انار بۇلت \ شينجياڭ گازەتىنىڭ ٴتىلشىسى لي شيڭ 3 ـ ايدىڭ 25 ـ كۇنى ۇرىمجىدەن حابارلايدى. اۋا ساپاسىن ۇزدىكسىز جاقسارتۋ ٴۇشىن، شينجياڭ اتموسفەرانىڭ لاستانۋىن وڭاۋدان ”ٴتورت ماۋسىم قامال الۋ“ ارەكەتىن اتقارىپ، PM2 .5 قويۋلىعىن اناعۇرلىم تومەندەتەدى، وزوننىڭ لاستانۋىن سايكەستى مەڭگەرۋگە اناعۇرلىم ٴمان بەرىپ، وڭاۋ ونىمدىلىگىن بەكەمدەيدى، كەڭەيتەدى.
2024 ـ جىلى تيانشاننىڭ سولتۇستىك بوكتەرىندەگى قالالار شوعىرىنىڭ تاماشا كۇن سانى جيىنى 234 كۇنگە كوبەيىپ، تاماشا كۇن سانىنىڭ جوعارىلاۋ سالىستىرماسى تۇتاس رايوننىڭ ورتاشا دەڭگەيىنەن 0.4 پايىز كوپ بولدى؛ وڭىرلەردىڭ، قالالاردىڭ اۋىر لاستانعان كۇن سانى زور مولشەردە تومەندەپ، جيىنى 129 كۇنگە ازايىپ، تەڭ جارىمعا جۋىق ازايدى. ەكولوگيالىق ورتا مينيسترلىگىنىڭ 2 ـ ايداعى داعدىلى اقپار جاريالاۋ ماجىلىسىندەگى حابارلاندىرۋىندا كورسەتىلۋىنشە، شينجياڭنىڭ PM 2.5 قويۋلىعىنىڭ تومەندەۋ مولشەرى ەڭ زور بولىپ، %14.9 تومەندەپ، بۇكىل ەلدەگى 6 اتموسفەرانىڭ لاستانۋىنان ساقتانۋ جانە ونى وڭاۋ بويىنشا بىرلەسىپ ساقتانۋ، بىرلەسىپ تىزگىندەۋ وڭىرلەرى اراسىندا 1 ـ ورىندا تۇرعان. اسىرەسە، بيىل 1 ـ، 2 ـ ايدا 2021 ـ جىلدان بەرى تۇراقتى اۋا رايىنىڭ جالعاسۋ ۋاقىتى ەڭ ۇزاق بولۋ سىندى ايرىقشا ٴتيىمسىز اۋا رايى شارت ـ جاعدايىنا ٴدوپ كەلگەندە، اۋىر لاستانعان كۇن سانى بۇرىنعىداي 2.3 پايىز تومەندەدى.
2025 ـ جىلى بەلگىلەنگەن نىسانانى ورىنداۋ ٴۇشىن، شينجياڭ قازىرگى قولداعى ناتيجەنى بار كۇشپەن ساقتاۋ نەگىزىندە، وڭىردەگى تۇتاس جىلداعى تاماشا كۇن سانى سالىستىرماسىن %81تەن جوعارى ەتىپ تۇراقتاندىرۋعا، اۋىر لاستانعان كۇن سانى سالىستىرماسىن %5 ىشىندە تىزگىندەۋگە، PM2.5تى 39 ميكروگرام تەكشەمەتر ىشىندە تىزگىندەۋگە قۇلشىندى.
”ٴتورت ماۋسىم قامال الۋ“ ارەكەتىن اتقارۋ ارقىلى شينجياڭ 2025 ـ جىلدىڭ سوڭىنان بۇرىن وڭىرلەردىڭ لاستانۋ قاينارىنىڭ نەگىزىن انىقتاپ، 2026 ـ جىلدىڭ سوڭىندا ٴبىر توپ ٴونىمدى ناتيجەنىڭ تياناقتانۋىن جەدەلدەتۋگە كۇش سالادى؛ بولات ـ تەمىر، كوكستەندىرۋ، ەلەكتروليزدىك اليۋمين سياقتى كاسىپ سالاسىنىڭ ٴوندىرىس قۋاتىن اۋىستىرۋ ساياساتىن قاتاڭ تياناقتاندىرىپ، مەشەۋ ٴوندىرىس قۋاتىن زاڭ بويىنشا، بەلگىلەمە بويىنشا، تارتىپپەن قاتاردان قالدىرادى؛ 2025 ـ جىلدىڭ سوڭىنان بۇرىن سەمەنت، كوكستەندىرۋ كاسىبىنىڭ ونىمدىلىك ولشەمدى دەڭگەيىندەگى ٴوندىرىس قۋاتى سالىستىرماسىن %30كە جەتكىزۋگە كۇش سالىپ، ونىمدىلىك نەگىزدىك ولشەم دەڭگەيىنەن تومەن ٴوندىرىس قۋاتىن نەگىزىنەن جويۋدى جۇزەگە اسىرادى؛ ٴتۇيىندى كاسىپتەردەگى VOCsدى (بۋلانعىش ورگانيكالىق زات) ىشكەرىلەي وڭاپ، وڭىردەگى 86 ٴتۇيىندى كاسىپورىننىڭ ”ٴبىر كاسىپورىنعا ٴبىر شارا“ بويىنشا 162 ٴتۇرلى لاستانۋدى وڭاۋ نىسانىن ۇزدىكسىز ىلگەرىلەتەدى.