوز بيڭتۋان مەن جەرگىلىكتى ورىننىڭ ٴبىر ـ بىرىمەن بىتە قايناسىپ، توعىسا دامىعاندىعىنىڭ جاندى بەينەسىن ٴبىلدىرىپ وتىر.
بيڭتۋاننىڭ گۇلدەنىپ ـ دامۋى اۆتونوميالى رايوننان ايرىلا المايدى، اۆتونوميالى رايوننىڭ باياندى تىنىش بولۋىندا بيڭتۋان كەم بولسا بولمايدى، مۇنى تاريح الدەقاشان دالەلدەگەن. ەركىن ساۋدا سىناق رايونىن بىرگە قۇرۋدان تۇنىق سۋ، اشىق اسپاندى بىرگە قورعاۋعا دەيىن، ودان الەۋمەتتىك قىزمەت وتەۋ بايلىعىنان بىرگە يگىلىكتەنۋگە دەيىن جۋىق جىلداردان بەرى، بيڭتۋان مەن جەرگىلىكتى ورىننىڭ توعىسا دامۋىنىڭ كەڭدىگى، تەرەڭدىگى، سەرپىنى بۇرىن بولماعان دەڭگەيدە بولىپ، بيڭتۋان مەن جەرگىلىكتى ورىنداعى ٴار ۇلت كادر ـ بۇقاراسى شىن جۇرەگىمەن ”ۇلكەن توعىسۋ بولعاندا عانا، قاۋىرت دامۋدى جۇزەگە اسىرۋعا بولاتىنىن“ شىنايى مويىندادى.
ۇستانىم _ ارەكەتتىڭ جەتەكشىسى، قالاي ىستەۋ قالاي ويلاۋدان كەلەدى. جاڭا تاريحي مەزگىلدە بيڭتۋان مەن جەرگىلىكتى ورىننىڭ توعىسا جوعارى ساپالى دامۋىن ىلگەرىلەتۋدە اناعۇرلىم زور ونىمدىلىككە قالاي قول جەتكىزۋگە بولادى؟ تاياۋدا اۆتونوميالى رايوننىڭ شاۋەشەك قالاسىندا اشقان بيڭتۋان مەن جەرگىلىكتى ورىننىڭ توعىسا جوعارى ساپالى دامۋىن ىلگەرىلەتۋ ٴماجىلىسى جانە بيڭتۋان مەن جەرگىلىكتى ورىننىڭ توعىسا دامۋ قىزمەتى باسشىلىق گرۋپپاسى ماجىلىسىندە اۆتونوميالى رايوندىق پارتكومنىڭ نەگىزگى باسشىلارى يدەيانىڭ، ۇستانىمنىڭ توعىسۋىن بار كۇشپەن ىلگەرىلەتىپ، بيڭتۋان مەن جەرگىلىكتى ورىن ”ٴبىر تۇتاس جۇيە“، ”ٴبىر وتباسى ادامى“ دەيتىن ۇستانىمدى يدەيانىڭ تەرەڭ قاتپارىنان ىشكەرىلەي بەرىك ورناتۋدى الدىمەن باسا دارىپتەدى. ويتكەنى ەكى جاقتىڭ ۇستانىمى جوعارى دەڭگەيدە توعىسقاندا عانا، ”سەن، مەن دەسەتىن“ ويدى تۇبەگەيلى تالقانداپ، جوسپار، ٴتۇزىم، مەحانيزم سياقتى جاقتارداعى توعىسۋدى ناقتى ەتۋگە ٴارى تەرەڭدەتۋگە بولادى.
ەگەر ”ٴبىر تۇتاس جۇيەنىڭ“ دارىپتەيتىنى ”قاعيدا“، ارنا، كوز ايا بولسا، وندا ”بولماشى مۇددەدەن“ ارىلىپ، ەسكىلىككە جارماساتىن، اركىم بەت ـ بەتىنە كەتەتىن ويدى باتىل جويۋ كەرەك؛ ”ٴبىر وتباسى ادامىنىڭ“ باسا ٴمان بەرەتىنى ”سۇيىسپەنشىلىك“، شىن كوڭىل، ادال نيەت بولسا، وندا كوڭىلدەگى ”پايداكوستىكتى“، ”جەكە ەسەپتى“ تالقانداپ، جۇرەكتەردى قاۋىشتىرىپ، سۇيىسپەنشىلىكتى توعىستىرىپ، كورىكتى شينجياڭ سىندى وسى ورتاق مەكەندى شىن كوڭىلمەن بىرگە قۇرۋ كەرەك. ”ٴبىر تۇتاس جۇيە“، ”ٴبىر وتباسى ادامى“ ۇستانىمىن بەرىك ورناتىپ ٴارى وسى ۇستانىمدى سانالى تۇردە ارەكەتكە اينالدىرساق، بيڭتۋان مەن جەرگىلىكتى ورىننىڭ توعىسا دامۋى ٴتىپتى دە مول سۇبەلى جەمىس بەرەدى.
(”جياڭ شياۋيان“ ماقالا جولداۋ پوچتا ساندىعى: xjrbplb@126 .com)