ورتالىق كوميتەت ساياسي بيۋروسىنىڭ مۇشەلەرى، شۋجيچۋىنىڭ شۋجيلەرى، مەملەكەتتىك حالىق قۇرىلتايـى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ شۋجيلەرى پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن ەسەپ بەردى
شي جينپيڭ قىزمەتتەن ەسەپ بەرۋ باياندامالارىن مۇقيات تەكسەرىپ وقىدى ٴارى ماڭىزدى تالاپتاردى العا قويىپ، بىلاي دەپ باسا دارىپتەدى: مىندەت اتقارىپ، جاۋاپكەرشىلىكتى ادا ەتىپ، قامال الىپ قيىندىقتاردى جەڭىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتاپ تياناقتانۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدىڭ جاڭا جورىعىندا جاڭا جاۋاپكەرشىلىك ارقالاۋدى، جاڭا ىسكەرلىك كورسەتۋدى ايگىلەۋ كەرەك
شينحۋا اگەنتتىگىنىڭ 2 ـ ايدىڭ 26 ـ كۇنى بەيجيڭنەن بەرگەن حابارى. پارتيا ورتالىق كوميتەتىنىڭ قاتىستى بەلگىلەمەسى بويىنشا، ورتالىق كوميتەت ساياسي بيۋروسىنىڭ مۇشەلەرى، شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ شۋجيلەرى ٴار جىلى پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن جازباشا ەسەپ بەرەدى. جۋىقتا قاتىستى جولداستار بەلگىلەمە بويىنشا 2024 ـ جىلعى قىزمەتتەر جونىندە پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن جازباشا ەسەپ بەردى.
شي جينپيڭ قىزمەتتەن ەسەپ بەرۋ باياندامالارىن مۇقيات تەكسەرىپ وقىدى ٴارى ماڭىزدى تالاپتاردى العا قويىپ، بىلاي دەپ باسا دارىپتەدى: بيىل ”14 ـ بەسجىلدىق“ جوبانىڭ اياقتالاتىن جىلى، سونداي ـ اق رەفورمانى ونان ارى جاپپاي تەرەڭدەتۋدەگى ماڭىزدى ٴبىر جىل، رەفورما، دامۋ، ورنىقتىلىق مىندەتتەرى اۋىر. جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا ورتالىق كوميتەتىنىڭ كەلەلى باعىت ـ ساياساتتارىن جانە شەشىمدەرىن، ورنالاستىرۋلارىن بۇلجىماي دايەكتىلەندىرىپ، تياناقتاندىرىپ، ”14 ـ بەسجىلدىق“ جوباداعى نىسانا ـ مىندەتتەردىڭ جوعارى ساپالى ورىندالۋىن ىلگەرىلەتىپ، ”15 ـ بەسجىلدىقتا“ تاماشا باستامانى جۇزەگە اسىرۋعا بەرىك نەگىز قالاۋ كەرەك. ساياسي قابىلەتتى كۇشەيتىپ، ەل ٴىشى ـ سىرتىنداعى جاعدايدىڭ وزگەرىسى اكەلگەن سىن ـ سايىستارعا بايىپتىلىقپەن توتەپ بەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى تىڭعىلىقتى ىلگەرىلەتىپ، رەفورمانى ونان ارى جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتىپ، ەكونوميكانىڭ ۇزدىكسىز قايتا ورلەۋىن، جاقسارۋىن ىلگەرىلەتىپ، حالىقتىڭ تۇرمىس دەڭگەيىن ورنىقتى جوعارىلاتىپ، قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتۋ كەرەك. پارتيالىلىقتى شىڭداپ، يدەيالىق سانانى جوعارىلاتىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، تەكسەرۋ ـ زەرتتەۋدى كۇشەيتىپ، ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋدىڭ ەگجەي ـ تەگجەيلى ەرەجەسىنىڭ رۋحىن قاتاڭ تياناقتاندىرىپ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن سانالىلىقپەن اتقارۋ كەرەك. ٴوز قىزمەت جاۋاپكەرشىلىگىن تياناق ەتىپ، ىستەۋدى ماڭداي الدى ورىنعا قويۋعا تاباندى بولىپ، مىندەت اتقارىپ، جاۋاپكەرشىلىكتى ادا ەتىپ، قامال الىپ قيىندىقتاردى جەڭىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتاپ تياناقتانۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدىڭ جاڭا جورىعىندا جاڭا جاۋاپكەرشىلىك ارقالاۋدى، جاڭا ىسكەرلىك كورسەتۋدى ايگىلەۋ كەرەك.