شينجياڭ وڭتۇستىك شينجياڭ قىزمەتى ٴماجىلىسىن اشتى
جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، كورنەكتى ماسەلەلەردى كۇشتى شوعىرلاندىرا شەشىپ، وڭتۇستىك شينجياڭ سىندى ”شاحمات كوزىن“ بار كۇشپەن جانداندىرۋ كەرەك
ما شيڭرۇي ٴسوز سويلەدى
ەركىن تۇنياز باسقاردى، ٴزۇمىرات وبۇل، نۇرلان ٴابىلماجىن، حى جۇڭيوۋ، جاڭ جۋ، چىن ميڭگو قاتىناستى
2 - ايدىڭ 26 - كۇنى شينجياڭ وڭتۇستىك شينجياڭ قىزمەتى ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 2 ـ ايدىڭ 26 ـ كۇنى ۇرىمجىدەن حابارلايدى. 2 ـ ايدىڭ 26 ـ كۇنى شينجياڭ وڭتۇستىك شينجياڭ قىزمەتى ٴماجىلىسىن اشتى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي ماجىلىسكە قاتىناستى ٴارى ٴسوز سويلەدى. ول بىلاي دەپ باسا دارىپتەدى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن مۇقيات ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ”شينجياڭ شاحمات تاقتاسى بولسا، وڭتۇستىك شينجياڭ شاحمات كوزى سانالادى“ دەگەننىڭ تەرەڭ ٴمانىن جانە امالياتتىق تالابىن ونان ارى ٴتۇسىنىپ جانە يگەرىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، سەنىمدى بەكەمدەپ، قايراتتى تاسقىنداتىپ، وڭتۇستىك شينجياڭنىڭ دامۋىنا تۇساۋ بولىپ وتىرعان كورنەكتى ماسەلەلەردى كۇشتى شوعىرلاندىرا شەشىپ، وڭتۇستىك شينجياڭنىڭ جوعارى ساپالى دامۋىن جەدەل ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدە قوسىننان قالماۋىنا، قاتاردان قالماۋىنا شىنايى كەپىلدىك ەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيلەرى جاڭ جۋ، چىن ميڭگو ماجىلىسكە قاتىناستى.
ما شيڭرۇي بىلاي دەپ اتاپ كورسەتتى: پارتيا 18 ـ قۇرىلتايىنان بەرى، باس شۋجي شي جينپيڭ شينجياڭ قىزمەتىن كەسكىندەگەندە وڭتۇستىك شينجياڭنىڭ دامۋىن باستان ـ اياق قوعام ورنىقتىلىعى مەن باياندى تىنىشتىققا ساياتىن ەرەكشە ماڭىزدى ورىنعا قويىپ، شىنايى قامقورلىق جاساپ، ٴوزى تىكەلەي جەتەكشىلىك ەتىپ، ٴوزى ىلگەرىلەتىپ، وڭتۇستىك شينجياڭ قىزمەتىن ويداعىداي ىستەۋ جونىندە ٴبىر قىدىرۋ ماڭىزدى نۇسقاۋ بەرىپ، وڭتۇستىك شينجياڭ قىزمەتىنىڭ ماڭىزدى ورنىن ەگجەي ـ تەگجەيلى ٴتۇسىندىرىپ، وڭتۇستىك شينجياڭداعى كورنەكتى ماسەلەلەردى اشىپ كورسەتىپ، وڭتۇستىك شينجياڭ قىزمەتىنىڭ كۇش سالۋ ٴتۇيىنىن ايقىنداپ، نازاريالىق جانە امالياتتىق جاقتان بىزگە وڭتۇستىك شينجياڭنىڭ رەفورماسىن، دامۋىن، ورنىقتىلىعىن ىلگەرىلەتۋدىڭ جۇيەلى ٴادىسناماسىن ۇيرەتتى. سوڭعى جىلدارى اۆتونوميالى رايوندىق پارتكوم ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋ جاعىندا ۇزدىكسىز كۇش سالىپ، وڭتۇستىك شينجياڭ سىندى ”شاحمات كوزىن“ جانداندىرۋدى ارقاۋ ەتىپ، ٴبىر قىدىرۋ كەلەلى شارالاردى ۇسىنىپ، وڭتۇستىك شينجياڭنىڭ كوپتەگەن قىزمەتتەرىنىڭ سەرپىلىستىك ىلگەرىلەۋشىلىككە قول جەتكىزۋىن ىلگەرىلەتتى، وڭتۇستىك شينجياڭنىڭ دامۋىندا قۋانارلىق وزگەرىستەر جارىققا شىقتى. ٴبىز ساياسي دەڭگەيدى شىن مانىندە جوعارىلاتىپ، ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز ـ قالپىندا تياناقتاندىرىپ، ورنىقتىلىقتى يگەرۋ جانە دامۋدى جەبەۋ سىندى ەكى جاقتاعى قىزمەتتى ٴبىر تۇتاس جوسپارلاپ ۇشتاستىرۋدى ونان ارى كۇشەيتىپ، وڭتۇستىك شينجياڭنىڭ جوعارى ساپالى دامۋىنداعى تەرەڭ قاتپارلى ماسەلەلەردى كۇش سالا شەشىپ، وڭتۇستىك شينجياڭدا باياندى تىنىشتىققا اناعۇرلىم پايدالى ٴتۇبىرلى سيپاتتى وزگەرىستەردىڭ جۇزەگە اسۋىن ىلگەرىلەتۋىمىز كەرەك.
ما شيڭرۇي بىلاي دەپ باسا دارىپتەدى: قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، ”ورنىقتىلىقتى ماڭداي الدى ورىنعا قويۋ“ جاعىندا يدەيانى بىرلىككە كەلتىرىپ، اياق الىستى بىرلىككە كەلتىرىپ، ارەكەتتى بىرلىككە كەلتىرىپ، تومەنگى شەكتە ويلاۋدى، ەڭ جوعارى شەكتە ويلاۋدى بەرىك ورناتىپ، لاڭكەستىككە قارسى تۇرىپ ورنىقتىلىقتى قورعاۋ سىندى ارقاۋدى قاي ـ قاشان دا مىقتاپ شيراتۋ كەرەك. لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىشكەرىلەي ىلگەرىلەتىپ، ”ٴۇش ٴتۇرلى كۇشكە“ زاڭ بويىنشا قاتاڭ سوققى بەرىپ، ودان قاتاڭ ساقتانىپ، قوعامدىق جاقتاعى جالپى تۇلعالىق ساقتانۋ ـ تىزگىندەۋدى كۇشەيتىپ، سىرتتان كىرۋ سيپاتتى لاڭكەستىك شابۋىل حاۋىپ ـ قاتەرىنەن قاتاڭ ساقتانىپ، قوعامدىق كەلەلى جاعدايدىڭ ۇزدىكسىز ورنىقتىلىعىن باتىل قورعاۋ كەرەك. نەگىزگى ساتى قوعامدىق باسقارۋ قىزمەتىن تەرەڭدەتىپ، ناقتىلاندىرىپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ۇيىمدىق جۇيە مەن قىزمەت كۇشتەرىنىڭ نەگىزگى ساتىعا توتە جەتۋىن ىلگەرىلەتىپ، قوعامدىق قىزمەتتىڭ نەگىزگى ساتىنى باسقارۋداعى ماڭىزدى رولىن ساۋلەلەندىرىپ، ارىز ـ ارمان قىزمەتىنىڭ زاڭمەن باسقارىلۋىن ىلگەرىلەتىپ، وڭتۇستىك شينجياڭنىڭ قوعامدىق باسقارۋ دەڭگەيىن ۇزدىكسىز جوعارىلاتۋ كەرەك. وڭتۇستىك شينجياڭداعى ٴارقايسى ايماق، وبلىستارداعى جانە بيڭتۋاننىڭ شى ـ قالالارىنداعى باسشى كادرلار، اسىرەسە، پارتيا مەن ۇكىمەتتەگى نەگىزگى جاۋاپتى جولداستار ورنىقتىلىق بارىسىندا ىلگەرىلەۋگە، ۇزدىكسىز قاجىماي كۇش سالۋعا تاباندى بولىپ، ٴارى قامال الىپ، قيىندىقتاردى جەڭىپ، قوعام ورنىقتىلىعىن قورعاۋداعى كورنەكتى ماسەلەلەردى كۇشتى شوعىرلاندىرا شەشۋى، ٴارى قىزمەتتى ورنىقتى دا تاباندى ىستەپ، باياندى تىنىشتىققا ىقپال جاسايتىن تەرەڭ قاتپارلى قايشىلىقتار مەن ماسەلەلەردى ٴار بۋىن بويىنشا شەشۋى كەرەك.
