انار بۇلت \ شينجياڭ گازەتىنىڭ ٴتىلشىسى جاڭ لەي 3 ـ ايدىڭ 25 ـ كۇنى ۇرىمجىدەن حابارلايدى. 3 ـ ايدىڭ 25 ـ كۇنى اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 34 ـ رەتكى ٴتوراعالار ٴماجىلىسى اشىلدى، ٴماجىلىس باس شۋجي شي جينپيڭنىڭ جۋىق مەزگىلدەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جەتكىزدى، ۇيرەندى، دايەكتىلەندىردى، اۆتونوميالى رايوندىق پارتكومنىڭ، ۇكىمەتتىڭ نەگىزگى باسشىلارىنىڭ باستاماشىلدىقپەن 2025 ـ جىلعى ٴتۇيىندى ۇسىنىس جوبالاردى قۋزاپ ٴبىتىرۋ قىزمەتى سياقتىلاردى اقىلداستى. اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن ٴماجىلىستى باسقاردى ٴارى ٴسوز سويلەدى.
نۇرلان ٴابىلماجىن بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، جەتە ٴتۇسىنىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ساياسي كەڭەس قىزمەتىن ٴبىر تۇتاس مەڭگەرۋدىڭ جالپى باعدارلاماسى ەتۋگە تاباندى بولىپ، پارتيانىڭ حالىق ساياسي كەڭەسىنە جالپى بەتتىك باسشىلىعىنا تاباندى بولىپ، ”ەكىنى تۇراقتاندىرۋدىڭ“ شەشۋشى ٴمانىن جەتە ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ ساياسي كەڭەستە تياناقتانىپ تامىر تارتۋىن ۇزدىكسىز ىلگەرىلەتۋ كەرەك. ”ٴبىرىنشى كەڭەستىك تاقىرىپ“ تۇزىمىنە تاباندى بولۋ مەن ساياسي كەڭەستىڭ مىندەت وتەۋىن تىعىز ۇشتاستىرىپ، ”نەنى تەكسەرىپ ـ زەرتتەسە سونى ۇيرەنۋگە، نەنى كەڭەسسە سونى ۇيرەنۋگە، نەنى باقىلاسا سونى ۇيرەنۋگە“ تاباندى بولىپ، ۇيرەنۋ ونىمدىلىگىن جۇرت تىلەگىن ۇيىستىرۋ، ورتاق تانىم ۇيىستىرۋ، اقىل ـ پاراساتتى ۇيىستىرۋ، كۇش ـ قۋاتتى ۇيىستىرۋ قىزمەتىن جاقسى ىستەۋدىڭ قابىلەت ونەرىنە جانە ناقتى ارەكەتىنە شىن مانىندە اينالدىرىپ، زەيىن ـ زەردەنى شوعىرلاندىرىپ كۇش ـ قۋاتتى ۇيىستىرۋدىڭ، شەشىم جاساۋعا اقىل ـ كەڭەس بەرۋدىڭ، كەڭەستىك دەموكراتيانىڭ، نەگىزگى ساتىنى باسقارۋدىڭ كوشباسشىسى بولۋعا تالپىنۋ كەرەك.
نۇرلان ٴابىلماجىن بىلاي دەپ اتاپ كورسەتتى: سوڭعى جىلدارى اۆتونوميالى رايوندىق ساياسي كەڭەس ”پارتكومنىڭ، ۇكىمەتتىڭ نەگىزگى باسشىلارى باستاماشىلدىقپەن بىتىرۋگە قۋزاعان ٴتۇيىندى ۇسىنىس جوبالار“ قىزمەت وتەۋ ماركاسىن دەن قويا سومداپ، بۇكىل رايونداعى ٴار دارەجەلى پارتكومدارداعى، ۇكىمەتتەردەگى نەگىزگى جاۋاپتى جولداستاردىڭ ساياسي كەڭەس ٴتۇيىندى ۇسىنىس جوبالارىن قۋزاپ ٴبىتىرۋ قىزمەتىنىڭ تولىق قامتۋىن ىلگەرىلەتىپ، اۆتونوميالى رايوندىق پارتكومنىڭ شەشىمدەرىنىڭ، ورنالاستىرۋلارىنىڭ ساياسي كەڭەستىڭ ۇسىنىس جوبالارىندا تولىق ايگىلەنۋىنە، قىزمەت بارىسىندا جاپپاي تياناقتانۋىنا شىنايى كەپىلدىك ەتتى. پارتيانىڭ ۇسىنىس جوبا قىزمەتىنە جالپى بەتتىك باسشىلىعىن ونان ارى كۇشەيتىپ، اۆتونوميالى رايوندىق پارتكومنىڭ وزەكتى قىزمەتىمەن تىعىز بايلانىستىرىپ، ٴتۇيىندى ۇسىنىس جوبا قىزمەتى مەحانيزمىندە جاڭالىق اشىپ، ونى كەمەلدەندىرىپ، ساپاعا باسا ٴمان بەرىپ، دەر كەزىندە قاداعالاپ، وسى ەرەكشە مىندەت وتەۋ ماركاسىن ايشىقتاپ، ٴتۇزىم باسىمدىعىن باسقارۋ ونىمدىلىگىنە شىن مانىندە اينالدىرىپ، كورىكتى شينجياڭ قۇرىلىسىنا اناعۇرلىم ويداعىداي قىزمەت وتەۋ كەرەك.
ٴماجىلىس اۆتونوميالى رايوندىق پارتكومنىڭ، ۇكىمەتتىڭ نەگىزگى باسشىلارىنىڭ، ساياسي كەڭەس ٴتوراعاسىنىڭ، پارتكومنىڭ ورىنباسار شۋجيلەرىنىڭ جانە پارتكومنىڭ تۇراقتى مۇشەلەرىنىڭ 2025 ـ جىلعى ٴتۇيىندى ۇسىنىس جوبالاردى باستاماشىلدىقپەن قۋزاپ ٴبىتىرۋ جوباسىن قاراپ ماقۇلدادى. ٴتۇيىندى ۇسىنىس جوبالار پارتكومنىڭ، ۇكىمەتتىڭ ٴتۇيىندى قىزمەتتەرىمەن جانە قوعام نازار اۋدارىپ وتىرعان قولامتالى تۇيىندەرمەن تىعىز بايلانىسقان، ول جۇڭحۋا ۇلتى ورتاق تۇلعا تانىمىن بەكەمدەۋ، ىشكى سۇرانىستى كەڭەيتىپ تۇتىنۋدى جەبەۋ، ەسەپتەۋ قۋاتى كاسىپ سالاسىنىڭ دامۋىن جەدەلدەتۋ، باسىمدىققا يە ەنەرگيا بايلىعى كومەسكى كۇشىن جارىققا شىعارۋ، جاڭا ماتەريالدار كاسىپ سالاسىنىڭ جوعارى ساپالى دامۋىن ىلگەرىلەتۋ سياقتىلارعا سايادى.
اۆتونوميالى رايوندىق ساياسي كەڭەستىڭ ورىنباسار ٴتوراعالارى جاروللا يسامدين، كۇڭ شيڭلۇڭ، نۇرىم سىمايىلقان، ازەز مۇسا، ليۋ حۇيجۇن، شۇي شيان ـ ي، باس حاتشى رىن چىڭ ماجىلىسكە قاتىناستى.