ما شيڭرۇي اۆتونوميالى رايوندىق پارتكوم قازىنا ـ ەكونوميكا كوميتەتىنىڭ ٴماجىلىسىن باسقارىپ اشتى
مەملەكەتتىڭ ەنەرگيا بايلىعى حاۋىپسىزدىگىن قامتاماسىز ەتۋ قابىلەتىن ۇزدىكسىز جوعارىلاتىپ، شينجياڭنىڭ ەرەكشەلىككە، باسىمدىققا يە كاسىپ سالاسىنىڭ دامۋىن ىلگەرىلەتۋدە تىڭ ىلگەرىلەۋشىلىككە، تىڭ ونىمدىلىككە قول جەتكىزۋ كەرەك
ەركىن تۇنياز، حى جۇڭيوۋ، جاڭ جۋ قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 25 ـ كۇنى ۇرىمجىدەن حابارلايدى. اۆتونوميالى رايوندىق پارتكوم قازىنا ـ ەكونوميكا كوميتەتى 3 ـ ايدىڭ 25 ـ كۇنى ٴماجىلىس اشىپ، باس شۋجي شي جينپيڭنىڭ مەملەكەتتىڭ ەنەرگيا بايلىعى حاۋىپسىزدىگىن قامتاماسىز ەتۋ جونىندەگى ماڭىزدى بايىمداۋى مەن ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، مەملەكەتتىڭ ەنەرگيا حاۋىپسىزدىگى مەن شەشۋشى كەن بايلىعى حاۋىپسىزدىگىن قامتاماسىز ەتۋ سياقتى قىزمەتتەردى اقىلداسىپ ورنالاستىردى، اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم قازىنا ـ ەكونوميكا كوميتەتىنىڭ مەڭگەرۋشىسى ما شيڭرۇي ٴماجىلىستى باسقاردى ٴارى ٴسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى جاڭ جۋ ماجىلىسكە قاتىناستى.
ماجىلىستە قاتىستى جولداستار اۆتونوميالى رايوننىڭ كەن بايلىعىن بارلاۋ، اشۋ، اۆتونوميالى رايوننىڭ كومىر، كەن اۋماعىن جالپى تۇلعالىق جوسپارلاۋ جانە كومىردىڭ ساپالى ٴوندىرىس قۋاتىن ۇزدىكسىز جارىققا شىعارۋ، وڭتۇستىك، سولتۇستىك شينجياڭداعى تابيعي گاز ارقىلى حالىققا تيىمدىلىك جەتكىزۋ قۇبىرىن كەڭەيتىپ سالۋ ينجەنەريا قۇرىلىسى، رايونىمىزعا قاراستى مەملەكەت مەنشىگىندەگى كاسىپورىنداردىڭ وڭتۇستىك شينجياڭنىڭ جوعارى ساپالى دامۋىنا كۇش ۇستەۋ جاعدايى جونىندە جەكە ـ جەكە مالىمەت بەردى.
ما شيڭرۇي بىلاي دەپ اتاپ كورسەتتى: پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى مەملەكەتتىڭ دامۋى مەن حاۋىپسىزدىگى ستراتەگيالىق بيىگىنەن ەنەرگيانىڭ جوعارى ساپالى دامۋىن جانە كەن بايلىعىن بارلاۋدى، اشۋدى ىلگەرىلەتۋ جونىندە ٴبىر قىدىرۋ ماڭىزدى بايىمداۋ جاساپ جانە ماڭىزدى نۇسقاۋ بەرىپ، جاڭا داۋىردە مەملەكەتتىڭ ەنەرگيا بايلىعى حاۋىپسىزدىگىن قامتاماسىز ەتۋ قىزمەتىنە ايقىن العا باسۋ بەتالىسىن كورسەتتى، ٴتۇبىرلى بويسۇنۋ ولشەمىن ازىرلەدى. باس شۋجي شي جينپيڭ جانە پارتيا ورتالىق كوميتەتى شينجياڭنىڭ باسىمدىعىن، كومەسكى كۇشىن ساۋلەلەندىرۋىنە، مەملەكەتتىڭ جالپى جاعدايىنا قىزمەت وتەۋىنە زور ٴۇمىت ارتتى، شينجياڭعا مەملەكەتتىك ەنەرگيا بايلىعى ستراتەگيالىق قامتاماسىزدىق بازاسىن تۇلعالاۋ ماڭىزدى ورنىن بەردى. ٴبىز ىقىلاستى تاپسىرمانى ەستە بەرىك ساقتاپ، ”مەملەكەتتىڭ زور ٴىسىن“ كوكەيدە ساقتاپ، شينجياڭنىڭ مۇناي ـ گاز، كومىر، كەن سياقتى بايلىعى مەن كاسىپ سالاسىنىڭ مەملەكەتتىڭ ەكونوميكالىق كەلەلى جاعدايىنداعى ماڭىزدى رولىن ٴتىپتى دە ويداعىداي ساۋلەلەندىرىپ، جۇڭگو ۇلگىسىندەگى وسىزامانداندىرۋ قۇرىلىسىنا حاۋىپسىز، سەنىمدى ەنەرگيا بايلىعى قامتاماسىزدىعىن ازىرلەۋىمىز كەرەك.
ما شيڭرۇي بىلاي دەپ باسا دارىپتەدى: ساياسي دەڭگەيدى ونان ارى جوعارىلاتىپ، ستراتەگيالىق تانىمدى، جۇيەلى ويلاۋدى كۇشەيتىپ، نىسانالى تۇردە ىستەۋگە، دالمە ـ ٴدال كۇش سالۋعا تاباندى بولىپ، ونان ارى يدەيانى ازات ەتىپ، رەفورما جاساپ جاڭالىق اشىپ، جاڭا كەزەكتى كەن ىزدەۋدە تىڭ تابىسقا جەتۋ ستراتەگيالىق ارەكەتىن جەدەل اتقارىپ، ٴتۇيىندى ەنەرگيا مەن ستراتەگيالىق كەن بايلىعىن بارلاۋ ـ تەكسەرۋ، اشۋ جاعىندا كەلەلى قامال الۋدى جۇزەگە اسىرۋعا قۇلشىنىپ، مەملەكەت ستراتەگياسىنا ٴتىپتى دە جاقسى قىزمەت وتەپ جانە ونى قامتاماسىز ەتىپ، شينجياڭنىڭ بايلىق باسىمدىعىن رەال وندىرگىش كۇشكە شىن مانىندە اينالدىرۋ كەرەك.
ما شيڭرۇي بىلاي دەپ باسا دارىپتەدى: شينجياڭنىڭ كومىر بايلىعىن اشۋ كومەسكى كۇشى اسا زور، دامۋ بولاشاعى نۇرلى. كومىردەن تازا، جوعارى ٴونىمدى پايدالانۋ سياقتى كەلەلى ورنالاستىرۋدى ارقاۋ ەتىپ، عىلمي جوبانى بولجامپازدىقپەن، جاسامپازدىقپەن جاقسى جاساپ، كومىر كەنىن ورنالاستىرۋدى ونان ارى ساپالىلاندىرىپ، بايلىقتى اشۋ مەن ەكولوگيانى قورعاۋدىڭ قاتىناسىن شىندىقتى ٴىس جۇزىنەن ىزدەي وتىرىپ ويداعىداي ٴبىر جاقتى ەتىپ، وزىق ٴوندىرىس قۋاتىن ۇزدىكسىز جارىققا شىعارۋ كەرەك. كومىردى سول جەردىڭ وزىندە كادەگە جاراتۋ مولشەرى مەن پايدالانۋ قۋاتىن جوعارىلاتىپ، كومىردەن مۇناي ـ گاز الۋ سياقتى ٴتۇيىندى نىسانداردىڭ ەرتەرەك تياناقتانىپ ونىمدىلىك كورسەتۋىن ىلگەرىلەتىپ، سىرتقا جەتكىزۋ ارناسى قۇرىلىسىن جەدەلدەتىپ، سىرتقا جەتكىزۋ كولەمىن ۇزدىكسىز ۇلعايتۋ كەرەك. ٴوندىرىس حاۋىپسىزدىگىن تيتتەي دە بوساڭسىماي جاقسى يگەرىپ، كومىر كەنىنىڭ زەردەلىلەنۋ، ادام كۇشىن قاجەت ەتپەۋ، اۆتوماتتانۋ قۇرىلىسىن بەلسەندى ىلگەرىلەتىپ، ماندىك حاۋىپسىزدىك دەڭگەيىن جوعارىلاتۋ كەرەك.