ما شيڭرۇي بىلاي دەپ باسا دارىپتەدى: وڭتۇستىك شينجياڭنىڭ جوعارى ساپالى دامۋىن بار كۇشپەن ىلگەرىلەتىپ، داعدىلى قالىپتى بۇزىپ، ەرەكشە ٴىستى ەرەكشە جولمەن تىندىرىپ، ”بىرەۋى ارقىلى ٴبارىن يگەرەتىن“ سەرپىلىس ٴتۇيىنىن ٴدال تاۋىپ، وڭتۇستىك شينجياڭداعى كورنەكتى ماسەلەلەردى كۇش سالا شەشىپ، ”ۇتىمدى ٴتاسىل قولدانىپ، جالپى جاعدايدىڭ جاندانۋىن“ جۇزەگە اسىرۋ كەرەك. وڭتۇستىك شينجياڭ كاسىپ سالاسى دامۋىنىڭ ”نەگىزگى جۇلگەسىن“ جەدەل قالىپتاستىرىپ، ٴبىر تۇتاس جوسپارلاپ جوبالاۋدى كۇشەيتۋدى كىرىسۋ ٴتۇيىنى ەتۋگە تاباندى بولىپ، تارىمدى اينالعان ەكونوميكا بەلدەۋىن دامىتۋ جوباسىن ويداعىداي اتقارىپ، اۋدان اۋماعى ەكونوميكاسىنىڭ دامۋىن جەرگىلىكتى جاعدايعا قاراي جوسپارلاپ، قارجى ۇسىنىلىمى سەرپىنىن ارتتىرىپ، كەلەلى كاسىپ سالاسى نىساندارىنىڭ تياناقتانۋىن ىلگەرىلەتۋ؛ ەنەرگيا بايلىعىن اشۋدى شەشۋشى ٴتۇيىن ەتۋگە تاباندى بولىپ، مەملەكەتتىڭ ەنەرگيا بايلىعى حاۋىپسىزدىگىن قامتاماسىزداندىرۋدى كوزدەپ، وڭتۇستىك شينجياڭنىڭ مۇناي ـ تابيعي گاز جانە ستراتەگيالىق كەن ونىمدەرى سياقتى بايلىقتارىن اشۋدى زور كۇشپەن ىلگەرىلەتىپ، ٴىرى تۇرپاتتى جاڭا ەنەرگيا بازاسىن سالىپ، وڭتۇستىك شينجياڭنىڭ بايلىق ارتىقشىلىعىن وندىرگىش كۇشكە اينالدىرۋدى جەدەلدەتۋ؛ تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى سەرپىلىس ٴتۇيىنى ەتۋگە تاباندى بولىپ، ”ون ٴىرى كاسىپ سالاسى شوعىرى“ قۇرىلىسىن ارقاۋ ەتىپ، ٴبىر توپ ”تىزبەك باسى“ كاسىپورىندارىن جانە ”شوعىر يەسى“ كاسىپورىندارىن جەتىلدىرىپ، ەنگىزىپ، كولەمدەنگەن ەرەكشەلىككە يە كاسىپ سالاسى شوعىرىن تۇلعالاۋ؛ جوعارى دەڭگەيدە سىرتقا ەسىك اشۋدى كەڭەيتۋدى كۇش سالۋ ٴتۇيىنى ەتۋگە تاباندى بولىپ، وڭتۇستىك شينجياڭنىڭ باتىسقا ەسىك اشۋداعى وزگەشە باسىمدىعىن ويداعىداي ساۋلەلەندىرىپ، شينجياڭ ەركىن ساۋدا سىناق رايونىنىڭ قاشقار اۋماعىن جوعارى ولشەممەن قۇرىپ، سىرتقى ساۋدانىڭ جاڭا كاسىپ كۇيىن، جاڭا ۇلگىسىن بەلسەنە دامىتۋ؛ جۇمىستاندىرىپ كىرىستى ارتتىرۋدى جەبەۋدى تابان تىرەر تياناق ەتۋگە تاباندى