شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 19 ـ رەتكى توپتىق ۇيرەنۋىندە بىلاي دەپ باسا دارىپتەدى
جالپى تۇلعالىق مەملەكەت حاۋىپسىزدىگى كوزقاراسىن بۇلجىماي دايەكتىلەندىرىپ، تىنىش جۇڭگو قۇرىلىسىن اناعۇرلىم جوعارى دەڭگەيگە كوتەرۋ كەرەك
شينحۋا اگەنتتىگىنىڭ 3 ـ ايدىڭ 1 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 2 ـ ايدىڭ 28 ـ كۇنى تۇستەن بۇرىن اناعۇرلىم جوعارى دەڭگەيدەگى تىنىش جۇڭگو قۇرۋ جونىندە 19 ـ رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: اناعۇرلىم جوعارى دەڭگەيدەگى تىنىش جۇڭگو قۇرۋ ىستەردىڭ گۇلدەنىپ ـ دامۋىنا سايادى، حالىقتىڭ تاماشا تۇرمىسىنا سايادى، مەملەكەتتىڭ باياندى تىنىشتىعىنا سايادى. جالپى تۇلعالىق مەملەكەت حاۋىپسىزدىگى كوزقاراسىن بۇلجىماي دايەكتىلەندىرىپ، مەملەكەتتىڭ اناعۇرلىم حاۋىپسىز، قوعامنىڭ اناعۇرلىم ٴتارتىپتى، باسقارۋدىڭ اناعۇرلىم ٴونىمدى، حالىقتىڭ اناعۇرلىم ريزا بولۋى جاعىنا ۇزدىكسىز كۇش سالىپ، تىنىش جۇڭگو قۇرىلىسىن اناعۇرلىم جوعارى دەڭگەيگە كوتەرۋ كەرەك.
شينان ساياسي ـ زاڭ داشۋەسىنىڭ ورىنباسار باستىعى، پروفەسسور لي يان جولداس وسى ماسەلە جونىندە ٴتۇسىندىرۋ جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار ٴتۇسىندىرۋدى مۇقيات تىڭدادى ٴارى تالقى جۇرگىزدى.
شي جينپيڭ ٴتۇسىندىرۋدى جانە تالقىنى تىڭداعاننان كەيىن ماڭىزدى ٴسوز سويلەدى. ول بىلاي دەپ اتاپ كورسەتتى: پارتيا 18 ـ قۇرىلتايىنان بەرى، پارتيا ورتالىق كوميتەتى مەملەكەت حاۋىپسىزدىگىنە باسشىلىق ەتۋ ٴتۇزىلىسىن جانە زاڭمەن باسقارۋ جۇيەسىن، ستراتەگيالىق جۇيەنى، ساياسات جۇيەسىن ۇزدىكسىز كەمەلدەندىرىپ، قوعامدى باسقارۋ جۇيەسىن كەمەلدەندىرىپ، قوعام اماندىعى بويىنشا جالپى تۇلعالىق ساقتانۋ ـ تىزگىندەۋدى كۇشەيتىپ، الەۋمەتتىك حاۋىپسىزدىكتى باسقارۋ دەڭگەيىن كۇش سالا جوعارىلاتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، ەكونوميكانىڭ جىلدام دامۋى جانە قوعامنىڭ ۇزاق ۋاقىت ورنىقتى بولۋى سىندى ”ەكى ۇلكەن كەرەمەت“ جاڭا تاراۋىن ٴساتتى جالعاستىردى. جاعدايدىڭ، مىندەتتىڭ دامۋ وزگەرىسىنە ۇيلەسىپ، تىنىش جۇڭگو قۇرىلىسىن تەك كۇشەيتۋگە بولادى، السىرەتۋگە بولمايدى.
شي جينپيڭ بىلاي دەپ باسا دارىپتەدى: جالپى تۇلعالىق مەملەكەت حاۋىپسىزدىگى كوزقاراسى _ اناعۇرلىم جوعارى دەڭگەيدەگى تىنىش جۇڭگو قۇرۋدىڭ ماڭىزدى بويسۇنۋ ولشەمى، ٴسوز جوق، بۇلجىماي دايەكتىلەندىرۋ كەرەك. ٴار دارەجەلى پارتكوم مەن ۇكىمەت جۇيەلى ويلاۋعا تاباندى بولىپ، دامۋ _ بۇلجىماس قاعيدا، حاۋىپسىزدىك تە بۇلجىماس قاعيدا دەگەن ۇستانىمدى ىشكەرىلەي ورناتىپ، قىزمەت بارىسىندا دامۋ مەن حاۋىپسىزدىكتى سانالىلىقپەن بىرلىككە كەلتىرىپ، بىرگە جوسپارلاپ، ٴبىر تۇلعالى ورنالاستىرىپ، ٴوزارا جەبەۋ كەرەك. بۇكىل ەل ٴبىر تۇتاس جۇيە ەكەندىگىنە، جوعارى مەن تومەن بىردەي كۇش سالۋعا تاباندى بولىپ، ٴبىر جەردىڭ، ٴبىر ٴوڭىردىڭ، ٴبىر كاسىپتىڭ حاۋىپسىزدىگىن ويداعىداي يگەرۋ ارقىلى مەملەكەتتىڭ جالپى تۇلعالىق حاۋىپسىزدىگىنە شارت ـ جاعداي ازىرلەپ، ٴاربىر حاۋىپسىزدىك ماسەلەسىن دەر كەزىندە، ٴونىمدى شەشۋ ارقىلى مەملەكەتتىڭ باياندى تىنىشتىعىنا بەرىك نەگىز قالاۋ كەرەك.
