ەركىن تۇنياز سانجى وبلىسىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
مىقتى يگەرىپ جەدەل ىستەپ، الدىڭعى جارتـى جىلداعى نىسانا ـ مىندەتتەردى باتىل ورىنداۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 6 ـ ايدىڭ 10 ـ كۇنى ماناستان حابارلايدى. 6 ـ ايدىڭ 8 ـ كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز سانجى حۇيزۋ اۆتونوميالى وبلىسىنىڭ ماناس اۋدانىنا بارىپ، اۋىل شارۋاشىلىعى، اۋىل ـ قىستاق، شارۋالار قىزمەتى، اۋىل ـ قىستاقتى گۇلدەندىرۋ، ونەركاسىپ ەكونوميكاسى، بيڭتۋان مەن جەرگىلىكتى ورىننىڭ توعىسۋى سياقتىلارعا تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق پارتكومنىڭ تالابى بويىنشا، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، يدەيانى ونان ارى ازات ەتىپ، مىقتى يگەرىپ جەدەل ىستەپ، الدىڭعى جارتى جىلداعى نىسانا ـ مىندەتتەردى باتىل ورىنداپ، بۇكىل رايوننىڭ دامۋ كەلەلى جاعدايىنا كوبىرەك ۇلەس قوسۋ كەرەك.
ماناس اۋدانى لوتو ـ ي قالاشىعى ليۋشۋجۋاڭ قىستاعىندا ەركىن تۇنياز قىستاقتىڭ بەت ـ بەينەسىن ەگجەي ـ تەگجەيلى تەكسەرىپ كورىپ، وسى قىستاقتىڭ نەگىزدىك قۇرىلعىلار قۇرىلىسى، كوللەكتيۆ ەكونوميكانىڭ دامۋى، كاسىپ سالاسىن گۇلدەندىرۋ سياقتىلاردى سول ورىندا ۇعىستى ٴارى ەگىنشىلەردىڭ وتباسىنا بارىپ، بۇقارامەن اڭگىمە دۇكەن قۇرىپ، كىرىستەرىن ەسەپتەستى. ول مىنالاردى ٴبىلدىردى: كاسىپ سالاسىن گۇلدەندىرۋ — اۋىل ـ قىستاقتى گۇلدەندىرۋدەگى ەڭ ماڭىزدى جۇمىس، قىستاق پارتيا ياچەيكاسىنىڭ جاۋىنگەر قورعاندىق رولىن تولىق ساۋلەلەندىرىپ، كاسىپ سالاسى نىساندارىن دامىتۋدى جەدەل ىلگەرىلەتىپ، قىستاق كوللەكتيۆ ەكونوميكاسى سىندى ”بالكۇلشەنى“ ۇلكەيتىپ، ٴتۇرلى شارالاردى قولدانىپ ەگىنشىلەردىڭ كىرىسىن ارتتىرىپ، قىستاق كوللەكتيۆىنىڭ، قىستاق تۇرعىندارىنىڭ بىرگە بايۋىن جۇزەگە اسىرۋ كەرەك.
ەركىن تۇنياز ماقتا جوعارى ولشەمدى ۇلگى كورسەتۋ اتىزىنا بارىپ، ماقتانىڭ ٴوسۋ جاعدايىن تەكسەرىپ، جەردى اينالىمعا سالۋ، وزىندىك قۇن ونىمدىلىگى، ەگىس جارعاقتارىن جيىپ الۋ سياقتى جاعدايلاردى ۇعىستى؛ ماناس اۋداندىق سيفرلى اۋىل شارۋاشىلىعىن باسقارۋ، قىزمەت وتەۋ ورتالىعىنا بارىپ، زەردەلى قۇرال ـ جابدىقتاردى زەرتتەپ اشۋ جانە ودان پايدالانۋ، زەردەلى ەگىنجاي قۇرىلىسى سياقتىلاردى ۇعىستى. ول مىنالاردى ٴبىلدىردى: عىلىم ـ تەحنولوگيادا جاڭالىق اشۋدى كۇشەيتىپ، اۋىل شارۋاشىلىعىن عىلىم ـ تەحنولوگيامەن قاناتتاندىرىپ، سيفرلى اۋىل شارۋاشىلىعىن جوعارى ولشەمدى ەگىنجاي قۇرىلىسىمەن ۇشتاستىرىپ، ٴبىر توپ تەحنولوگيا تىرەكتى كادرلارىن جەدەل باۋلىپ، كوشىرىپ پايدالانۋعا، جالپىلاستىرۋعا بولاتىن، ونىمدىلىگىن كورەتىن اناعۇرلىم كوپ تاجىريبەلەردى قالىپتاستىرىپ، بۇكىل رايوندا ۇلگىلىك، جەتەكشىلىك اسەر قالىپتاستىرۋ كەرەك.
