اۆتونوميالى رايوندىق حالىق قۇرىلتايى تۇراقتى كوميتەتى تۇراقتى كوميتەت ماجىلىسىنە سىرتتاي قاتىناسقان ۋاكىلدەر اڭگىمە ٴماجىلىسىن اشتى
ۋاكىلدەر قىزمەتىنىڭ جوعارى ساپالى دامۋىن زاڭمەن باسقارۋ ارناسىندا ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ لەي، پراكتيكانت لين شياڭچىڭ 3 ـ ايدىڭ 25 ـ كۇنى ۇرىمجىدەن حابارلايدى. 3 ـ ايدىڭ 24 ـ كۇنى تۇستەن كەيىن اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 19 ـ رەتكى ماجىلىسىنە سىرتتاي قاتىناسقان ۋاكىلدەر اڭگىمە ٴماجىلىسى اشىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ماجىلىسكە قاتىناستى ٴارى ٴسوز سويلەدى.
”مەملەكەتتىك ەكى ٴماجىلىس رۋحىن ىشكەرىلەي ۇيرەنىپ، جەتە ٴتۇسىنىپ، مىندەت اتقارۋ نەگىزىن بەكەمدەيمىز“، ”ۋاكىلدەر زاڭىن مۇقيات ۇيرەنىپ، ۋاكىلدەردىڭ رولىن اناعۇرلىم ويداعىداي ساۋلەلەندىرىپ، جوعارى ساپالى ۇسىنىس جوبا، ۇسىنىس قويامىز“، ”جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، ۇگىت، ۇگىت لەكسيانى كەڭ كولەمدە ورىستەتەمىز“... ماجىلىستە مەملەكەتتىك جانە اۆتونوميالى رايوندىق حالىق قۇرىلتايىنىڭ 8 ۋاكىلى ٴسوز سويلەپ، باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن ۇيرەنۋدى، دايەكتىلەندىرۋدى، اۆتونوميالى رايوندىق پارتكومنىڭ ورنالاستىرۋلارىن، تالاپتارىن دايەكتىلەندىرۋدى، تياناقتاندىرۋدى ارقاۋ ەتىپ، دامۋدى ىلگەرىلەتۋ، ورنىقتىلىقتى قورعاۋ، بۇقاراعا قىزمەت وتەۋ سياقتى قىزمەتتەردە ۋاكىلدەردىڭ رولىن اناعۇرلىم ويداعىداي ساۋلەلەندىرىپ، تاجىريبە اۋىستىرىپ اسەرلەرىن ٴبولىستى. سىرتتاي قاتىناسقان 12 ۋاكىل جازباشا پىكىر اۋىستىردى. ٴزۇمىرات وبۇل كوپشىلىكتىڭ پىكىر ـ ۇسىنىسىن مۇقيات زەرتتەپ، بەلسەنە قابىلدايتىندىقتارىن نەمەسە قاتىستى تاراۋلاردىڭ اقىلداسىپ بىتىرۋىنە جولدايتىندىقتارىن ٴبىلدىردى.
