«نىجا 2نىڭ» بەلەت ساتىلىم سوماسى 10 ميلليارد يۋاننان اسۋىنىڭ شينجياڭ كينوسىنا اكەلگەن تولعانىسى
انار بۇلت \ شينجياڭ گازەتىنىڭ ٴتىلشىسى ليۋ مىڭمىڭ
2 ـ ايدىڭ 13 ـ كۇنى ساعات 23تەن 34 مينۋت وتكەندە، ٴۇرىمجى قالالىق حالىق كينوحاناسىنىڭ CGS جۇڭگو ۇلكەن ەكراندى حۋياڭ كابەل زالىندا الاقايلاعان ٴۇن ەستىلدى: ”«نىجا 2 نىڭ» بەلەت ساتىلىم سوماسى 10 ميلليارد يۋاننان استى!“
ەندى عانا تاراعان بۇل كينو زالىنداعى قىرۋار كينو اۋەسكەرلەرى ” 10 ميلليارد يۋان نىسانىنا قاتىناسۋ“ ٴۇشىن ارنايى كەلگەن.
«نىجا _ سيقىرشى بالانىڭ تەڭىزدىڭ شاق شالەكەيىن شىعارۋى» («نىجا 2») 9 ميلليارد يۋاندىق بەلەت ساتىلىم سوماسى وتكەلىنەن وتكەننەن كەيىن، كوپشىلىك بۇل كينونىڭ قاشان 10 ميلليارد يۋاننان اسىپ، ”ٴبۇتىن سانعا تولاتىندىعىن“ كۇتتى. سونىمەن ”كوپ بولىپ كينو كورۋدىڭ بەلەت ساتىلىمى جوعارى“ بولعان جاعدايدا، ”جاىر“ كوپتىڭ ٴۇمىتىن اقتاپ، حولليۆودتىڭ ٴبىر توپ اتاقتى كينولارىنان اسىپ، بۇكىل جەر شارى كينو تاريحىنداعى بەلەت ساتىلىم سوماسى تىزىمىندە الدىڭعى 20نىڭ قاتارىنا كىرۋمەن بىرگە، بۇكىل جەر شارىنداعى كارتون كينو بەلەت ساتىلىم سوماسى تىزىمىندە الدىڭعى 3 ورىنعا شىقتى.
شياۋجانىڭ شينجياڭداعى بەينەسى قانداي بولدى
1 ـ ايدىڭ 29 ـ كۇنى رەسمي قويىلعاننان بەرى، «نىجا 2» كوپ ٴتۇرلى رەكورد جاڭالادى: 2 ـ ايدىڭ 6 ـ كۇنى ەلىمىزدىڭ كينو تاريحىنداعى بەلەت ساتىلىم سوماسى تىزىمىندە ەڭ جوعارى ورىنعا شىقتى، 2 ـ ايدىڭ 7 ـ كۇنى بۇكىل جەر شارى كينو تاريحىنداعى جالاڭ بازار بەلەت ساتىلىم سوماسى تىزىمىندە ەڭ جوعارى ورىنعا شىقتى... بۇگىنگى كۇندە، بەلەت ساتىلىم سوماسىنىڭ 10 ميلليارد يۋاننان اسۋى ونىڭ بۇكىل جەر شارى كينو تاريحىنداعى بەلەت ساتىلىم سوماسى تىزىمىندە الدىڭعى 20نىڭ قاتارىنان ورىن العاندىعىن ٴارى ۇزدىكسىز جوعارىلايتىندىعىن كورسەتەدى.
ماۋيان كاسىپتىك نۇسقاسىنىڭ ساندى مالىمەتىنە نەگىزدەلگەندە، 2 ـ ايدىڭ 14 ـ كۇنى ساعات 12گە دەيىن، «نىجا 2نىڭ» شينجياڭداعى بەلەت ساتىلىم سوماسى 65 ميلليون 760 مىڭ يۋانعا جەتىپ، بەلەت ساتىلىم سوماسىنداعى يەلەگەن سالىستىرماسى %80.9 بولىپ، جەكە كينونىڭ شينجياڭداعى بەلەت ساتىلىم سوماسى جانە ادام ـ رەت سانى جاعىنداعى رەكوردتى جاڭالاعان.
