ەركىن تۇنياز جوعارى ساپالى دامۋدى تىڭعىلىقتى ىلگەرىلەتۋ جونىندە تەكسەرۋ ـ زەرتتەۋ جۇرگىزدى

حالىقتىق سۇيىسپەنشىلىكتى بەرىك ورناتىپ، قىزمەتتىڭ ساپاسى مەن ونىمدىلىگىن جوعارىلاتۋ كەرەك

　　انار بۇلت \ شينجياڭ گازەتىنىڭ ٴتىلشىسى لي ياڭ 3 ـ ايدىڭ 1 ـ كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق پارتكومنىڭ ورنالاستىرۋلارىن، تالاپتارىن تياناقتاندىرۋ، جوعارى ساپالى دامۋدى تىڭعىلىقتى ىلگەرىلەتۋ جونىندە تەكسەرۋ ـ زەرتتەۋ جۇرگىزىپ، دەنە تاربيە، ٴدارى ـ دارمەك باقىلاۋ ـ باسقارۋ، ەمدەۋ قامسىزداندىرۋى، ارىز ـ ارمان سياقتى تاراۋلاردى ارالاپ، جاعداي ۇعىسىپ، بىلاي دەپ باسا دارىپتەدى: جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، حالىقتىق سۇيىسپەنشىلىكتى بەرىك ورناتىپ، قىزمەتتىڭ ساپاسى مەن ونىمدىلىگىن جوعارىلاتىپ، جوعارى ساپالى دامۋ جەتىستىكتەرىنىڭ حالىق تۇرمىسىنا تيىمدىلىك جەتكىزۋىنە، بۇقاراعا تيىمدىلىك جەتكىزۋىنە مۇمكىندىك جاساۋ كەرەك.

　　قازىر ٴدال 15 ـ كەزەكتى مەملەكەتتىك سپورت جارىسىنىڭ الدىنداعى ەڭ سوڭعى قىسقى جاتتىعۋ مەزگىلى، اۆتونوميالى رايوننىڭ اۋىر باسەكەلىك سپورتقا جاتتىقتىرۋ ورتالىعىندا بوكس، كۇرەس، رۋداۋ سپورتشىلارى قاربالاس جاتتىعۋ جاساپ جاتتى. ەركىن تۇنياز شايقاسقا دايىندالىپ جاتقان سپورتشىلارعا، جاتتىقتىرۋشىلارعا امانداسىپ، حال سۇراپ، كوپشىلىكتى سەنىمدى بەكەمدەپ، بار قايراتتى سالىپ، وزدەرىنىڭ باسەكە دەڭگەيىن ۇزدىكسىز جوعارىلاتىپ، حالىقارالىق جارىس الاڭدارىندا جانە 15 ـ كەزەكتى مەملەكەتتىك سپورت جارىسىندا ەرلىكپەن العا ۇمتىلىپ، تاعى دا تاماشا ناتيجەگە جەتىپ، مەملەكەتكە داڭق اپەرىپ، شينجياڭنىڭ ابىرويىن اسىرۋعا جىگەرلەندىردى. ول بىلاي دەدى: دارىندىلاردى باۋلۋ سەرپىنىن ارتتىرىپ، جوعارى دەڭگەيلى جاستار مەن ورەندەردى جاتتىقتىرۋ جۇيەسىن جەدەل قالىپتاستىرىپ، ەل ٴىشى ـ سىرتىنداعى جوعارى دەڭگەيلى جارىستاردى وتكىزۋگە بەلسەنە ٴوتىنىش ەتىپ، ورتا ازيا ەلدەرىمەن اۋىس ـ كۇيىستى، سەلبەستىكتى كۇشەيتۋ كەرەك. بۇقارالىق دەنە تاربيەنى، مەكتەپ دەنە تاربيەسىن ناقتى يگەرىپ، دەنە تاربيە الاڭ ـ سارايلارىن جانە قۇرىلعىلارىن جۇرتشىلىققا اشۋدى ىلگەرىلەتىپ، بۇقارانىڭ ات سالىسۋ ىنتاسىن قاۋلاتۋ كەرەك.

　　اۆتونوميالى رايوندىق ٴدارى ـ دارمەك باقىلاۋ ـ باسقارۋ مەكەمەسىندە ەركىن تۇنياز جۇڭي ٴدارى ـ دارمەك ماتەريالدارى ۇلگى سارايىنا، تاجىريبەحاناعا كىرىپ، ٴدارى ـ دارمەكتەردى باقىلاۋ ـ باسقارۋ، قابىلەت قۇرىلىسى جانە شيپاگەرلىك، دارىگەرلىك كاسىپ سالاسىنىڭ دامۋ احۋالىن ۇعىستى. ول مىنالاردى ٴبىلدىردى: ينفورماتسيالاندىرۋ ارقىلى ٴدارى ـ دارمەك باقىلاۋ ـ باسقارۋ قابىلەتى قۇرىلىسىنا قۋات ۇستەپ، ٴدارى ـ دارمەك حاۋىپسىزدىگىنىڭ تومەنگى شەگىن مىقتى ساقتاۋ كەرەك. شينجياڭنىڭ ەرەكشەلىككە يە شيپاگەرلىك، دارىگەرلىك بايلىعى ارتىقشىلىعىن تياناق ەتىپ، جۇڭي ٴدارى ـ دارمەك كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتۋ كەرەك. ”ون ٴىرى كاسىپ سالاسى شوعىرى“ قۇرىلىسىن ارقاۋ ەتىپ، بيولوگيالىق شيپاگەرلىك، دارىگەرلىك كاسىپ سالاسى تىزبەگىن كەڭەيتىپ، جاڭا ارتۋ ٴتۇيىنىن تۇلعالاۋ كەرەك. ”ٴبىر ٴىستى جوعارى ونىمدىلىكپەن ٴبىتىرۋدى“ جاپپاي تياناقتاندىرىپ، تاماشا شارۋاشىلىق ـ ساۋدا ورتاسىن قالىپتاستىرۋ كەرەك.