بولىپ، ەڭبەك شوعىرلانعان كاسىپ سالالارىن زور كۇشپەن دامىتىپ، وسى زامانعى اۋىل شارۋاشىلىعىن جەدەل دامىتىپ، مادەنيەت ـ ساياحات ارقىلى حالىقتى بايىتۋ كاسىپ سالالارىن تۇلعالاپ، ٴار ۇلت بۇقاراسىنىڭ كىرىس دەڭگەيىن بار امالمەن جوعارىلاتۋ كەرەك. كىرىكپەلى قوعامدىق قۇرىلىمدى جەدەل قالىپتاستىرىپ، تارىمدى اينالعان ەكونوميكالىق بەلدەۋ وسىزاماندانعان قالا ـ قالاشىق شەڭبەرىن جەتىلدىرىپ، وڭىرلىك ورتالىق قالا، وڭىرلىك ٴتۇيىندى قالا جانە شاعىن قالا ـ قالاشىق قۇرىلىسىن ىلگەرىلەتۋ؛ وڭتۇستىك شينجياڭنىڭ جوعارى دارەجەلى وقۋ ـ اعارتۋىن جوعارى ساپامەن ويداعىداي جۇرگىزىپ، دارىندىلاردى باۋراپ، ادام شوعىرلاندىرۋداعى شەشۋشى رولىن ساۋلەلەندىرۋ كەرەك. وڭتۇستىك شينجياڭنىڭ وسى زامانعى وركەنيەتىن جەتىلدىرۋدى جەدەلدەتىپ، جۇڭحۋا ۇلتى ورتاق تۇلعاسى قۇرىلىسىن ىلگەرىلەتۋدى قىزمەتتىڭ نەگىزگى جەلىسى ەتۋگە تاباندى بولىپ، شينجياڭدى مادەنيەتپەن نارلەندىرۋدى ىشكەرىلەي ورىستەتىپ، ٴار ۇلت بۇقاراسىنىڭ ”بەستى شىنايى مويىنداۋىن“ ۇزدىكسىز كۇشەيتۋ؛ ٴمورال ارقىلى تاربيەلەۋ ٴتۇبىرلى مىندەتىن تياناقتاندىرىپ، وقۋ ـ اعارتۋدى دامىتۋ ارقىلى وڭتۇستىك شينجياڭداعى ٴار ۇلت بۇقاراسىنىڭ مادەنيەت ساپاسى مەن وسى زامانعى وركەنيەت جەتىلىمىن جوعارىلاتۋ؛ ەلىمىزدە ٴدىندى جۇڭگوشالاندىرۋ بەتالىسىنا تاباندى بولىپ، ٴدىن ىستەرىن باسقارۋدىڭ زاڭمەن باسقارىلۋىن ىلگەرىلەتۋ؛ ساپالى مادەنيەت بايلىعىمەن قامداۋدى بايىتىپ، ٴار ۇلت بۇقاراسىن وسى زامانعى وركەنيەتتى تۇرمىسقا تالپىنۋعا جەتەكتەۋ كەرەك. نەگىزگى ساتى ۇيىمدىق قۇرىلىسىن جاپپاي كۇشەيتىپ، وڭتۇستىك شينجياڭداعى نەگىزگى ساتى پارتيا ۇيىمدارىنىڭ ۇيىستىرۋ قۋاتى مەن سەنترگە تارتۋ كۇشىن نىعايتىپ، وڭتۇستىك شينجياڭدا قىستاقتا تۇرۋ قىزمەتىن كۇشەيتىپ، نەگىزگى ساتى كادرلار قوسىنى قۇرىلىسىن مىقتى يگەرىپ، كادرلاردى مىندەت اتقارۋ قابىلەتى بويىنشا باۋلۋدى، شىنىقتىرۋدى كۇشەيتىپ، ولاردىڭ بۇقارالىق قىزمەت ىستەۋ قابىلەتىن، ونەرىن ۇزدىكسىز جوعارىلاتۋ كەرەك. بيڭتۋان مەن جەرگىلىكتى ورىن ”ٴبىر تۇتاس جۇيە“، ”ٴبىر