شينجياڭ ۋاكىلدەر ۇيىرمەسى ۋاكىلدەر زاڭىنا وزگەرىس ەنگىزۋ جونىندەگى قاۋلى جوباسىن جانە ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن قارادى
ما شيڭرۇي، شوكىرات زاكىر، ەركىن تۇنياز، ٴزۇمىرات وبۇل، شاۋكەت يمىن قاراۋعا قاتىناستى، حى جۇڭيوۋ سىرتتاي قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 9 ـ كۇنى بەيجيڭنەن حابارلايدى. 3 ـ ايدىڭ 9 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىندەگى شينجياڭ ۋاكىلدەر ۇيىرمەسى گرۋپپا جيىنىن وتكىزىپ، مەملەكەتتىك حالىق قۇرىلتايى جانە جەرگىلىكتى ٴار دارەجەلى حالىق قۇرىلتايلارى ۋاكىلدەرى زاڭىنا وزگەرىس ەنگىزۋ جونىندەگى قاۋلى جوباسىن قارادى، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن قارادى. مەملەكەتتىك حالىق قۇرىلتايىنىڭ ۋاكىلدەرى ما شيڭرۇي، شوكىرات زاكىر، ەركىن تۇنياز، ٴزۇمىرات وبۇل، شاۋكەت يمىن قاراۋعا قاتىناستى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ سىرتتاي قاتىناستى.
ەڭ جوعارى حالىق سوتى مەكەمەسى پارتيا باسشىلىق گرۋپپاسىنىڭ مۇشەسى، ساياسي ٴبولىمىنىڭ مەڭگەرۋشىسى لي چىڭلين جانە ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى قاتىستى جولداستار جيىنعا قاتىناسىپ پىكىرلەردى تىڭدادى.
ۋاكىل شوكىرات زاكىر: قاۋلى جوباسىن جانە ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن بۇكىلدەي قۇپتايمىن، ـ دەدى. ول تاعى مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى جونىندە ٴسوز سويلەپ مىنالاردى ٴبىلدىردى: بايانداما تۋدى بيىك ۇستاۋعا، شىندىققا جۇگىنىپ ناقتى ىستەۋگە، حالىق ٴۇشىن ىستەۋ باس ماقساتىنا تاباندى بولعان، نازاريالىق بيىك دەڭگەيى دە بار، امالياتتىق تەرەڭدىگى دە بار، بۇكىلدەي قۇپتايمىن. وتكەن ٴبىر جىلدا مەملەكەتتىك حالىق قۇرىلتايى تۇراقتى كوميتەتى شي جينپيڭ زاڭمەن باسقارۋ يدەياسىن، سونداي ـ اق باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، حالىق قۇرىلتايى قىزمەتىنىڭ ساياسي بەتالىسىن مىقتاپ يگەرىپ، پارتيا باسشىلىعىنىڭ، حالىقتىڭ وزىنە ـ ٴوزى قوجايىن بولۋىنىڭ جانە مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، جالپى بارىستىق حالىق دەموكراتياسىن بەلسەنە دامىتىپ، پارتيا مەن مەملەكەت قىزمەتىنىڭ كەلەلى جاعدايىمەن تىعىز ۇشتاستىرا وتىرىپ مىندەت وتەپ، جاۋاپكەرشىلىگىن ادا ەتىپ، زاڭ شىعارۋ، باقىلاۋ، ۋاكىلدەر، سىرتپەن بارىس ـ كەلىس جاساۋ، وزىندىك قۇرىلىسى سياقتى ٴتۇرلى قىزمەتتە جاڭا ىلگەرىلەۋشىلىككە قول جەتكىزىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە زاڭمەن باسقارۋ قامتاماسىزدىعىن ازىرلەدى. اۆتونوميالى رايوندىق حالىق قۇرىلتايى تۇراقتى كوميتەتى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن كوزدەپ، زاڭ بويىنشا مىندەت وتەپ، جاۋاپكەرشىلىك ارقالاپ ىسكەرلىك كورسەتىپ، ٴتۇرلى قىزمەتتە تىڭ بەلەسكە قادام تاستادى. حالىق قۇرىلتايىنىڭ فۋنكتسيالىق رولىن اناعۇرلىم ويداعىداي ساۋلەلەندىرىپ، نازاردى جوعارى ساپالى دامۋ، جۇڭحۋا ۇلتى ورتاق تۇلعا تانىمىن بەكەمدەۋ سياقتى ٴتۇيىندى قىزمەتتەرگە شوعىرلاندىرىپ، ٴتۇرلى مىندەت جاۋاپكەرشىلىگىن زاڭ بويىنشا اتقارىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە كۇش قوسۋىمىز كەرەك.