ٴتىلشى كوكتەم مەرەكەسى كەزىندە كينوحاناعا سان مارتە بارعانداعى العاشقى اسەرى كوكتەم مەرەكەسى كەزىندەگى تاسىمالدى سەزىنگەندەي بولدى.
شينجياڭداعى ۇلكەن كينوحانالاردا ادام قايشالىسىپ، بەلەت ساتىپ الۋ، بەلەت تەكسەرتۋ ٴۇشىن قاتارعا تۇرعان ادامدار يىن تىرەسىپ، «نىجا 2نىڭ» تاڭ سارىدەگى قويىلىم الاڭىنىڭ ٴوزى ادامعا لىق تولىپ، كينوحانالار قوعامدىق قارىم ـ قاتىناس مەديالارىنداعى كوكتەم مەرەكەسىنىڭ كورىنىسىنە اينالدى.
ادام قاۋىرت كەزدەن اۋاشا بولۋ ٴۇشىن، كوكتەم مەرەكەسىنىڭ 5 ـ كۇنى، ۇرىمجىدەگى كينو اۋەسكەرى جاڭ ۋىنحاۋ كەشكى قويىلىمدى كورۋدى تاڭدادى، كينوحاناعا بارعاندا، بۇل ۋاقىتتاعى كينوحانانىڭ تولۋ سالىستىرماسىنىڭ %70تەن اسقانىن كورىپ تاڭ قالدى.
”قاتتى شارشادىق!“ ٴۇرىمجى قالالىق حالىق كينوحاناسىنىڭ ديرەكتورى جاڭ يانچي تاياۋدان بەرگى قىزمەت جاعدايى جونىندە وسىلاي ايتتى. وعان تەرەڭ اسەر قالدىرعانى، ٴبىر ٴۇيلى جان كەلىپ 4 بەلەت ساتىپ العان، سول كەزدە كينوحانانىڭ الدىڭعى قاتارىنىڭ بۇرىش جاعىنان عانا ورىن قالىپتى، قارسى جاق: ”قانداي ورىن بولسادا بولادى، ٴبولىنىپ وتىرساق تا بولادى، تەك ماعان «نىجا 2نىڭ» بەلەتىنەن تورتەۋ بەرسەڭىز بولعانى“، ـ دەگەن.
كوكتەم مەرەكەسىنىڭ العاشقى كۇنىنەن باستاپ، ۇلكەن كينوحانالار جۇمىس ۋاقىتىن ۇزارتتى، ٴار كۇنگى العاشقى كينو قويۋ ۋاقىتى ساعات 9دان 45 مينۋتقا ىلگەرىلەتىلىپ، سوڭعى كينونىڭ باستالۋ ۋاقىتى ساعات نولدەن 40 مينۋتقا بەلگىلەنگەن، كينودان تاراعان كەزدە تاڭعى ساعات 3 _ 4 بولىپ، كەزەكشى ديرەكتورلار كەزەكپەن جۇمىسقا شىققان.
كينوحانانىڭ مۇنداي دۋماندى بولماعانىنا ۇزاق ۋاقىت بولىپتى. 2024 ـ جىلى كينوحانالار توتەنشە تۇرالاعان ٴبىر جىل بولدى، بەلەت ساتىلىم سوماسى 2015 ـ جىلعى دەڭگەيگە ٴتۇسىپ قالعان. بەلەت ساتىلىم سوماسىنىڭ تومەندەۋى، كينو كورۋشىلەر سانىنىڭ تومەندەۋى، ايتۋلى كينولاردىڭ كۇرت ازايۋى كينوحانانىڭ ٴومىر ٴسۇرۋ جاعدايىن تاعى دا مۇشكىل حالگە ٴتۇسىردى. 103 كينو باقشاسىنىڭ قىزمەتكەرى ليۋ دۇڭ بىلاي دەدى: «نىجا 2نىڭ» مەجەدەگىدەن اسىپ دۋماندى بولۋى كينوحانالاردىڭ شارۋاشىلىعىن جانداندىردى.