ٴۇيلى جان“ ۇستانىمىن بەرىك ورناتىپ، باسىمدىقتار ارقىلى ٴوزارا تولىقتاۋعا، قۇرىلعىلاردى بىرگە قۇرۋعا، بايلىقتان بىرگە يگىلىكتەنۋگە، تەرەڭدەي كىرىگۋگە تاباندى بولىپ، ەكونوميكا توعىسا داميتىن، مادەنيەت توعىسا بىرگە قۇرىلاتىن، ورنىقتىلىقتى قورعاۋ جاۋاپكەرشىلىگىن بىرگە ارقالايتىن، ۇلتتار ىنتىماعىندا وزات ورىنداردى بىرگە قۇراتىن تاماشا جاعداي قالىپتاستىرىپ، وڭتۇستىك شينجياڭداعى كورنەكتى ماسەلەلەردى بىرگە شەشۋ كەرەك.
ما شيڭرۇي بىلاي دەپ باسا دارىپتەدى: وڭتۇستىك شينجياڭ قىزمەتىن ويداعىداي ىستەۋ ساياسي جاۋاپكەرشىلىگىن شىن مانىندە ارقالاپ، يدەيانى ازات ەتىپ، رەفورما جاساپ، جاڭالىق اشىپ، ٴار جاقتىڭ بەلسەندىلىگىن، ىرىقتىلىعىن تولىق جۇمىلدىرىپ، قولداۋ سەرپىنىن ۇزدىكسىز ارتتىرىپ، وڭتۇستىك شينجياڭ سىندى ”شاحمات كوزىن“ كۇش سالا جانداندىرۋ كەرەك. وڭتۇستىك شينجياڭداعى 5 ايماق، وبلىستىڭ جانە بيڭتۋاننىڭ وڭتۇستىك شينجياڭداعى شى ـ قالالارىنىڭ تۇلعالىق جاۋاپكەرشىلىگىن كۇشەيتىپ، بيڭتۋاننىڭ ٴتۇزىلىس ارتىقشىلىعىن ساۋلەلەندىرىپ، تاراۋلاردىڭ قولداۋدى، سايكەستىرۋدى كۇشەيتۋىن ىلگەرىلەتىپ، شينجياڭعا كومەكتەسەتىن ولكە ـ قالالاردىڭ جانە ورتالىق كاسىپورىندارىنىڭ كۇش ـ قۋاتىنان ويداعىداي پايدالانىپ، قىزمەت بىرىككەن كۇشىن ونان ارى ۇيىستىرۋ كەرەك. ”قان قۇيۋ“ مەحانيزمىن كەمەلدەندىرىپ، ورتالىقتىڭ ٴتۇرلى ەرەكشە تيىمدىلىك ساياساتتارىنان جانە كومەك قاراجاتتارىنان ويداعىداي پايدالانۋ، ”قان توقتاتۋ“ جانە ”قان جاساۋ“ قابىلەتىن جوعارىلاتىپ، دامۋدىڭ ىشكى قوزعاۋشى كۇشىن ارتتىرۋ كەرەك. قىزمەت ستيلى قۇرىلىسىن كۇشەيتىپ، ٴار دارەجەلى باسشى كادرلاردى دۇرىس ناتيجە كوزقاراسىن ورناتىپ، فورماشىلدىقتان، تورەشىلدىكتەن باتىل تيىلىپ، ناتيجە شىعارۋعا اسىعۋدان، كوز الداعى پايداعا جۇگىرۋدەن ساقتانىپ، شىن مانىندە رەفورما رۋحى جانە جاڭالىق اشۋ وي جەلىسى ارقىلى ماسەلەلەردى شەشىپ، قىزمەتتەردى ىلگەرىلەتىپ، قاعيداعا، تارتىپكە بويسۇنۋ بارىسىندا جاۋاپكەرشىلىك ارقالاپ ىسكەرلىك كورسەتۋگە، ٴىس تىندىرىپ ناتيجە شىعارۋعا جەتەكتەۋ كەرەك.
