شي جينپيڭ حالىقتىق كاسىپورىندار اڭگىمە ماجىلىسىندە بىلاي دەپ باسا دارىپتەدى
حالىقتىق شارۋاشىلىقتىڭ دامۋ ٴورىسى كەڭ، بولاشاعى نۇرلى، حالىقتىق كاسىپورىندار مەن حالىقتىق كاسىپورىنشىلاردىڭ بار ونەرىن ايگىلەيتىن ٴساتى كەلدى
لي چياڭ، ديڭ شۋەشياڭ قاتىناستى، ۋاڭ حۋنيڭ باسقاردى
2 ـ ايدىڭ 17 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ بەيجيڭدە حالىقتىق كاسىپورىندار اڭگىمە ماجىلىسىنە قاتىناستى ٴارى ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
شينحۋا اگەنتتىگىنىڭ 2 ـ ايدىڭ 17 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 2 ـ ايدىڭ 17 ـ كۇنى تۇستەن بۇرىن بەيجيڭدە حالىقتىق كاسىپورىندار اڭگىمە ماجىلىسىنە قاتىناستى ٴارى ماڭىزدى ٴسوز سويلەدى. ول بىلاي دەپ باسا دارىپتەدى: پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى نەگىزگى باعىت ـ ساياساتتارى جۇڭگوشا سوتسياليستىك ٴتۇزىم جۇيەسىنە ەنگىزىلدى، وعان باستان ـ اياق تاباندى بولادى جانە تياناقتاندىرادى، ونى وزگەرتۋگە بولمايدى ٴارى وزگەرتپەيدى. جاڭا ٴداۋىردىڭ جاڭا جورىعىندا حالىقتىق شارۋاشىلىقتىڭ دامۋ ٴورىسى كەڭ، بولاشاعى نۇرلى، قالىڭ حالىقتىق كاسىپورىندار مەن حالىقتىق كاسىپورىنشىلاردىڭ بار ونەرىن ايگىلەيتىن ٴساتى كەلدى. يدەيانى بىرلىككە كەلتىرىپ، سەنىمدى بەكەمدەپ، حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن جەبەۋ كەرەك. قالىڭ حالىقتىق كاسىپورىندار مەن حالىقتىق كاسىپورىنشىلاردىڭ وتان ٴۇمىتىن اقتاۋدى كوكەيدە ساقتاپ، بار پەيىلىمەن دامۋدى كوزدەپ، زاڭعا بويسۇنىپ شارۋاشىلىق جۇرگىزۋگە شەبەر بولىپ، الدىمەن بايۋ ارقىلى بىرگە بايۋدى جەبەپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە تىڭ دا اناعۇرلىم زور ۇلەس قوسۋىن ٴۇمىت ەتەمىن.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ اڭگىمە ماجىلىسىنە قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ اڭگىمە ٴماجىلىسىن باسقاردى.
اڭگىمە ماجىلىسىندە حۋاۋي تەحنولوگيا شەكتى سەرىكتەستىگىنىڭ باس اتقارۋشى ٴمانساپتىسى رىن جىڭفي، بيادي جارنا شەكتى سەرىكتەستىگىنىڭ القا باستىعى ۋاڭ چۋانفۋ، شينشيۋاڭ جارنا تىزگىندەۋ توبى شەكتى سەرىكتەستىگىنىڭ القا باستىعى ليۋ يۇڭحاۋ، شاڭحاي ۋي ـ ىر جارتىلاي وتكىزگىش جارنا شەكتى سەرىكتەستىگىنىڭ القا باستىعى يۇي رىنرۇڭ، حاڭجوۋ يۇيشۋ عىلىم ـ تەحنولوگيا شەكتى سەرىكتەستىگىنىڭ باس اتقارۋشى ٴمانساپتىسى ۋاڭ شيڭشيڭ، شياۋمي عىلىم ـ تەحنولوگيا شەكتى جاۋاپكەرشىلىك سەرىكتەستىگىنىڭ القا باستىعى لەي جۇن قاتارلى 6 حالىقتىق كاسىپورىن جاۋاپتى ۋاكىلى ىلگەرىندى ـ كەيىندى ٴسوز سويلەپ، جاڭا جاعدايدا حالىقتىق شارۋاشىلىقتىڭ دامۋىن جەبەۋ جونىندە پىكىر جانە ۇسىنىستاردى ورتاعا قويدى.