ۋاكىل ٴزۇمىرات وبۇل بىلاي دەدى: قاۋلى جوباسىن جانە ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن بۇكىلدەي قۇپتايمىن. وتكەن ٴبىر جىلدا ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى شي جينپيڭ زاڭمەن باسقارۋ يدەياسىن امالياتتا ىشكەرىلەي ايگىلەپ، نەگىزگى زاڭدا، زاڭداردا جۇكتەلگەن مىندەت جاۋاپكەرشىلىگىن ادالدىقپەن اتقارىپ، حالىق ٴۇشىن ٴادىليا جۇرگىزۋگە، ٴادىليانى ٴادىل جۇرگىزۋگە تاباندى بولىپ، ادىلدىكتى، تۋراشىلدىقتى بار كۇشپەن قورعاپ، ٴتۇرلى قىزمەتتەردە جاڭا ىلگەرىلەۋشىلىككە قول جەتكىزدى. ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى ىرىقتىلىقپەن مەملەكەتتىك حالىق قۇرىلتايىنا قىزمەتتەن مالىمەت بەرىپ، حالىق قۇرىلتايى سايلاپ شىعۋ، حالىق قۇرىلتايىنا جاۋاپتى بولۋ، حالىق قۇرىلتايىنىڭ باقىلاۋىن قابىلداۋ سىندى نەگىزگى زاڭنىڭ، زاڭداردىڭ تالاپتارىن ناقتاپ تياناقتاندىردى. ٴبىر جىلدان بەرى ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى شينجياڭنىڭ سوت مەكەمەسى مەن پروكۋراتۋرا قىزمەتىنە بار كۇشپەن قولداۋ كورسەتتى، شينجياڭداعى ٴار دارەجەلى سوت مەكەمەلەرى، پروكۋراتۋرا ورگاندارى اۆتونوميالى رايوندىق پارتكومنىڭ وزەكتى قىزمەتىن مىقتاپ ارقاۋ ەتىپ، مىندەت وتەپ جاۋاپكەرشىلىكتەرىن ادا ەتىپ، رەفورمانى، دامۋدى، ورنىقتىلىقتى ىلگەرىلەتۋگە پارمەندى زاڭمەن باسقارۋ تىرەگىن ازىرلەدى. حالىق قۇرىلتايى جانە سوت مەكەمەسى، پروكۋراتۋرا بارلىعى دەموكراتيالىق زاڭمەن باسقارۋ قۇرىلىسىنىڭ ٴبىرىنشى شەبىندە تۇر، مەملەكەتتى زاڭمەن باسقارۋدىڭ بىرلىگىن، بەدەلى مەن ابىرويىن بىرگە قورعايدى. اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوندىق جوعارى حالىق سوتى مەكەمەسىمەن، حالىق پروكۋراتۋراسىمەن بىرگە ۇقساس ماسەلەگە ۇقساس جاۋاپ قايتارىپ، ٴبىر باعىتتا كۇش سالىپ، شينجياڭدى جاپپاي زاڭمەن باسقارۋدى بىرگە ىلگەرىلەتەدى.
ۋاكىل ٴدىلشات سايىم بىلاي دەدى: ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى شي جينپيڭ زاڭمەن باسقارۋ يدەياسىن جاپپاي دايەكتىلەندىرىپ، قىرۋار جاندى دەلو مىسالى، ەگجەي ـ تەگجەيلى ساندى مالىمەت جانە تيپتىك تاجىريبەلەر ارقىلى وتكەن ٴبىر جىلدا ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ كەلەلى جاعدايعا قىزمەت وتەپ، حالىق ٴۇشىن ٴادىليا جۇرگىزگەن قىزمەت ونىمدىلىگىن وبيەكتيۆ بەينەلەپ، ٴادىليا ورگاندارىنىڭ جۇڭگو ۇلگىسىندەگى وسىزامانداندىرۋدى ىرىقتىلىقپەن قورعاعان ارەكەت كۇشىن جانە تياناقتاندىرۋ كۇشىن تولىق ايگىلەدى، بۇكىلدەي قۇپتايمىن. حالىق سوتى مەكەمەسى _ قوعامنىڭ ادىلدىگىن، تۋراشىلدىعىن قورعايتىن ماڭىزدى كۇش. تۇتاس رايونداعى ٴار دارەجەلى سوت مەكەمەلەرى مەملەكەتتىك ەكى ٴماجىلىستىڭ رۋحىن مۇقيات دايەكتىلەندىرىپ، ەڭ جوعارى حالىق سوتى مەكەمەسىنىڭ ورنالاستىرۋلارىن، تالاپتارىن تياناقتاندىرىپ، نازاردى ادىلدىك جانە ونىمدىلىك سىندى قىزمەت نەگىزگى تاقىرىبىنا شوعىرلاندىرىپ، ٴتۇرلى قىزمەتتەردى تەرەڭدەتىپ، ناقتىلاندىرىپ، ٴادىليانى قاتاڭ، ٴادىل جۇرگىزۋ ارقىلى زاڭمەن باسقارىلاتىن شينجياڭ قۇرىلىسىنا قىزمەت وتەيدى.