ەركىن تۇنياز ٴماجىلىستى باسقارعاندا بىلاي دەپ اتاپ كورسەتتى: جەر ـ جەر، تاراۋلار شينجياڭ دامۋىنىڭ جالپى جاعدايىن كوزدەپ، ساياسي دەڭگەيدى شىن مانىندە جوعارىلاتىپ، ”كۇتە تۇرۋعا كەلمەيتىن“ كوكەي تەستىلىك سەزىممەن، ”باياۋلاتۋعا كەلمەيتىن“ داعدارىس سەزىممەن، ”بوس وتىرا المايتىن“ جاۋاپكەرشىلىك سەزىممەن وڭتۇستىك شينجياڭ قىزمەتىنىڭ ”ساياسي جاۋاپناماسىن“ ويداعىداي تاپسىرۋى كەرەك. ”ٴبىر تۇتاس جۇيە“ يدەياسىن بەرىك ورناتىپ، بيڭتۋان مەن جەرگىلىكتى ورىن بىردەي ورنالاستىرۋعا، بىردەي جوبالاۋعا، بىردەي تياناقتاندىرۋعا تاباندى بولىپ، توعىسپالى دامۋدىڭ قۇدىرەتتى بىرىككەن كۇشىن قالىپتاستىرۋ كەرەك. ٴماجىلىس ايقىنداعان ٴتۇيىندى مىندەتتەرگە سالىستىرىپ، ٴبىر ـ بىردەن زەرتتەپ، ەگجەي ـ تەگجەيلىلەندىرىپ، جارامدى، ٴونىمدى شارالار ارقىلى تياناقتاندىرۋدى مىقتى يگەرىپ، ىستەگەن ىستەن ناتيجە شىعارۋعا شىنايى كەپىلدىك ەتىپ، شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن تاڭداۋلى ناتيجەلەرمەن قارسى الۋ كەرەك.
ماجىلىستە وڭتۇستىك شينجياڭداعى 5 ايماق، وبلىستاعى نەگىزگى جاۋاپتى جولداستار جانە بيڭتۋانداعى قاتىستى باسشى جولداستار ٴسوز سويلەدى.
تيان شياڭلي، چىن ۋيجۇن، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن، ۋاڭ لين، اۆتونوميالى رايوندىق حالىق قۇرىلتايى تۇراقتى كوميتەتىندەگى، ۇكىمەتتەگى، ساياسي كەڭەستەگى، بيڭتۋانداعى قاتىستى باسشىلار، اۆتونوميالى رايوندىق سوت مەكەمەسىندەگى، پروكۋراتۋراداعى نەگىزگى جاۋاپتى جولداستار، اۆتونوميالى رايوننىڭ، بيڭتۋاننىڭ جانە ورتالىقتىڭ شينجياڭدا تۇراتىن قاتىستى ورىندارىنداعى، كاسىپورىندارىنداعى جاۋاپتى جولداستار، وڭتۇستىك شينجياڭداعى 5 ايماق، وبلىستاعى جانە بيڭتۋاننىڭ وڭتۇستىك شينجياڭداعى شى ـ قالالارىنداعى نەگىزگى جاۋاپتى جولداستار نەگىزگى ٴماجىلىس الاڭىندا ماجىلىسكە قاتىناستى. ٴارقايسى ايماق، وبلىس، قالالاردا، اۋدان، قالا، رايونداردا جانە بيڭتۋاننىڭ شى ـ قالالارىندا، تۋان ـ الاڭدارىندا بولىمشە ٴماجىلىس الاڭى ورنالاستىرىلدى.