　　اۆتونوميالى رايوندىق ەمدەۋ قامتاماسىزداندىرۋى مەكەمەسىندە ەركىن تۇنياز ەمدەۋ قامتاماسىزداندىرۋىن ٴبىتىرۋ بويىنشا قىزمەت وتەۋ، ينفورماتسيالاندىرۋ قۇرىلىسى، قوردى باقىلاۋ ـ باسقارۋ سياقتى احۋالداردى ەگجەي ـ تەگجەيلى ۇعىستى. ول مىنالاردى ٴبىلدىردى: ساياسي دەڭگەيدى جوعارىلاتىپ، حالىقتى وزەك ەتكەن دامۋ يدەياسىن بەرىك ورناتىپ، ٴتۇرلى ەمدەۋ قامتاماسىزداندىرۋ رەفورمالارىنىڭ ورنىقتى قاداممەن الىسقا جەتۋىن تىڭعىلىقتى ىلگەرىلەتىپ، حالىق بۇقاراسى ۋايىمدايتىن ىستەردى قۇلشىنا شەشۋ كەرەك.

　　ەركىن تۇنياز اۆتونوميالى رايوندىق ارىز ـ ارمان مەكەمەسىنە كەلىپ، ارىز ـ ارمان قىزمەتى احۋالىنان جاسالعان مالىمەتتى تىڭدادى. ول مىنالاردى ٴبىلدىردى: ارىز ـ ارمان قىزمەتى _ پارتيانىڭ بۇقارالىق قىزمەتىنىڭ ماڭىزدى قۇرامداس بولىگى، پارتيا مەن ۇكىمەتتىڭ بۇقارامەن بايلانىس جاسايتىن تەرەزەسى جانە دانەكەرى. حالىقتى بارىنەن جوعارى قويۋعا تاباندى بولىپ، حالىق تۇرعىسىنان تاپجىلماي، بۇقارانىڭ زاڭدى تالاپ ـ تىلەكتەرىن سۇيىسپەنشىلىكپەن، جاۋاپكەرشىلىكپەن ويداعىداي شەشىپ، الدىعا كەلگەن بۇقارالىق قىزمەتتى دەن قويا، سۇيىسپەنشىلىكپەن، كۇش سالا ويداعىداي ىستەۋ كەرەك. ٴتۇيىندى سالالارداعى ارىز ـ ارمان ماسەلەسىن قاينارىنان وڭاۋدى كۇشەيتىپ، قايشىلىقتاردى، داۋ ـ شارلاردى شىن مانىندە نەگىزگى ساتىدا جويىپ، وركەن كۇيىندە شەشۋ كەرەك. ۇلكەن ساندى مالىمەتتىڭ رولىن شىن مانىندە ساۋلەلەندىرىپ، ساندى مالىمەتتىڭ كوپ رول اتقارۋىن، بۇقارانىڭ از سابىلۋىن جۇزەگە اسىرۋ كەرەك.

　　ەركىن تۇنياز تەكسەرۋ ـ زەرتتەۋ كەزىندە بىلاي دەپ باسا دارىپتەدى: جۇمىستى شوگەلدىكپەن جوسپارلاپ، جۇمىستى ەگجەي ـ تەگجەيلى ىستەپ، جۇمىستان ناقتى ناتيجە شىعارىپ، قىزمەت قابىلەتىن ونان ارى جوعارىلاتىپ، حاۋىپ ـ قاتەرلەردىڭ، كومەسكى كىناراتتاردىڭ تۇيىنشەگىنە جەتە تالداۋ جاساپ، جارامدى، ٴونىمدى ٴادىس الىپ شىعۋ كەرەك. ستيلگە تاباندىلىقپەن بۇرىلىس جاساپ، تياناقتاندىرۋدى يگەرۋ قابىلەتىن جوعارىلاتىپ، مىندەتتەردى تەمىرگە تاپ قالدىراتىن تەبىنمەن ناقتاپ تياناقتاندىرۋ كەرەك.

　　ٴيۇسۇپجان مامەت، مۇقيات جارمۇقامەت، قايسار ابدۇكەرىم قاتارلىلار جەكە ـ جەكە تەكسەرۋ ـ زەرتتەۋگە قاتىناستى.