ەڭ كوپ پايداعا كەنەلگەنى ٴار جەردەگى اۋدان قالاشىعىنداعى كينوحانالار بولۋى مۇمكىن. بۇرىنعى جىلدارداعى كوكتەم مەرەكەسى كەزىندە اعا جۇلدەگەر بولعان «سالەمەتسىز بە، لي حۋانيىڭ»، «مانجياڭحۇڭ»، «قايناعان تۇرمىس» كينولارى جونىنەن 2 ـ ساناتتاعى قالالار بەلەت ساتىلىم سوماسى جاعىنان ەڭ كوپ ۇلەس قوسقان، الايدا «نىجا 2نىڭ» بەلەت ساتىلىم سوماسىندا 4 ـ ساناتتاعى قالالاردىڭ ۇلەسى ەڭ كوپ بولىپ، 3 ميلليارد 804 ميلليون يۋانعا جەتىپ، 2 ـ ساناتتاعى قالالاردىڭ ۇلەسىندەگى بەلەت ساتىلىم سوماسىنان 500 ميلليون يۋانعا جۋىق كوپ بولعان.
ٴبىر كينوحانانىڭ قوجايىنى ٴوزىنىڭ شينجياڭنىڭ بەلگىلى اۋدان قالاشىعىندا اشقان كينوحاناسىنىڭ جابىلۋعا تاياعانىن، اسىلىندە بيىل 3 ـ ايدا جاپپاقشى بولعانىن، ويلاماعان جەردەن قىرۋار كورەرمەندى قارسى العاندىعىن ايتتى. العاشىندا كينوحانالاردىڭ كينونى ورنالاستىرۋىندا باسا ٴمان بەرگەن ٴتۇيىنى بولمادى، «فىڭشىن 2» «تاڭرىنجيەدە قىلمىس بارلاۋ 1900»، «نىجا 2» كينولارىنىڭ ورنالاستىرىلۋ سالىستىرماسى تەڭ بولدى، كوكتەم مەرەكەسىنىڭ ٴۇشىنشى كۇنىنەن كەيىن، «نىجا 2نىڭ» بەلەت ساتىلىم سوماسى باسقا كينولاردان اسىپ ٴتۇسىپ، توسىن كۇرت جوعارىلادى، كينوحانالار ورنالاستىرىلعان كينولارعا دەرۋ رەتتەۋ جۇرگىزدى. 7 كۇندەگى ساۋداسى بۇرىندارى جارتى جىلدا ارەڭ جيناپ الاتىن ساۋدا كىرىسىن جاراتتى.
”جاىر“ ەلگە تانىلدى، وعان قاتىستى نارسەلەر دە وڭايشىلىقتا تابىلمايتىن بولدى. ٴۇرىمجى قالاسى ميدۇڭ رايونى ۋيۋە الاڭى شيڭي كينو قالاشىعى شىعارعان نىجاعا قاتىستى سۋسىن ستاكانى، اتتىرعان بورمي قورابى كينو اۋەسكەرلەرىنىڭ قىزۋ قارسى الۋىنا بولەندى. ٴۇرىمجى CCMALL پاۋپاۋماتى دۇكەنىندە «نىجا 2» تيانشىڭ جيبان جەلىلەس مودەلدەرى تالاي رەت ساتىلىپ تاۋسىلىپ، الدىن الا ساتۋ بيىل 6 ـ ايعا دەيىن ورنالاستىرىلعان.
