— شينجياڭداعى مەملەكەتتىك حالىق قۇرىلتايى ۋاكىلدەرى، مەملەكەتتىك ساياسي كەڭەس مۇشەلەرى كەڭەستىك جوبا، ۇسىنىس جوبا، ۇسىنىستاردى مۇقيات دايىندادى
انار بۇلت \ شينجياڭ گازەتىنىڭ تىلشىلەرى لي ياڭ، ۋاڭ شيڭرۇي
مەملەكەتتىك ەكى ماجىلىسكە كەڭەستىك جوبا، ۇسىنىس جوبا، ۇسىنىس بەرۋ — مەملەكەتتىك حالىق قۇرىلتايى ۋاكىلدەرىنىڭ، مەملەكەتتىك ساياسي كەڭەس مۇشەلەرىنىڭ جاۋاپكەرشىلىگى، سونداي ـ اق مەملەكەت دەڭگەيىندەگى ساياساتتىق قولداۋعا بەلسەنە قول جەتكىزۋدىڭ، شينجياڭنىڭ ەكونوميكالىق، قوعامدىق دامۋىن ىلگەرىلەتۋدىڭ ٴونىمدى جولى. 3 ـ ايدىڭ 3 ـ كۇنى مەملەكەتتىك حالىق قۇرىلتايىنىڭ شينجياڭداعى ۋاكىلدەرى، مەملەكەتتىك ساياسي كەڭەستىڭ شينجياڭدا تۇراتىن مۇشەلەرى بەيجيڭگە ٴساتتى جەتتى. 10 مىڭ مەتر بيىك كەڭىستىكتەگى كەزەكشى ۇشاقتان بەيجيڭدە تۇراتىن ورىندارىنا دەيىن ۋاكىلدەر، مۇشەلەر قىزۋ كەڭەسىپ، ٴوزارا تالقى جۇرگىزىپ، العا قوياتىن كەڭەستىك جوبا، ۇسىنىس جوبا، ۇسىنىستاردى دەن قويا دايىنداپ، وزگەرىس ەنگىزىپ كەمەلدەندىرىپ، ەڭ جاقسى رۋحاني بەينەمەن ماجىلىسكە قاتىناسۋعا ويداعىداي دايىندالدى.
3 ـ ايدىڭ 3 ـ كۇنى ساعات 9دان 30 مينۋت وتكەندە، ۇشاق ۇشىپ كوپ وتپەي، مەملەكەتتىك ساياسي كەڭەستىڭ مۇشەسى ايىمسا توحتاحۇن مەن ونىڭ جانىنداعى ٴمۇحتابار ابدۇل، گۋان فاڭفاڭ قاتارلى 2 مۇشە ”شاعىن جيىن“ اشىپ، 10 مىڭ مەتر جوعارى كەڭىستىكتە ”بۇلتتىق تەرمينال“ تالقىسى قىزۋ ٴجۇرىلىپ جاتتى.
”بەيزاتتىق مادەنيەت مۇرالارىن مەكتەپ اۋلاسىنا ەنگىزۋ مەنىڭ بىلتىر تەكسەرۋ ـ زەرتتەۋ بارىسىندا ەڭ كوڭىل بولگەن ماسەلەم“. ايىمسا توحتاحۇن: «ماناستى» قورعاۋ جانە جالعاستىرۋ جاستار مەن ورەندەردىڭ ات سالىسۋىن قاجەت ەتەدى، سوندىقتان مەن كوپتەگەن مەكتەپكە بارىپ تەكسەرۋ ـ زەرتتەۋ جۇرگىزدىم ٴارى ماڭىزدى مەرەكە ـ مەيرامداردا ۇگىتتەۋ قيمىلىن دانەكەر ەتىپ، بۇقارانىڭ بەيزاتتىق مادەنيەت مۇرالارىنا قاتىسۋ سالىستىرماسىن جوعارىلاتۋدى ٴۇمىت ەتتىم، ـ دەدى. ونىڭ ۇسىنىسىمەن ۇلۇقشات اۋدانى «ماناستى» جالعاستىرۋدى جانە ونى ورىنداۋدى ورتا، باستاۋىش مەكتەپتەردىڭ كۋرجەك قيمىلدارىنا ەنگىزىپ، ٴار دارەجەلى، ٴار ٴتۇرلى مەكتەپتەر «ماناس» ايتۋ كۋرجەگىن اشىپ، جاڭا ٴبىر ۇرپاق جالعاستىرۋشىلاردى تاربيەلەدى.
”سىزدى قولدايمىز“، ـ دەدى مۇشە گۋان فاڭفاڭ القاپ. ايىمسا توحتاحۇن بىلاي دەدى: ”مەن نەگىزگى ساتىدان كەلگەن مۇشەمىن، بۇقارا كوڭىل بولەتىن ىستەرگە نازار اۋدارامىن. بيىل مەن جەدەل جەتكىزۋ جانە تاپسىرىسپەن تاماق جەتكىزۋ سالاسىنداعى سۋلياۋ قوراپتى ولشەمگە ٴتۇسىرۋ جونىندە ۇسىنىس بەرمەكشىمىن، سىزدەردىڭ قانداي جاقسى ويلارىڭىز بار“؟
”مەن سايكەستى ساياسات، زاڭ ەرەجەلەردى كەمەلدەندىرىپ، تاپسىرىسپەن تاماق جەتكىزۋ تۇعىرلارىنىڭ، اس ـ سۋ كاسىپورىندارىنىڭ، قوراپتاۋ ٴوندىرىس كاسىپورىندارىنىڭ مىندەتىن زاڭ تۇرعىسىنان ايقىنداۋدى ۇسىنامىن“، ـ دەدى گۋان فاڭفاڭ.