ما شيڭرۇي بىلاي دەپ باسا دارىپتەدى: وڭتۇستىك، سولتۇستىك شينجياڭداعى تابيعي گاز ارقىلى حالىققا تيىمدىلىك جەتكىزۋ قۇبىرىن كەڭەيتىپ سالۋ ينجەنەرياسى — شينجياڭنىڭ جوعارى ساپالى دامۋىنا ساياتىن كەلەلى ستراتەگيالىق، نەگىزدىك ينجەنەريا، ەكونوميكانىڭ دامۋى، قالا ـ قالاشىقتاندىرۋ قۇرىلىسى، ەكولوگيالىق وركەنيەت قۇرىلىسى سياقتىلار جونىنەن ماڭىزى زور. عىلمي جوسپارلاۋدى كۇشەيتىپ، قامداۋ ـ قاجەتسىنۋ بەتالىسىن يگەرىپ، نەگىزگى تور قۇرىلىسىن ساپالىلاندىرۋعا كۇش سالىپ، بولاشاقتى كوزدە ۇستاۋعا، بولاشاق دامۋعا جەتكىلىكتى مۇمكىندىك قالدىرۋعا باسا ٴمان بەرۋ كەرەك. جەر ـ جەر ىرىقتىلىقپەن جاۋاپكەرشىلىك ارقالاپ ىسكەرلىك كورسەتىپ، قالالاردىڭ جانار گاز قۇبىر تورى جوبا قۇرىلىسى تەبىنىن ارتتىرىپ، قامتۋدى، ۇزارتۋدى جانە ۇلاستىرۋدى، ەنگىزۋدى بەلسەنە ىلگەرىلەتىپ، حالىققا تيىمدىلىك جاساۋدىڭ، حالىققا پايدا جەتكىزۋدىڭ ”ەڭ سوڭعى ٴبىر كيلومەترىن“ كۇش سالا اشۋى كەرەك.
ما شيڭرۇي بىلاي دەپ باسا دارىپتەدى: ەرەكشەلىككە، باسىمدىققا يە كاسىپ سالاسىن جەتىلدىرۋ، زورايتۋ — وڭتۇستىك شينجياڭ سىندى ”شاحمات كوزىن“ جانداندىرۋداعى، قوعام ورنىقتىلىعى مەن باياندى تىنىشتىقتى ىلگەرىلەتۋدەگى شەشۋشى سيپاتتى شارا. اۆتونوميالى رايوندىق پارتكومنىڭ وڭتۇستىك شينجياڭنىڭ كاسىپ سالاسى دامۋىن ىلگەرىلەتۋدە كەلەلى ناتيجەگە قول جەتكىزۋ جونىندەگى ورنالاستىرۋلارىنا، تالاپتارىنا ساي، اۆتونوميالى رايونعا قاراستى مەملەكەت مەنشىگىندەگى كاسىپورىنداردىڭ بەلسەندىلىگىن، ىرىقتىلىعىن تولىق جۇمىلدىرىپ، وڭتۇستىك شينجياڭنىڭ بايلىق ارتىقشىلىعىن تياناق ەتىپ، ٴبىر توپ كەلەلى نىساندى دالمە ـ ٴدال جوبالاپ اتقارىپ، ٴتۇرلى كاسىپورىنداردى قارجى قوسىپ شارۋاشىلىقتارىن گۇلدەندىرۋگە جەتەكتەپ، جۇمىستاندىرىپ كىرىستى ارتتىرۋدى، جۇرت تىلەگىن ۇيىستىرۋدى ٴونىمدى جەبەۋ كەرەك. مەملەكەت مەنشىگىندەگى كاسىپورىندارداعى جاۋاپتى جولداستار جاۋاپكەرشىلىك ارقالاپ ىسكەرلىك كورسەتىپ، ىرىقتىلىقپەن يگەرىپ، ٴوزى باستاپ ىستەپ، كاسىپورىننىڭ وڭتۇستىك شينجياڭنىڭ جوعارى ساپالى دامۋىنا قىزمەت وتەۋدە جاڭا ىلگەرىلەۋشىلىككە قول جەتكىزۋىن جەبەۋى كەرەك.
