جۇڭگو مۇنايى ٴۇرىمجى مۇناي حيمياسى ارەن قۇرىلعىلارىنىڭ قۋاتىن ارتتىرۋ جانە شيكىزاتتى سايكەستى وزگەرتۋ ينجەنەرياسى قاتارلى كەلەلى نىسانداردا قۇرىلىس باستالدى
ما شيڭرۇي قۇرىلىستىڭ باستالعاندىعىن جاريالادى، ەركىن تۇنياز ٴسوز سويلەدى، داي حوۋلياڭ، سۇن يۇي، يان گوچۇن ارناۋ ٴسوز سويلەدى، حى جۇڭيوۋ، جاڭ جۋ قاتىناستى
3 ـ ايدىڭ 22 ـ كۇنى سانجى قالاسىنىڭ تيڭجوۋ ەكولوگيالىق جاسىل اڭعارىندا جۇڭگو جاسىل دامۋعا قارجى قوسۋ شينجياڭ حۋامەي شىڭدي سانجى جينپۋدۇن قوناق سارايى شوعىرى نىسانى جۇمىس باستادى. بۇل نىساننىڭ جالپى يەلەگەن جەر اۋماعى 53.71 مۋ، 2 ميلليارد 400 ميلليون يۋان قارجى قوسىلادى، قۇرىلىس كولەمى 80 مىڭ شارشى مەتر بولىپ، 3 حالىقارالىق قوناق ٴۇي ماركاسىن ەنگىزۋ جوسپارلاندى. نىسان سالىنىپ بولعاننان كەيىن، جەرگىلىكتى ورىننىڭ مادەنيەت ـ ساياحات كاسىپ سالاسىنىڭ ساپاسىن، دارەجەسىن جوعارىلاتۋدى كۇش سالا ىلگەرىلەتەدى.
□ سۋرەتتى حى لۇڭ تۇسىرگەن
انار بۇلت \ شينجياڭ گازەتىنىڭ ٴتىلشىسى لي ياڭ 3 ـ ايدىڭ 22 ـ كۇنى ۇرىمجىدەن حابارلايدى. 3 ـ ايدىڭ 22 ـ كۇنى تۇستەن بۇرىن 2025 ـ جىلعى تۇتاس شينجياڭنىڭ ٴبىرىنشى ماۋسىمداعى كەلەلى نىساندارىنىڭ شوعىرلى قۇرىلىس باستاۋ قيمىلى وتكىزىلدى. اۆتونوميالى رايوندىق پارتكومنىڭ شۋجيى ما شيڭرۇي قۇرىلىستىڭ باستالعاندىعىن جاريالادى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴسوز سويلەدى. جۇڭگو مۇناي ـ تابيعي گاز توبىنىڭ القا باستىعى داي حوۋلياڭ بەينە ەكران ارقىلى ارناۋ ٴسوز سويلەدى، جۇڭگو جاسىل دامۋعا قارجى قوسۋ توبىنىڭ القا باستىعى سۇن يۇي، مەملەكەت ەنەرگيا توبىنىڭ ورىنباسار ديرەكتورى يان گوچۇن ارناۋ ٴسوز سويلەدى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى جاڭ جۋ قيمىلعا قاتىناستى.
سول كۇنى جۇڭگو مۇنايى ٴۇرىمجى مۇناي حيميا ارەن قۇرىلعىلارىنىڭ قۋاتىن ارتتىرۋ جانە شيكىزاتتى سايكەستى وزگەرتۋ ينجەنەرياسى، جاڭادان سالىناتىن جىلىنا 2 ميلليون توننا PTA ٴوندىرۋ نىسانى، جۇڭگو جاسىل دامۋعا قارجى قوسۋ توبى شينجياڭ حۋامەي شىڭدي مادەنيەت ـ ساياحات نىسانى، مەملەكەتتىك ەنەرگيا توبى جۇندۇڭ جىلىنا 2 ميلليارد تەكشەمەتر كومىردەن تابيعي گاز الۋ نىسانى، چارقىلىق - ليڭياڭ (حۋاتۋگوۋ)، چيمان 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى، جۇڭشينجيان ەلەكتر قۋاتى توبى 6 × 660000 كيلوۆاتتىق كومىر ەلەكتر نىسانى، بيڭتۋان 2 ـ شىسى G687 تيەمىنگۋان - ارال تاس جول نىسانى قاتارلى 83 ٴتۇيىندى نىسان شوعىرلى قۇرىلىس باستادى.
قيمىلدا قاتىستى جاۋاپتى جولداستار تۇتاس شينجياڭدا 2025 ـ جىلى قارجى قوساتىن نىسانداردىڭ جاعدايىنان مالىمەت بەردى. 2025 ـ جىلى تۇتاس شينجياڭدا قارجى قوسۋ كولەمى 5 ميلليون يۋاننان جوعارى 12 مىڭ 400 نىساندى اتقارۋ جوسپارلانىپ، جالپى قوسىلاتىن قارجى 6 تريلليون 230 ميلليارد يۋان بولىپ، جىلدىق جوسپار بويىنشا قارجى قوسۋ قارقىنى %10تەن جوعارى بولادى. كەلەلى نىساندار اراسىندا 100 ميلليوننان جوعارى 4300دەن استام نىسان بار. مەجەمەن ٴبىرىنشى ماۋسىمداعى قارجى قوسۋ قارقىنى %15تەن جوعارى بولادى.