ۋاكىل گاۋ جيميڭ بىلاي دەدى: ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن بۇكىلدەي قۇپتايمىن. بايانداما جاڭا داۋىردەگى مەملەكەتتى جاپپاي زاڭمەن باسقارۋدىڭ ٴادىليالىق امالياتىن تولىق ايگىلەپ، ساياسي جاۋاپكەرشىلىك ارقالاۋدى كورنەكتىلەندىرىپ، زاڭمەن باسقارۋ رۋحىن اسقاقتاتىپ، حالىق ٴۇشىن ىستەۋ سۇيىسپەنشىلىگىن قامتىپ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ جوعارى ساپامەن، جوعارى ونىمدىلىكپەن حالىق ٴۇشىن ٴادىليا جۇرگىزۋىنىڭ ۇزدىك جاۋاپناماسىن جازدى. ەڭ جوعارى حالىق پروكۋراتۋراسى شينجياڭنىڭ پروكۋراتۋرا قىزمەتىنە باستان ـ اياق ايرىقشا ٴمان بەرىپ، بار كۇشپەن قولداۋ كورسەتىپ، ٴتۇرلى جاقتاعى قىزمەتتە ٴتۇيىندى كومەكتەسىپ، سۇيەمەلدەدى. ٴبىز شي جينپيڭ زاڭمەن باسقارۋ يدەياسىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، رەفورمانى جاپپاي تەرەڭدەتۋدى قوزعاۋشى كۇش، قابىلەتتى جوعارىلاتىپ، ستيلدە بۇرىلىس جاساۋدى تۇتقا ەتىپ، ٴتۇرلى مىندەت جاۋاپكەرشىلىگىمىزدى ادالدىقپەن اتقارىپ، كورىكتى شينجياڭ قۇرۋعا زاڭمەن باسقارۋ قامتاماسىزدىعىن ازىرلەيمىز.
ابدۇمامەت وبۇل، اكرام ٴمامتىمىن، ٴزاينۇرا تالعات، مين شياۋچيڭ، پاڭ زىجيان، قانىمبۇ ايسا، لي لان، ٴجۇرات قۇربان، ٴدولاتمان كاميك، اجياكبار ايسا، ٴومارجان قۇربان، ٴنۇربيا سەيىت قاتارلى ۋاكىلدەر لەبىز ٴبىلدىرىپ، ەكى باياندامانى قاراپ، وتكەن ٴبىر جىلدا ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا مەن مەملەكەت قىزمەتىنىڭ كەلەلى جاعدايىن مىقتاپ ارقاۋ ەتە وتىرىپ، نەگىزگى زاڭدا، زاڭداردا جۇكتەلگەن مىندەت جاۋاپكەرشىلىگىن ادالدىقپەن اتقارىپ، حالىق ٴۇشىن ٴادىليا جۇرگىزۋگە، ٴادىليانى ٴادىل جۇرگىزۋگە تاباندى بولىپ، دامۋعا قىزمەت وتەۋ جاعىندا بەلسەنە ىسكەرلىك كورسەتىپ، حالىق ٴۇشىن ٴادىليا جۇرگىزۋدە پارمەندى، ٴونىمدى بولىپ، ادىلدىكتىڭ، تۋراشىلدىقتىڭ قول جەتىمدى بولۋىنا مۇمكىندىك جاساعاندىعىن شىنايى سەزىنگەندىكتەرىن، ەكى باياندامانى قۇپتايتىندارىن ايتتى. كوپشىلىك ەكى بايانداماداعى جارقىن تۇيىندەردى، ايتىلىمداردى، تيپتىك دەلو مىسالدارىن تولىق تالقىلادى ٴارى نەگىزگى ساتىداعى ٴار ۇلت بۇقاراسىنىڭ زاڭمەن باسقارۋ قۇرىلىسى جونىندەگى جاڭا سۇرانىستارىمەن، جاڭا تىلەك ـ تالاپتارىمەن بىرلەستىرە وتىرىپ پىكىر ـ ۇسىنىس بەردى.
قاراۋ بارىسىندا ۋاكىلدەر مەملەكەتتىك حالىق قۇرىلتايى جانە جەرگىلىكتى ٴار دارەجەلى حالىق قۇرىلتايلارى ۋاكىلدەرى زاڭىنا وزگەرىس ەنگىزۋ قاۋلى جوباسى جونىندە پىكىر بەرىپ، وسى جوبانى ٴبىر اۋىزدان قۇپتايتىندىقتارىن ٴبىلدىردى.
مەملەكەتتىك حالىق قۇرىلتايىنىڭ ۋاكىلدەرى لي شيانفا، تيان شياڭلي، چىن ۋيجۇن، سارقىت اقان، ۋاڭ ميڭشان، ٴمامتىمىن قادىر، شۋە بين، جين جىجىن، باتۋ، شى گاڭ قاتارلىلار جيىنعا قاتىناستى. جياڭ شينجۇن، دۋ حۇڭيان قاتارلىلار جيىنعا سىرتتاي قاتىناستى.