انار بۇلت \ شينجياڭ گازەتىنىڭ ٴتىلشىسى جاڭ يانفاڭ 3 ـ ايدىڭ 4 ـ كۇنى ۇرىمجىدەن حابارلايدى. 3 ـ ايدىڭ 4 ـ كۇنى اۆتونوميالى رايوننىڭ ”بادىك باسىلىمداردى الاستاپ، زاڭسىز باسىلىمدارعا سوققى بەرۋ“ قىزمەتى ٴماجىلىسى ۇرىمجىدە اشىلدى. اۆتونوميالى رايوندىق پارتكومنىڭ تۇراقتى مۇشەسى، ۇگىت ٴبولىمىنىڭ باستىعى ۋاڭ جيانشين ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: 2024 ـ جىلى تۇتاس رايوننىڭ ”بادىك باسىلىمداردى الاستاپ، زاڭسىز باسىلىمدارعا سوققى بەرۋ“ شەبى شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ماسەلەنى باعدار ەتۋگە تاباندى بولىپ، تومەنگى شەكتە ويلاۋدى بەرىك ورناتىپ، ارناۋلى رەتتەۋ ـ وڭاۋ ارەكەتىن ىشكەرىلەي ورىستەتىپ، زاڭسىز باسىلىمداردىڭ جانە ينفورماتسيالاردىڭ تارالۋىن، كەڭەيۋىن باتىل تەجەپ، بادىك، زاڭسىز باسىلىمدارعا ساياتىن دەلولاردى قاتاڭ تەكسەرىپ ٴبىر جاقتى ەتىپ، ”بادىك باسىلىمداردى الاستاپ، زاڭسىز باسىلىمدارعا سوققى بەرۋ“ قىزمەتىنىڭ تەرەڭدەۋىن، ناقتىلانۋىن بار كۇشپەن ىلگەرىلەتتى.
ٴماجىلىس مىنالاردى باسا دارىپتەدى: 2025 ـ جىل _ ”14 ـ بەسجىلدىق“ جوبا اياقتالاتىن جىل ٴارى اۆتونوميالى رايون قۇرىلعاندىعىنىڭ 70 جىلدىعى. جەر ـ جەر، ورىندار پارتيانىڭ جالپى بەتتىك باسشىلىعىنا اناعۇرلىم سانالى تۇردە تاباندى بولىپ جانە ونى كۇشەيتىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن زەرتتەۋدى تەرەڭدەتىپ، كۇرەسكەرلىك رۋحتى ساۋلەلەندىرۋگە، كۇرەسكەرلىك قابىلەتتى كۇشەيتۋگە تاباندى بولىپ، نازاردى ماڭىزدى، قيىن تۇيىندەرگە شوعىرلاندىرۋعا، مەحانيزمدە، تاسىلدە جاڭالىق اشۋعا تاباندى بولىپ، ٴبىر تۇتاس جوسپارلاپ سايكەستىرۋدى كۇشەيتۋگە، بىرلەسىپ ساقتانۋدى، بىرلەسىپ تىزگىندەۋدى كورنەكتىلەندىرۋگە تاباندى بولىپ، ينفورماتسيالاندىرۋ شارت ـ جاعدايىندا ”بادىك باسىلىمداردى الاستاپ، زاڭسىز باسىلىمدارعا سوققى بەرۋ“ باسقارۋ قابىلەتىن كۇش سالا جوعارىلاتىپ، ٴتۇرلى زاڭسىز، زياندى باسىلىمداردى تاراتۋ قيمىلدارىنا باتىل سوققى بەرىپ، اۆتونوميالى رايون قۇرىلعاندىعىنىڭ 70 جىلدىعىنا تاماشا قوعامدىق راي قالىپتاستىرۋى كەرەك.