ۋاكىلدەر زاڭىن ەگجەي ـ تەگجەيلى تۇسىندىرگەننەن كەيىن، ٴزۇمىرات وبۇل بىلاي دەپ اتاپ كورسەتتى: ۋاكىلدىك زاڭى _ حالىق قۇرىلتايى ۋاكىلدەرىنىڭ قىزمەت ۇقىعىن زاڭ بويىنشا اتقارۋىن، ۋاكىلدىك بورىشىن وتەۋىن، ۋاكىلدىك رولىن ساۋلەلەندىرۋىن جۇيەگە تۇسىرەتىن جانە قامتاماسىز ەتەتىن نەگىزدىك زاڭ. جاڭادان وزگەرىس ەنگىزىلگەن ۋاكىلدەر زاڭىن ويداعىداي ۇيرەنۋ، ۇگىتتەۋ، ويداعىداي دايەكتىلەندىرۋ، اتقارۋ _ كەزەكتەگى جانە الداعى ٴبىر مەزگىلدەگى كەلەلى ساياسي مىندەت. ”ەكىنى تۇراقتاندىرۋدى“ تاباندىلىقپەن قولداۋ، ”ەكىنى قورعاۋدى“ باتىل ورىنداۋ ساياسي دەڭگەيىنەن باس شۋجي شي جينپيڭنىڭ ۋاكىلدەر قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، ۋاكىلدەر زاڭىنا وزگەرىس ەنگىزۋدىڭ قاجەتتىلىگى مەن كەلەلى ٴمانىن جەتە تانىپ، تەرەڭ ٴتۇسىنىپ، يدەيا مەن ارەكەتتى باس شۋجي شي جينپيڭنىڭ ۋاكىلدەر قىزمەتى جونىندەگى جاڭا ۇستانىمىمەن، جاڭا تۇجىرىمىمەن، جاڭا تالابىمەن شىن مانىندە بىرلىككە كەلتىرىپ، جاڭادان وزگەرىس ەنگىزىلگەن ۋاكىلدەر زاڭىن وسكەلەڭ جاۋاپكەرشىلىك سەزىممەن، بورىشتىلىق سەزىممەن ويداعىداي دايەكتىلەندىرىپ، اتقارىپ، جاڭا داۋىردەگى حالىق قۇرىلتايى ۋاكىلدەر قىزمەتىنىڭ جوعارى ساپالى دامۋىن زاڭمەن باسقارۋ ارناسىندا ىلگەرىلەتۋ كەرەك.
ٴزۇمىرات وبۇل بىلاي دەپ باسا دارىپتەدى: ۋاكىلدەر زاڭىنىڭ وزەكتى ٴمانىن، ايقىن ەرەكشەلىگىن جانە امالياتتىق تالابىن دالمە ـ ٴدال يگەرىپ، ۇيرەنە ٴجۇرىپ ۇعىنۋعا، اۋىتقۋلاردى تۇزەتۋگە تاباندى بولىپ، باعداردى مىقتى يگەرىپ، قۇلشىنا ۇيرەنىپ، شىنايى اتقارىپ كوكەيگە ۇيالاتۋدى، ٴىس ـ ارەكەتتە ايگىلەۋدى شىنىمەن ورىنداپ، زاڭ بويىنشا مىندەت وتەۋ نەگىزگى ونەرىن شىن مانىندە جاقسى جەتىلدىرۋ كەرەك. ساياسي تانىمدى باستان ـ اياق بەرىك ورناتىپ، ساياسي جاۋاپكەرشىلىكتى باتىل ارقالاپ، زاڭدا بەلگىلەنگەن ۇقىق شەگىمەن تىعىز ۇشتاستىرىپ، زاڭدا بەلگىلەنگەن ٴتارتىپ بويىنشا، زاڭ بويىنشا مىندەت اتقارىپ، جاۋاپكەرشىلىك ارقالاپ، سويلەگەن ٴسوزى ساپالى، ۇسىنىسى قۇندى، قىزمەتى قۋاتتى بولۋدى ىسكە اسىرىپ، ەرەجەگە، تارتىپكە بويسۇنۋ، ٴىس تىندىرىپ ناتيجە شىعارۋ بارىسىندا جاۋاپكەرشىلىك ارقالاپ ىسكەرلىك كورسەتۋدى ايگىلەۋ كەرەك. ”حالىق“ دەگەن ٴسوزدى باستان ـ اياق مىندەت وتەۋدىڭ تۇتاس بارىسىمەن ساباقتاستىرىپ، ۋاكىلدەر زاڭىندا ايقىندالعان، زاڭدا بەلگىلەنگەن قىزمەت جاۋاپكەرشىلىگىن سانالىلىقپەن امالياتتا ايگىلەپ، بەلسەندى تۇردە ساياساتتى ۇگىتتەۋشى، قايشىلىقتى جاراستىرۋشى، بۇقاراعا قىزمەت وتەۋشى بولىپ، ۋاكىلدەر زاڭىنىڭ ۇلگىلى اتقارۋشىسى جانە ادال امالياتتا ايگىلەۋشىسى بولۋعا ۇمتىلۋ كەرەك.
لي نيڭپيڭ اڭگىمە ٴماجىلىسىن باسقاردى.