شوعىرلى قۇرىلىس باستاۋ قيمىلى بەينە ەكران ارقىلى جۇڭگو مۇنايى ٴۇرىمجى مۇناي حيميا سەرىكتەستىگى، چارقىلىق ونەركاسىپ باقشا رايونى، جۇندۇڭ ەكونوميكالىق ـ تەحنيكالىق اشۋ رايونى، بيڭتۋان جۇندۇڭ كاسىپ سالاسى باقشا رايونى، سايرام كولى كورىنىس اۋماعى، كۇشار قالاسى، تيەمىنگۋان قالاسى قاتارلى نىساننىڭ قۇرىلىس باستاۋ ورىندارىنا جالعاندى. نىسان قۇرىلىسىنا جاۋاپتى ورىنداعى 6 جاۋاپتى جولداس نىسان قۇرىلىسى جالپى جاعدايىنان مالىمەت بەردى.
ەركىن تۇنياز سوزىندە بىلاي دەدى: جەر ـ جەر، تاراۋلار، ورىندار ورتالىقتىڭ ەكونوميكالىق قىزمەت ٴماجىلىسىنىڭ جانە مەملەكەتتىك ەكى ٴماجىلىستىڭ رۋحىن مۇقيات دايەكتىلەندىرىپ، تياناقتاندىرىپ، اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ جانە اۆتونوميالى رايوندىق ەكى ٴماجىلىستىڭ ورنالاستىرۋلارىنا ساي، قايراتتى تاسقىنداتىپ، شىنايى يگەرىپ ناقتى ىستەپ، العاشقى ماۋسىمداعى ”جاقسى باستاما“ ارقىلى ”ماۋسىم سايىن ٴساتتى بولۋدى“ جەبەپ، ”تۇتاس جىل بويى ٴساتتى بولۋعا“ جەتەكشىلىك ەتۋ كەرەك. سەنىمدى، بەكىمدى نىعايتىپ، ”بەس ۇلكەن ستراتەگيالىق ورىندى“ كوزدەپ، ”نىسانداردى بارىنشا يگەرۋ، ٴىرى نىسانداردى يگەرۋ“ جىگەر ـ قايراتىن نىعايتىپ، نىسان قۇرىلىسىنىڭ ”اياق الىسىن“ بار كۇشپەن جەدەلدەتۋ كەرەك. نىسانا ـ مىندەتتەردى كوزدەپ، ٴونىمدى قارجى قوسۋدى كەڭەيتۋدى، نىساندى اتقارۋدى ىلگەرىلەتۋدى كورنەكتى ورىنعا قويىپ، سالالاردىڭ جەتەكشىلىگىن كۇشەيتىپ، اينالىمدى رەتتەۋدى كۇشەيتىپ، ٴتۇرلى قىزمەتتى ەرتە بىتىرۋگە بولاتىندارىن ەرتە ٴبىتىرىپ، تەزدەتۋگە بولاتىندارىن تەزدەتىپ، اپتا سايىن ىلگەرىلەۋ بولۋدى، اي سايىن دامۋشىلىق بولۋدى ورىنداۋ كەرەك. بيڭتۋان مەن جەرگىلىكتى ورىننىڭ سايكەسۋىن كۇشەيتىپ، كەلەلى جاعداي تانىمىن، جالپى جاعداي تانىمىن بەرىك ورناتىپ، بيڭتۋان مەن جەرگىلىكتى ورىن كاسىپ سالاسىنىڭ توعىسا دامۋىنىڭ ساپاسىن ٴوسىرىپ ونىمدىلىگىن جوعارىلاتۋدى، نەگىزدىك قۇرىلعىلاردىڭ ۇلاسۋىن، تۇتاسۋىن، بىرگە قۇراتىن نىسانداردىڭ تياناقتانىپ ونىمدىلىك كورسەتۋىن جەبەۋ كەرەك. ىرىقتىلىقپەن قاداعالاي قىزمەت وتەپ، ”التى كەلەلى ٴتىزىم“، ٴۇش دارەجە بىرلەسىپ ورنالاستىرۋ سياقتى قىزمەت مەحانيزمىن جاپپاي تياناقتاندىرىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋدى تەرەڭدەتىپ، پايدالانىلاتىن جەر، جۇمسالاتىن ەنەرگيا، ىستەتەتىن قىزمەتكەر سياقتى فاكتورلىق قامتاماسىزدىقتى كۇشەيتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن ۇزدىكسىز قالىپتاستىرىپ، ٴتۇرلى كاسىپورىننىڭ شينجياڭعا الاڭسىز تامىر تارتۋىنا، الاڭسىز قارجى قوسۋىنا، ٴساتتى دامۋىنا مۇمكىندىك جاساۋ كەرەك. قىزىل سىزىقتى، تومەنگى شەكتى ساقتاپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، اۋىر، ەرەكشە اۋىر ٴوندىرىس حاۋىپسىزدىگى شىرعالاڭدارىنىڭ تۋىلۋىنان باتىل ساقتانۋ جانە ونى تەجەۋ كەرەك. ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ـ ۇيرەنۋ تاربيەسىن ورىستەتىپ، كوز الداعى پايداعا جۇگىرۋدى، كوزسىزدىكپەن البارىندى بولۋدى باتىل تەجەۋ كەرەك.