نە ٴۇشىن «نىجا 2» كينوسىندا كۇشتى ورلەۋ اۋقىمى تۋىلدى
جۇڭگو كينوشىلار قوعامىنىڭ مۇشەسى، تيانشان كينو ستۋدياسى كينو ـ تەلەۆيزيا جاسامپازدىق ورتالىعىنىڭ ورىنباسار مەڭگەرۋشىسى لي مۋشى «نىجا 2» ۇجىمىنا ەرەكشە ٴتانتى بولدى، ”نازىك جۇمىستى 5 جىل بويى تالىقپاي ەگجەي ـ تەگجەيلى ىستەۋگە بارلىق جاسامپازدىق ۇجىمىنىڭ تاباندى بولا بەرۋى ەكىتالاي“.
«نىجا 2نىڭ» رەجيسسەرى جياۋزى تىلشىلىك بارىسىندا بىلاي دەگەن بولاتىن: «نىجا 2» اتتى وپتيكالىق تەاتر جاسامپازدىعىنىڭ وزىنە 2 جىلدان استام ۋاقىت جۇمسالدى، سوڭعى مەرزىمدىك جاساۋعا تاعى 3 جىل كەتتى، تۇتاس كينونىڭ جالپى كورىنىس سانى 2400دەن اسادى، تەك ەرەكشە اسەر قولدانعان كورىنىستىڭ ٴوزى 1900دەن اسادى. الباستىلاردىڭ تات باسقان تەمىر ساۋىتى، اۋبيڭنىڭ تىگىسىنە دەيىن شەبەرلىكپەن سىزىلعان كيىمى، اكۋلا گەنەرالدىڭ ەكى جاعىنداعى شىعىڭقى ورساق ٴتىسى... ٴاربىر نازىك بۋىنعا سان رەت وزگەرىس ەنگىزىلىپ، نەگىزگى جاسامپازدىق توبىنىڭ جۇرەك قانى سىڭگەن.
لي مۋشى «نىجا _ سيقىرشى بالانىڭ دۇنيەگە كەلۋىن» («نىجا 1») قايتادان ەسكە الىپ بىلاي دەدى: ”نىجا _ وتە بايىرعى حيكايا، ايتسەدە كينو ٴداستۇرلى ميفتىڭ رۋحاني وزەگىن ساقتاي وتىرىپ، كەيىپكەرگە ايقىن داۋىرلىك قاسيەت ۇستەپ، بايىرعى حيكايانىڭ تىڭ ومىرشەڭ كۇشىن قاۋلاتتى. ماسەلەن، كينو شىنگۇڭباۋ سياقتى قوسالقى كەيىپكەرلەردى اشالاپ سىزىپ، ولاردىڭ استارىنداعى اۋلەتتەر قاتىناسى مەن ارەكەت ماقساتىن اشىپ، ٴاربىر كەيىپكەردى جەكە تاعدىرى بولعانداي، اناعۇرلىم سترەولدى جانە جاندى ەتىپ كورسەتتى“.
شينجياڭ كينوشىلار قوعامىنىڭ القاسى، شينجياڭ تيانچىڭ چىڭتيان كينو شارۋاشىلىعى شەكتى سەرىكتەستىگىنىڭ جاۋاپتىسى لي جينچۋان «نىجا 2نىڭ» سەنارياسىنىڭ وڭدەلۋىنە ەرەكشە ٴتانتى بولدى. ’”نىجانىڭ‘ ەڭ كەرەمەت جەرى ول ٴسىزدى اسەرلەندىرە الادى. ونىڭ ۇڭىلگەن تاقىرىبى وسى زامانعى قوعاممەن تىعىز بايلانىسىپ تۇر. كينودا اڭداتىلعان بەلسەندى ۇمىتكەرلىك جاس كورەرمەندەردى باۋراپ قانا قويماي، ەرەسەك ادامداردى دا اناعۇرلىم تەرەڭ ويعا جەتەلەيدى“.