كوپشىلىكتىڭ ٴسوزىن تىڭداعاننان كەيىن، شي جينپيڭ ماڭىزدى ٴسوز سويلەدى. ول مىنالاردى ٴبىلدىردى: حالىقتىق كاسىپورىندار رەفورما جاساۋدىڭ، ەسىك اشۋدىڭ ۇلى بارىسىنا ىلەسە قارىشتاپ دامىعان. نەشە ون جىلدان بەرى، حالىقتىق شارۋاشىلىقتىڭ رەفورما جاساۋداعى، ەسىك اشۋداعى جانە سوتسياليستىك وسىزامانداندىرۋ قۇرىلىسى ىستەرىندەگى ورنى مەن رولى جونىندەگى تانىم، پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى باعىت ـ ساياساتتارى پارتيامىزدىڭ نازارياسىمەن جانە امالياتىمەن تامىرلاس بولىپ، داۋىرمەن بىرگە العا باسىپ كەلدى. پارتيا مەن مەملەكەت سوتسياليستىك نەگىزگى شارۋاشىلىق تۇزىمىنە تاباندى بولىپ جانە ونى كەمەلدەندىرىپ، جالپىلىق مەنشىكتەگى شارۋاشىلىقتى تاباندىلىقپەن بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تاباندىلىقپەن دەم بەرىپ، قولداۋ كورسەتىپ، جەتەكشىلىك ەتتى؛ پارتيا مەن مەملەكەت ٴتۇرلى مەنشىكتەگى شارۋاشىلىقتىڭ ٴوندىرىس فاكتورلارىنان زاڭ بويىنشا تەڭ پايدالانۋىنا، بازار باسەكەسىنە ٴادىل قاتىناسۋىنا، زاڭنىڭ قورعاۋىنا تەڭ دارەجەدە يە بولۋىنا شىنايى كەپىلدىك ەتىپ، ٴتۇرلى مەنشىكتەگى شارۋاشىلىقتىڭ باسىمدىقتار ارقىلى ٴبىرىن ـ ٴبىرى تولىقتاۋىن، بىرگە دامۋىن جەبەدى، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز جەتىلۋىن جەبەدى.
شي جينپيڭ بىلاي دەپ اتاپ كورسەتتى: قازىر ەلىمىزدىڭ حالىقتىق شارۋاشىلىعى نەداۋىر كولەم قالىپتاستىرىپ، اسا زور ۇلەستى يەلەپ، حالىقتىق شارۋاشىلىقتىڭ جوعارى ساپالى دامۋىن ىلگەرىلەتۋگە بەرىك نەگىز قالادى. جاڭا ٴداۋىردىڭ جاڭا جورىعىندا ەلىمىزدىڭ قوعامدىق وندىرگىش كۇشتەرى ۇزدىكسىز قاۋلاپ، حالىقتىڭ تۇرمىس ورەسى ورنىقتى جوعارىلاپ، رەفورما جاساۋ، ەسىك اشۋ ونان ارى جاپپاي تەرەڭدەيدى، اسىرەسە، وقۋ ـ اعارتۋ، عىلىم ـ تەحنولوگيا ىستەرى جەدەل داميدى، دارىندىلار قوسىنى مەن ەڭبەككۇش بايلىعىنىڭ مولشەرى زورايىپ، ساپاسى جاقسارادى، كاسىپ سالاسى جۇيەسى مەن نەگىزدىك قۇرىلعىلار جۇيەسى سايكەستى كەمەلدەنىپ، ٴبىر ميلليارد 400 ميلليوننان استام حالقى بار ەرەكشە كەڭ كولەمدەگى بازاردىڭ كومەسكى كۇشى زورايىپ، حالىقتىق شارۋاشىلىقتىڭ دامۋىنا كوپتەگەن جاڭا وراي تۋدىرىپ، ٴتىپتى دە ۇلكەن دامۋ كەڭىستىگىن ازىرلەيدى. جۇڭگوشا سوتسياليستىك ٴتۇزىم كوپ جاقتاردا كورنەكتى باسىمدىققا يە، سوتسياليستىك بازار شارۋاشىلىعى ٴتۇزىلىسى، جۇڭگوشا سوتسياليستىك زاڭمەن باسقارۋ جۇيەسى ۇزدىكسىز اقاۋسىزدانىپ جانە كەمەلدەنىپ، حالىقتىق شارۋاشىلىقتىڭ دامۋىنا اناعۇرلىم پارمەندى قامتاماسىزدىق ازىرلەيدى.