”سونىمەن بىرگە قورشاعان ورتانى قورعاۋ ماتەريالدارىن پايدالاناتىن اس ـ سۋ كاسىپورىندارىنا سالىقتى ازايتۋ، كەشىرىم ەتۋ سياقتى تيىمدىلىكتەردى اتقارىپ، ساۋداگەرلەردىڭ بەلسەندىلىگىن جوعارىلاتۋعا دا بولادى“، ـ دەدى ٴمۇحتابار ابدۇل.
ساعات 16دا مۇشە يۇكساك شيجاات كومپيۋتەرىن اشىپ، ۇسىنىسىنا بار زەيىنىمەن وزگەرىس ەنگىزدى. ”قازىر ينتەرنەتتەگى شاعىن تەاتر وتە دۋماندى بولعانىمەن، كەيبىر تەاتر جيناعىنىڭ مازمۇنى ىلىككە العىسىز، ساپاسىز، تۇرپايى، بۇل مازمۇندار قوعامدىق الەۋمەتتىك ٴمورال مەن زاڭ، زاڭ ەرەجەلەرگە قايشى بولىپ قانا قويماي، جاستار مەن ورەندەرگە دە ناشار ىقپال جاسايدى“. ول جاڭا ماتەريالداردى ىزدەي وتىرىپ، ٴتىل تاقتانى باسىپ: ”مەن ناشار مازمۇنداعى شاعىن تەاترلاردى جونگە سالىپ، ٴتىپتى دە كوپ وڭ ەنەرگيالى، جوعارى ساپالى شاعىن تەاترلاردى جاريالاۋدى ۇسىنامىن“، ـ دەدى.
كەشكى تاماقتان كەيىن، مەملەكەتتىك حالىق قۇرىلتايىنىڭ ۋاكىلى جۋ گۋاڭلان باسقا بىرنەشە ۋاكىلمەن بىرگە وتىرىپ، كوپشىلىك سويلەپ، قىزۋ تالقى جۇرگىزدى. بيىل جۋ گۋاڭلان مەملەكەتتىڭ سيفرلى ەسەپتەۋ زاپاس بازاسىن جەدەل قۇرۋ سىندى ٴبىر ٴىرى ىسكە نازار اۋداردى. بۇل ۇسىنىستى دايىنداۋدا ول تولىق ويلانىپ ـ تولعانعان: بيڭتۋان شينشيڭ قالاسى شينجياڭنىڭ ”شىعىس قاقپاسىندا“، مەملەكەتتىڭ ”ٴۇش بازا، ٴبىر ارنا“ قۇرىلىسىنىڭ وزەكتى رايونىنا ورنالاسقان، ەرەكشە ستراتەگيالىق ورىنعا، باسىمدىققا يە، قازىر ەسەپتەۋ قۋاتى كاسىپ سالاسىن زور كۇشپەن دامىتۋدا. ول بۇل قىزمەتتىڭ مەملەكەتتىڭ نازارىن اۋدارىپ جانە قولداۋىنا يە بولىپ، سيفرلى ەكونوميكانىڭ جوعارى ساپالى دامۋىن ىلگەرىلەتۋىن ٴۇمىت ەتەدى.
ٴتۇن ورتاسى، مەملەكەتتىك حالىق قۇرىلتايىنىڭ ۋاكىلى ٴومارجان قۇربان ٴالى دە قاربالاس، ول دايىنداعان كومىردەن تابيعي گاز الۋ كاسىپ سالاسىنىڭ دامۋىن ىلگەرىلەتۋ جونىندەگى ماتەريالىنا ٴبىرتالاي نارسەنى قوستى. ەنەرگيا كاسىپورنىنان كەلگەن مەملەكەتتىك حالىق قۇرىلتايىنىڭ ۋاكىلى رەتىندە، ٴومارجان قۇربان شينجياڭنىڭ ەنەرگيا كاسىپ سالاسىنىڭ ٴار قادامداعى دامۋىنا نازار اۋدارىپ كەلەدى. وسىدان بۇرىن ول شينجياڭنىڭ كومىردەن تابيعي گاز الۋ كاسىپ سالاسىنىڭ دامۋى جونىندە ىشكەرىلەي تەكسەرۋ ـ زەرتتەۋ جۇرگىزىپ، مەملەكەتتىڭ اناعۇرلىم قولداۋ كورسەتۋىن ٴۇمىت ەتكەن بولاتىن. ”شينجياڭ مەملەكەتتىڭ ەنەرگيا حاۋىپسىزدىگىن قامتاماسىز ەتۋ كەلەلى جاۋاپكەرشىلىگىن ارقالاپ وتىر“. ول بىلاي دەدى: كومىردەن تابيعي گاز الۋ كاسىپ سالاسىنىڭ جەدەل دامۋىن ىلگەرىلەتكەندە، شينجياڭنىڭ ساپالى كومىر ٴوندىرىس قۋاتىنىڭ جەدەل جارىققا شىعۋىن اناعۇرلىم ويداعىداي جەبەپ، بايلىق باسىمدىعىنىڭ كاسىپ سالاسى باسىمدىعىنا اينالۋىن جەدەل ىلگەرىلەتۋگە بولادى.
مينۋت ـ سەكۋند سايىن دامىل تاپپادى. ۋاكىلدەر مەن مۇشەلەر مىنالاردى ٴبىلدىردى: جاۋاپكەرشىلىكتى مۇقيات اتقارىپ، ۇسىنىستاردى سەزىپ ـ بىلە الاتىن دامۋ جەتىستىكتەرى مەن حالىق تۇرمىسىنىڭ قۇت ـ ىرىسىنا اينالدىرۋعا قۇلشىنامىز.