داي حوۋلياڭ ارناۋ سوزىندە مىنالاردى ٴبىلدىردى: جۇڭگو مۇناي ـ تابيعي گاز توبى ەل ىشىندەگى ەڭ ۇلكەن جالپىلىق سيپاتتى حالىقارالىق ەنەرگيا جانە حيميا ونەركاسىبى سەرىكتەستىگى رەتىندە، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، نازاردى جوعارى ساپالى دامۋ سىندى ماڭداي الدى مىندەتكە شوعىرلاندىرىپ، كەلەلى قارجى قوسۋ نىساندارىن تۇتقا ەتىپ، شينجياڭداعى ەنەرگيا جانە حيميا ونەركاسىبى كاسىپ سالاسى تىزبەگى ورنالاسىمىن ۇزدىكسىز كەمەلدەندىرىپ، اۆتونوميالى رايوننىڭ كاسىپ سالاسىنىڭ دارەجەسىن جوعارىلاتۋدى ىلگەرىلەتۋگە، ەكونوميكالىق، قوعامدىق دامۋدى جەبەۋگە جانە حالىق تۇرمىسىن جاقسارتۋعا بەلسەندى ۇلەس قوسادى.
سۇن يۇي ارناۋ سوزىندە مىنالاردى ٴبىلدىردى: جۇڭگو جاسىل دامۋعا قارجى قوسۋ سەرىكتەستىگى اۆتونوميالى رايوننىڭ ”ون ٴىرى كاسىپ سالاسى شوعىرىن“ جەدەل قۇرۋ جونىندەگى ورنالاستىرۋدى، تالاپتى مۇقيات تياناقتاندىرىپ، كاسىپورىنداردىڭ جوعارى ساپالى دامۋىن جەبەيتىن ”ٴبىرىنشى ٴنومىرلى ينجەنەريانى“ تاباندىلىقپەن تۇلعالاپ، جاڭاشا ەلەكتر جۇيەسىندەگى ۇلگى ينجەنەريانى قۇرىپ، مادەنيەت ـ ساياحاتتىڭ قارقىنىن تەزدەتىپ دارەجەسىن جوعارىلاتۋدى ىلگەرىلەتۋدىڭ باقىت ينجەنەرياسىن تۇلعالاپ، شينجياڭ ەرەكشەلىگىنە جانە باسىمدىعىنا يە وسى زامانعى كاسىپ سالاسى جۇيەسىن قۇرۋدا الدا ٴجۇرىپ ونەگە كورسەتىپ، شينجياڭنىڭ ەكونوميكاسىمەن، قوعامىمەن بىرگە دامىپ، بىرگە گۇلدەنەدى.
يان گوچۇن ارناۋ سوزىندە مىنالاردى ٴبىلدىردى: مەملەكەتتىك ەنەرگيا توبى مەملەكەت جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ ىشكەرىلەي ٴتۇسىنىپ، شينجياڭداعى كەلەلى نىسان قۇرىلىستارىن جەدەل ىلگەرىلەتىپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسا دامۋىن جەدەلدەتىپ، شينجياڭداعى جوعارى ساپالى دامۋ قىزمەت مەحانيزمىن جەدەل كەمەلدەندىرىپ، ٴبىر توپ سارا ينجەنەريانى، ۇلگىلى ينجەنەريانى تۇلعالاپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن جەبەۋگە تىڭ ۇلەس قوسادى.
چىن ۋيجۇن باسقاردى، قادەن كابەن، شۋە بين، ۋاڭ گاڭ، جۋ ليفان، جين جىجىن، حا زىڭيوۋ قاتىناستى. جۇڭگو مۇناي ـ تابيعي گاز توبىنداعى، مەملەكەتتىك ەنەرگيا توبىنداعى، جۇڭگو جاسىل دامۋعا قارجى قوسۋ توبىنداعى قاتىستى جاۋاپتى جولداستار، اۆتونوميالى رايونداعى، بيڭتۋانداعى جانە ورتالىقتىڭ شينجياڭدا تۇراتىن قاتىستى ورىندارىنداعى، كاسىپورىندارىنداعى نەگىزگى جاۋاپتى جولداستار، ٴارقايسى ايماق، وبلىس، قالالارداعى جانە بيڭتۋاننىڭ ٴارقايسى شىلارىنداعى، قالالارىنداعى پارتكوم مەن ۇكىمەتتىڭ نەگىزگى جاۋاپتى جولداستارى، قاتىستى تاراۋلارداعى، شينجياڭعا كومەكتەسۋ قولباسشىلىق شتابىنداعى جانە قاتىستى كاسىپورىندارداعى جاۋاپتى جولداستار قيمىلعا قاتىناستى.