شي جينپيڭ بىلاي دەپ اتاپ كورسەتتى: تىنىش جۇڭگو قۇرىلىسى حالىق ٴۇشىن ىستەلەدى، سونداي ـ اق حالىققا سۇيەنەدى. حالىق تۇرمىسىنىڭ قۇت ـ ىرىسىن ۇزدىكسىز ارتتىرىپ، بىرگە بايۋدى تىڭعىلىقتى ىلگەرىلەتىپ، حالىق بۇقاراسىنىڭ زاڭدى ۇقىق ـ مۇددەسىن شىن مانىندە قورعاپ، قوعامدىق ادىلدىكتى، ادىلەتتىلىكتى قورعاۋ كەرەك. قوعامدى باسقارۋ جۇيەسىن كەمەلدەندىرىپ، قوعامدىق قىزمەت ٴتۇزىلىسىن، مەحانيزمىن اقاۋسىزداندىرىپ، بارلىق ادام جاۋاپكەرشىلىك ارقالايتىن، بارلىق ادام جاۋاپكەرشىلىگىن ادا ەتەتىن، بارلىق ادام يگىلىكتەنەتىن قوعامدى باسقارۋ ورتاق تۇلعاسىن قۇرۋ كەرەك. ٴوزىن قۇرمەتتەيتىن، وزىنە سەنەتىن، اقىلدى، بايسالدى، بەلسەنە العا باسقان قوعامدىق كۇيدى جەتىلدىرىپ، قايراتتانا العا ۇمتىلاتىن، ۇلەس قوسۋعا پەيىل، زاڭمەن باسقارۋدى قادىرلەيتىن، وركەنيەتتى، جول بەرەتىن ٴداۋىر جاڭا سالتىن اسقاقتاتۋ كەرەك.
شي جينپيڭ بىلاي دەپ باسا دارىپتەدى: ٴتۇرلى حاۋىپ ـ قاتەردەن ساقتانۋ جانە ونى جويۋ _ تىنىش جۇڭگو قۇرىلىسىنىڭ ماڭىزدى مىندەتى. مەملەكەتتىڭ ساياسي حاۋىپسىزدىگىن قورعاۋدى ماڭداي الدى ورىنعا قويىپ، مەملەكەتتىڭ اكىميات حاۋىپسىزدىگىن، ٴتۇزىم حاۋىپسىزدىگىن، يدەولوگيا حاۋىپسىزدىگىن باتىل قورعاۋ كەرەك. الەۋمەتتىك حاۋىپسىزدىك جۇيەسىن كەمەلدەندىرىپ، الەۋمەتتىك حاۋىپسىزدىكتى باسقارۋ ۇلگىسىنىڭ كۇنى بۇرىن الدىن الۋعا قاراي بۇرىلىس جاساۋىن ىلگەرىلەتىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ، ٴوندىرىس حاۋىپسىزدىگى، ازىق ـ تۇلىك، ٴدارى ـ دارمەك حاۋىپسىزدىگى، ينتەرنەت حاۋىپسىزدىگى، جاساندى زەردە حاۋىپسىزدىگى سياقتى جاقتارداعى قىزمەتتى كۇشەيتۋ كەرەك. ٴتۇيىندى سالالارداعى حاۋىپ ـ قاتەردەن كۇش سالا ساقتانۋ كەرەك.
شي جينپيڭ بىلاي دەپ اتاپ كورسەتتى: اناعۇرلىم جوعارى دەڭگەيدەگى تىنىش جۇڭگو قۇرۋ ٴۇشىن، ٴسوز جوق، قوعام اماندىعى بويىنشا جالپى تۇلعالىق ساقتانۋ ـ تىزگىندەۋدى كۇشەيتۋ كەرەك. ارناۋلى باسقارۋ مەن جۇيەلى باسقارۋدى، زاڭ بويىنشا باسقارۋدى، كەشەندى باسقارۋدى، قاينارىنان باسقارۋدى ۇشتاستىرىپ، بۇقارالىق ساقتانۋ، بۇقارالىق باسقارۋ كۇشتەرىن دامىتىپ، زورايتىپ، ناعىز قۇرىش قورعان تۇرعىزۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ارىز ـ ارمان قىزمەتىن زاڭمەن باسقارۋدى ىلگەرىلەتىپ، ٴتۇرلى قايشىلىقتاردى، داۋ ـ شارلاردى دەر كەزىندە، ٴونىمدى شەشۋ كەرەك.
شي جينپيڭ بىلاي دەپ باسا دارىپتەدى: پارتيا باسشىلىعى _ تىنىش جۇڭگو قۇرىلىسىنىڭ ٴتۇبىرلى كەپىلى. پارتيا ورتالىق كوميتەتىنىڭ مەملەكەت حاۋىپسىزدىگى قىزمەتىنە، ساياسي ـ زاڭ قىزمەتىنە شارتسىز باسشىلىعىنا باستان ـ اياق تاباندى بولىپ، ٴار دارەجەلى پارتكومداردىڭ تىنىشتىق قۇرىلىسىنداعى جالپى جاعدايدى مەڭگەرۋ، ٴار جاقتى سايكەستىرۋ سىندى باسشىلىق رولىن تولىق ساۋلەلەندىرۋ كەرەك. ۇنامدى جاقتان ۇگىتتەۋ مەن قوعامدىق پىكىرگە جەتەكشىلىك ەتۋدى كۇشەيتىپ، وسى زامانعى عىلىم ـ تەحنولوگيا تاسىلدەرىن قولدانىپ قوعامدى باسقارۋ ونىمدىلىگىن جوعارىلاتۋعا دەن قويۋ كەرەك. ادال، كىرشىكسىز، جاۋاپكەرشىلىك ارقالايتىن جاڭا ٴداۋىر ساياسي ـ زاڭ قۇرىش قوسىنىن سومداۋ كەرەك.