شي جينپيڭ بىلاي دەپ باسا دارىپتەدى: قازىر حالىقتىق شارۋاشىلىقتىڭ دامۋى ٴدوپ كەلگەن كەيبىر قيىنشىلىقتار مەن سىن ـ سايىستار جالپى تۇلعالىق جاقتان العاندا، رەفورما جاساۋ، دامۋ، كاسىپ سالاسىنىڭ تيبىن وزگەرتىپ، دارەجەسىن جوعارىلاتۋ بارىسىندا جارىققا شىققان، بۇل جالپىلىق ەمەس، ٴىشىنارالىق، ۇزاق مەزگىلدىك ەمەس، ۋاقىتتىق، شەشۋگە بولمايتىن ماسەلە ەمەس، جەڭۋگە بولادى. يدەيا مەن ارەكەتتى پارتيا ورتالىق كوميتەتىنىڭ ەل ٴىشى ـ سىرتى جاعدايى جونىندەگى تۇجىرىمىمەن بىرلىككە كەلتىرىپ، پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، قيىنشىلىق پەن سىن ـ سايىستان كەلەشەكتى كورىپ، ٴۇمىتتى كورىپ، بولاشاقتى كورىپ، دامۋ تاباندىلىعىن ساقتاپ، دامۋ سەنىمىن كۇشەيتىپ، كۇرەس جۇرگىزىپ جەڭىسكە جەتەتىن جىگەر ـ قايراتتى ساقتاۋ كەرەك.
شي جينپيڭ بىلاي دەپ اتاپ كورسەتتى: حالىقتىق شارۋاشىلىقتىڭ دامۋىن جەبەيتىن ساياسات ـ شارالاردى تىڭعىلىقتى تياناقتاندىرۋ — كەزەكتەگى حالىقتىق شارۋاشىلىقتىڭ دامۋىن جەبەۋدەگى قىزمەت ٴتۇيىنى. پارتيا ورتالىق كوميتەتى بەلگىلەگەندى تۇگەلىمەن باتىل اتقارۋ كەرەك، تولىق اتقارۋ كەرەك. ٴوندىرىس فاكتورلارىنان زاڭ بويىنشا تەڭ پايدالانۋداعى، بازار باسەكەسىنە ٴادىل قاتىناسۋداعى ٴتۇرلى كەدەرگىلەردى باتىل الاستاپ، نەگىزدىك قۇرىلعىلارداعى باسەكەلىك سيپاتقا يە سالالاردىڭ ٴتۇرلى شارۋاشىلىق تۇلعالارىنا ٴادىل، اشىق ۇستالۋىن ۇزدىكسىز ىلگەرىلەتىپ، حالىقتىق كاسىپورىنداردىڭ قارجى قۇراۋى قيىن بولۋ، قارجى قۇراۋى قىمبات بولۋ ماسەلەسىن ۇزدىكسىز كۇش سالا شەشۋ كەرەك. حالىقتىق كاسىپورىنداردىڭ ەسەپتەگى اقشاسىن كەشەۋىلدەتۋ ماسەلەسىن كۇش سالا شەشۋ كەرەك. زاڭنىڭ اتقارىلۋىن باقىلاۋدى كۇشەيتىپ، الباتى اقى الۋ، الباتى ايىپ سالۋ، الباتى تەكسەرۋ، الباتى پەشەتتەۋدى شوعىرلى رەتتەپ ـ جونگە سالىپ، حالىقتىق كاسىپورىندار مەن حالىقتىق كاسىپورىنشىلاردىڭ زاڭدى ۇقىق ـ مۇددەسىن شىن مانىندە زاڭ بويىنشا قورعاۋ كەرەك. سونىمەن بىرگە ەلىمىزدىڭ سوتسياليستىك زاڭمەن باسقارىلاتىن مەملەكەت ەكەندىگىن، ٴتۇرلى مەنشىكتەگى كاسىپورىنداردىڭ زاڭعا قايشى ارەكەتتەرىن