شينجياڭ حالىق تەاترحاناسى جوبالاۋ، جوسپارلاۋ ـ ساتۋ ٴبولىمىنىڭ ديرەكتورى سۋ لەيدىڭ قاراۋىنشا، «نىجا 2نىڭ» شينجياڭدا قاتتى قارسى الىنۋى شينجياڭداعى كينوحانالاردىڭ قاتتى بولشەكتەردىڭ دەڭگەيىن جوعارىلاتۋىنىڭ جانە قىزمەت وتەۋ ۇلگىسىندە جاڭالىق اشۋ جەتىستىكتەرىنىڭ ارقاسى، سونداي ـ اق ول مادەنيەت جاعىنداعى تۇتىنۋ قاجەتى دەڭگەيىنىڭ جوعارىلاعاندىعىن دا كورسەتتى.
شينجياڭ كينوحانالارى لەنتادان سيفرلانۋعا، 2Dدان 3Dعا دەيىنگى دەڭگەيىن جوعارىلاتۋدى باستان كەشىردى، سونداي ـ اق ەرەكشە اسەر كينو زالىن (ماسەلەن، IMAX، جۇڭگو الىپ ەكرانى سياقتىلار) ەنگىزىپ، جوعارى ولشەمدەگى قويۋ تەحنيكاسى ارقىلى كورۋ تۇيسىگىن كۇشەيتتى، ماسەلەن، ٴۇرىمجى مادەنيەت ورتالىعىنىڭ كينو قالاشىعىنداعى CINITY زالى ەل ىشىندەگى ەرەكشە اسەر زال بازارىنىڭ ماڭىزدى قۇرامداس بولىگى رەتىندە، كورەرمەندەر ٴۇشىن باي مازمۇندى، الۋان ٴتۇرلى كورۋ اسەرىن سيلادى. شينجياڭ كينوشىلار قوعامىنىڭ ورىنباسار ٴتوراعاسى، شينجياڭ كينو سەرىكتەستىگىنىڭ باس ديرەكتورى مي گويۇڭ بىلاي دەپ تانىستىردى: كينو كاسىپ سالاسى كينو سەنارياسىن جازۋ، جاساۋ، تاراتۋ، قويۋ سياقتىلاردى قامتىعان ٴبىر تۇلعالاندىرىلعان بارىستى كاسىپ سالاسى تىزبەگى. قازىرگە دەيىن شينجياڭدا 200دەن استام كينوحانا بار، تۇرلىشە كورەرمەننىڭ كينو كورۋ قاجەتىن قاناعاتتاندىرا الادى.
شينجياڭ كينوگەرلەرىنە قانداي وي سالدى
شينجياڭدىق رەجيسسەر شەرزات ياحۇپتىڭ ويىنشا، ”نىجا“ تەك مازمۇنىن دەن قويا ىستەسەك، بازار مەن تۇتىنۋشىلاردىڭ نازارىندا جارقىراپ تۇرعان التىننىڭ كومىلىپ قالمايتىنىن تاعى ٴبىر دالەلدەدى.
«نىجا 2نىڭ» قىزا ٴتۇسۋى _ 5 جىل ۇزدىكسىز قاجىماي كۇرەس جاساعان سابىرلىلىق، 100دەن ارتىق نۇسقانى وزگەرتكەن اۋەلگى ماقسات، اسىرەسە، ادام جۇرەگىن تەبىرەنتكەن شىنايىلىق. ٴدال جياۋزىنىڭ سۇحبات بەرگەندە ايتقانىنداي: ”كورەرمەندەردىڭ كوزى قىراعى، مۇقيات بولماساڭ، ٴبىر قاراپ ٴبىلىپ قويادى“.
”بۇل كينودا تور ويىنى، فانتازيالىق ادەبيەت جانە انيماتسيا ىزدەرى بار، اسىرەسە، يۋمور، قاراما ـ قايشى سالىستىرۋدى، ەرەسەكتەر مەن بالالاردىڭ پسيحولوگياسىن ٴبىر جەرگە توعىستىرىپ، كوپ ەلەمەنت ارالاستىرىلعان، كەز كەلگەن ادامنىڭ كورۋىنە ۇيلەسەدى“، ـ دەپ باعالادى شينجياڭ داشۋەسى جۇڭگو ٴتىل ـ ادەبيەت شۋەيۋانى دوكتورانت جەتەكشىسى، جۇڭگو ادەبيەت ـ كوركەمونەر سىنى (شينجياڭ داشۋە) بازاسىنىڭ اتقارۋشى مەڭگەرۋشىسى گاۋ جى، ـ وسى سەبەپتەر جۇڭگو انيماتسياسىنىڭ جەرگىلىكتەنىپ، كلاسسيكالانىپ جانە سالا بۇزىپ دامۋىن ىسكە اسىرىپ، شينجياڭ كينوسىنىڭ دامۋىنا ۇلگى ازىرلەدى، ”كوپ نەگىزدە جاساۋ ۇجىمىن ەنگىزىپ، ينتەرنەت ادەبيەتىن، شەتەل انيماتسياسىن، ٴداۋىر پسيحيكاسىن، كورەرمەندەرگە تەكسەرۋ جۇرگىزۋدى جانە جۇڭگونىڭ كلاسسيكالىق اڭگىمەلەرىن بىرلەستىرىپ، ٴداستۇردى جالعاستىرۋ نەگىزىندە جاڭالىق اشىپ، جاڭارتىپ، جەرگىلىكتى ەلەمەنتتەردى، ٴداۋىر كوزقاراسىن، جۇڭگو ستيلىن ٴسىڭىرۋ كەرەك“.
لي جينچۋاندى اسەرلەندىرگەنى، كينو اياقتاعان سوڭ 138 العىس ايتۋ تىزىمدىگى، نەگىزىنەن، ەل ىشىندەگى ايتۋلى كارتون سەرىكتەستىگىنەن كەلگەن، مىسالى، كوكتەم مەرەكەسى كەزىندە قويىلعان «ايۋدىڭ جورتۋى» ۇجىمى، ايتۋلى سيا سۋرەت بولشەك تەحنولوگياسىن ايگىلەگەن «تەرەڭ تەڭىز» ۇجىمى سياقتىلار بار. ”مەن وسى بىرنەشە جىلدا شينجياڭنىڭ كينو ـ تەلەۆيزيا بازاسىن قۇرۋعا كۇش سالىپ كەلدىم، شينجياڭنىڭ قاتىستى كينو ـ تەلەۆيزيا كاسىپتىك دارىندىلارىن بىرىكتىرىپ، بايلىقتان بىرگە يگىلىكتەنۋدى ٴۇمىت ەتەمىن. «نىجا 2» سياقتى كەڭ كولەمدى، ماماندانعان جۇمىس ٴبولىس ىستەستىگى بۇرىنعى وتاندىق كارتوندى شاعىن شەبەرحانادا ٴوندىرۋ ۇلگىسىن تالقاندادى، بىزگە دە وتە جاقسى وي سالدى“.
لي مۋشى بىلاي دەدى: «نىجا 2نىڭ» بەلەت ساتىلىم سوماسىنىڭ 10 ميلليارد يۋاننان اسۋى بىزگە جۇڭحۋانىڭ تاڭداۋلى ٴداستۇرلى مادەنيەتىنىڭ شەكسىز مۇمكىندىگىن كورسەتتى. شينجياڭدا دا كوپتەگەن كومەسكى كۇشكە يە كارتون IPى بار، مىسالى، قوجاناسىر، بارىس، ىلە تۇلپارى، شينجياڭ كينوگەرلەرى ۇستا رۋحىن ۇستانىپ، وڭاي ولجا ىزدەۋ كوڭىل كۇيىن جەڭىپ، سارا تۋىندى شىعارۋى كەرەك“.
10 ميلليارد سوڭعى كومبە ەمەس، ”سيقىرشى بالا“ نىجا تاڭ قالدىرارلىق كۇيمەن الەمنىڭ اياسىنا ەندى، سوڭىن اسىعا كۇتەمىز.