ما شيڭرۇي بىلاي دەپ باسا دارىپتەدى: كەزەكتە شينجياڭنىڭ جوعارى ساپالى دامۋى كوپتەگەن تاپتىرمايتىن بەلسەندى فاكتور مەن ٴتيىمدى شارت ـ جاعدايعا ٴدوپ كەلىپ وتىر. سەنىمدى، بەكىمدى نىعايتىپ، ستراتەگيالىق تاباندىلىقتى ساقتاپ، ەكونوميكانىڭ، قوعامنىڭ تۇتاس جىلدىق دامۋ نىسانا ـ مىندەتتەرىن كوزدەپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴتىپتى دە جاقسى ٴبىر تۇتاس جوسپارلاپ، ”ون ٴىرى كاسىپ سالاسى شوعىرى“ قۇرىلىسىن تەزدەتىپ، مۇناي ـ گاز قورىن مولايتىپ ٴونىمىن ارتتىرۋ، كومىردەن تازا، جوعارى ٴونىمدى پايدالانۋ، كەن بايلىعىن اشۋ، تازا ەنەرگيا قۇرىلىسى سياقتى ٴتۇيىندى مىندەتتەردە تىڭ ناتيجەلەرگە قول جەتكىزۋدى ىلگەرىلەتىپ، ٴونىمدى قارجى قوسۋدى بار كۇشپەن ۇلعايتىپ، كەلەلى نىسان قۇرىلىستارىنىڭ ساپاسى مەن ونىمدىلىگىن جوعارىلاتىپ، كوپ ٴتۇرلى شارانى قاتار قولدانىپ تۇتىنۋدىڭ كولەمىن كەڭەيتىپ، ساپاسىن جوعارىلاتۋدى ىلگەرىلەتىپ، سىرتقى ساۋدانىڭ ورنىقتى ارتۋىن جەبەپ، ٴتۇيىندى سالاداعى حاۋىپ ـ قاتەرلەر مەن كومەسكى كىناراتتاردان ٴونىمدى ساقتانىپ جانە ونى جويىپ، ەكونوميكالىق ارتۋدىڭ جاڭا ٴورىسىن كەڭەيتۋگە قۇلشىنىپ، ”15 ـ بەسجىلدىق“ جوباداعى نىسانا ـ مىندەتتەردى تابىستى ورىنداۋعا شىنايى كەپىلدىك ەتۋ كەرەك.
تيان شياڭلي، چىن ۋيجۇن، ەلزات احمەتجان، قادەن كابەن، ۋاڭ لين، اۆتونوميالى رايوندىق پارتكوم قازىنا ـ ەكونوميكا كوميتەتىنىڭ مۇشەلەرى جانە مۇشە ورىندارداعى جاۋاپتى جولداستار ماجىلىسكە قاتىناستى. ٴبىر ٴبولىم ايماق، وبلىس، قالالارداعى جاۋاپتى جولداستار بەينە ەكران فورماسىمەن قاتىناستى.