تەكسەرىپ ٴبىر جاقتى ەتۋدەن جالتارۋعا بولمايتىندىعىن تانىپ جەتۋ كەرەك. قيىنشىلىق قىسپاعىنان ارىلتۋ ساياساتتارىن مۇقيات تياناقتاندىرىپ، ساياساتتىڭ دالدىگىن جوعارىلاتىپ، كەشەندى شارا قولدانۋعا باسا ٴمان بەرىپ، كاسىپورىندارعا بىردەي قاراۋ كەرەك. ۇكىمەت پەن ساۋداگەرلەردىڭ ەتەنە، پاك قاتىناسىن ونان ارى ورناتۋ كەرەك. ٴار دارەجەلى پارتكوم مەن ۇكىمەت ٴىس جۇزىندىكتى تياناق ەتىپ، حالىقتىق شارۋاشىلىقتىڭ دامۋىن جەبەيتىن ساياسات ـ شارالاردىڭ تياناقتانۋىن ٴبىر تۇتاس جوسپارلاپ ويداعىداي يگەرۋى كەرەك.
شي جينپيڭ بىلاي دەپ باسا دارىپتەدى: كاسىپورىن — شارۋاشىلىق تۇلعاسى، كاسىپورىن دامۋىنىڭ ىشكى قوزعاۋشى كۇشى ٴبىرىنشى ورىندا تۇرادى. قالىڭ حالىقتىق كاسىپورىندار مەن حالىقتىق كاسىپورىنشىلار شارۋاشىلىق قۇرۋ جانە وتان ٴۇمىتىن اقتاۋ اسقاق سەزىمىن تاسقىنداتىپ، مۇرات دەڭگەيىن ۇزدىكسىز جوعارىلاتىپ، وتان سۇيىسپەنشىلىگىن تەرەڭدەتىپ، بايىعاندا وسى كۇنگە كىم جەتكىزگەنىن ويلاپ، بايىعان سوڭ العا باسۋ تۋرالى ويلانىپ، كاسىپورىنشىلار رۋحىن اسقاقتاتىپ، بار ىنتا ـ پەيىلىمەن كاسىپورىندى كۇشەيتىپ، ساپالىلاندىرىپ، زورايتىپ، جۇڭگوشا سوتسياليزمنىڭ قۇرۋشىلارى، جۇڭگو ۇلگىسىندەگى وسىزامانداندىرۋدىڭ جەبەۋشىلەرى بولۋعا تاباندى بولۋى كەرەك. جوعارى ساپالى دامۋ جولىمەن بۇلجىماي ٴجۇرىپ، نەگىزگى كاسىپتەن جازباي، ناقتى شارۋاشىلىقتى كۇشەيتىپ، دەربەس جاڭالىق اشۋدى كۇشەيتىپ، دامۋ تاسىلىندە بۇرىلىس جاساپ، كاسىپورىنداردىڭ ساپاسىن، ونىمدىلىگىن جانە وزەكتى باسەكەلىك قۋاتىن ۇزدىكسىز جوعارىلاتىپ، عىلىم ـ تەحنولوگيادا جاڭالىق اشۋدى ىلگەرىلەتۋ، جاڭاشا وندىرگىش كۇشتەردى جەتىلدىرۋ، وسىزاماندانعان كاسىپ سالاسى جۇيەسىن قۇرۋ، اۋىل ـ قىستاقتى گۇلدەندىرۋدى جاپپاي ىلگەرىلەتۋ، وڭىرلەردىڭ سايكەستى دامۋىن جەبەۋ، حالىق تۇرمىسىن قامتاماسىز ەتۋ جانە جاقسارتۋ سياقتى جاقتاردا كوبىرەك ۇلەس قوسۋعا قۇلشىنۋ كەرەك. جۇڭگوشا وسى زامانعى كاسىپورىن ٴتۇزىمىنىڭ تالابى بويىنشا كاسىپورىنداردى باسقارۋ قۇرىلىمىن كەمەلدەندىرىپ، جارناگەرلەردىڭ ارەكەتىن ارناعا ٴتۇسىرىپ، ىشكى جاقتاعى باقىلاۋدى كۇشەيتىپ، حاۋىپ ـ قاتەردەن ساقتانۋ مەحانيزمىن اقاۋسىزداندىرىپ، ەڭبەك، دارىندى، ٴبىلىم، تەحنولوگيا، كاپيتال، ساندى مالىمەت سياقتى ٴوندىرىس فاكتورلارىن پايدالانۋ، باسقارۋ، قورعاۋ مەحانيزمىن ۇزدىكسىز كەمەلدەندىرىپ، كاسىپورىن ٴىزباسارلارىن جەتىلدىرۋگە باسا ٴمان بەرۋ كەرەك. ادال، زاڭعا بويسۇنىپ شارۋاشىلىق جۇرگىزۋگە تاباندى بولىپ، دۇرىس قۇن كوزقاراسى مەن ٴمورال كوزقاراسىن ورناتىپ، ٴىس جۇزىندىك ارەكەت ارقىلى حالىقتىق شارۋاشىلىقتىڭ اقاۋسىز دامۋىن جەبەۋ كەرەك. قوعامدىق جاۋاپكەرشىلىكتى بەلسەنە اتقارىپ، جاراسىمدى ەڭبەك قاتىناسىن بەلسەنە ورناتىپ، ەكولوگيالىق ورتانى قورعاۋدى ويداعىداي يگەرىپ، الەۋمەتتىك يگىلىك، قايىرىمدىلىق ىستەرىنە شامانىڭ كەلىسىنشە ات سالىسىپ، قوعامعا كوبىرەك مەيىر جەتكىزۋ كەرەك.
ۋاڭ حۋنيڭ ٴماجىلىستى باسقارعاندا مىنالاردى ٴبىلدىردى: باس شۋجي شي جينپيڭنىڭ ماڭىزدى ٴسوزى حالىقتىق شارۋاشىلىقتىڭ دامۋدا قول جەتكىزگەن كەلەلى جەتىستىكتەرىن جانە مەملەكەتتىڭ ەكونوميكالىق، قوعامدىق دامۋىنا قوسقان ماڭىزدى ۇلەستەرىن تولىق تۇراقتاندىرىپ، حالىقتىق شارۋاشىلىقتىڭ دامۋى ٴدوپ كەلگەن وراي مەن سىن ـ سايىستاردى دۇرىس تانۋ كەرەكتىگىن باسا دارىپتەپ، كەزەكتەگى جانە بۇدان بىلايعى ٴبىر مەزگىلدە حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن جەبەۋ جونىندە جان ـ جاقتى ورنالاستىرۋ جاسادى. ٴسوزدىڭ ويى ورەلى، يدەياسى تەرەڭ، بايىمداۋى سىندارلى، مازمۇنى باي بولىپ، ٴبىز مۇقيات ۇيرەنىپ، ٴتۇسىنىپ، باتىل دايەكتىلەندىرۋىمىز، تياناقتاندىرۋىمىز كەرەك. دامۋ سەنىمىن بەكەمدەپ، جالپى جاعداي تانىمىن، جۇيە كوزقاراسىن، زاڭمەن باسقارۋ رۋحىن كۇشەيتىپ، ٴتۇرلى ساياساتتاردى ناقتاپ تياناقتاندىرىپ، حالىقتىق شارۋاشىلىقتى دامىتۋدىڭ جاڭا جاعدايىن قۇلشىنا اشۋ كەرەك.
شى تايفىڭ، لي شۋلەي، حى ليفىڭ، ۋ جىڭلۇڭ، مۋ حۇڭ اڭگىمە ماجىلىسىنە قاتىناستى.
ورتالىق پەن مەملەكەت ورگاندارىنىڭ قاتىستى تاراۋلارىنداعى، مەملەكەتتىك ساۋدا ـ ونەركاسىپشىلەر بىرلەستىگىندەگى جاۋاپتى جولداستار، حالىقتىق كاسىپورىندار جاۋاپتىلارىنىڭ ۋاكىلدەرى قاتارلىلار اڭگىمە ماجىلىسىنە قاتىناستى.