شينجياڭ جيارۇن بايلىق جارنا تىزگىندەۋ سەرىكتەستىگىندە ەركىن تۇنياز ٴوندىرىس سەحىن ارالاپ، ەلەكتروليزدى اليۋمين ٴوندىرۋ جاعدايىن تەكسەرىپ، ٴوندىرىس تەحنولوگياسى، شيكىزات، ەلەكتر باعاسى سياقتىلاردى ۇعىسىپ، كاسىپورىننىڭ قيىنشىلىقتارىن، تالاپ ـ تىلەگىن تىڭدادى. ول مىنالاردى ٴبىلدىردى: بازار ورايىن مىقتى يگەرىپ، تىڭنان ارتقان ٴوندىرىس قۋاتىنىڭ تياناقتانۋىن جەبەپ، ٴوندىرىستى جەدەلدەتىپ، جاڭا تەحنولوگيادان پايدالانىپ ەنەرگيا ۇنەمدەپ، قۇراۋدى ازايتىپ، ەكولوگيانى قورعاۋدىڭ قىزىل سىزىعىن جانە ٴوندىرىس حاۋىپسىزدىگىنىڭ تومەنگى شەگىن باتىل، ويداعىداي ساقتاۋ كەرەك.
شينجياڭ سىيايۋان شارۋاشىلىق شەكتى سەرىكتەستىگىندە ەركىن تۇنياز بىلاي دەدى: شينجياڭ ماقتا جانە توقىماشىلىق، كيىم ـ كەشەك تۇتاس كاسىپ سالاسى تىزبەگىن دامىتۋدى بار كۇشپەن ىلگەرىلەتۋدە. كاسىپورىننىڭ سەنىمدى بەكەمدەپ، ورايدى مىقتى يگەرىپ، ٴتۇرلى قولداۋ ساياساتىنان تولىق، ويداعىداي پايدالانىپ، ماقتانى سول جەردىڭ وزىندە كادەگە جاراتۋ مولشەرىن جوعارىلاتۋىن ٴۇمىت ەتەمىن. شينجياڭ نۇڭفۋ بازاسى ماناس ازىق ـ تۇلىك شەكتى سەرىكتەستىگىندە ول بىلاي دەپ اتاپ كورسەتتى: ونىمدەردى زەرتتەۋ ـ اشۋ سەرپىنىن كۇشەيتىپ، شينجياڭ ەرەكشەلىگىنە جانە باسەكەلىك قۋاتقا يە اناعۇرلىم مول جاڭا ونىمدەردى شىعارىپ، ورتا ازيا سياقتى توڭىرەكتەگى ەلدەردىڭ بازارىنا بەلسەنە ٴورىس اشۋ كەرەك.
شىحىزى - ماناس بيڭتۋان مەن جەرگىلىكتى ورىننىڭ توعىسا دامۋى سىناق رايونىندا ەركىن تۇنياز مىنالاردى اتاپ كورسەتتى: رەفورما جاساۋ وي جەلىسى ارقىلى بيڭتۋان مەن جەرگىلىكتى ورىننىڭ كاسىپ سالاسى باقشا رايونىن بىرگە قۇرۋ، كاسىپ سالاسى تىزبەگىن سايكەستى ٴتۇيىلىستىرۋ، بىرلەسىپ ساۋداگەر شاقىرۋ سياقتىلاردى زور كۇشپەن ىلگەرىلەتىپ، بيڭتۋان مەن جەرگىلىكتى ورىندى توعىستىرۋدىڭ اناعۇرلىم كوپ جاڭا ۇلگىسى جونىندە ىزدەنىس جاساۋ كەرەك.
تەكسەرۋ ـ زەرتتەۋ بارىسىندا ەركىن تۇنياز بىلاي دەپ باسا دارىپتەدى: سانجى وبلىسى كەزەكتەگى ەكونوميكالىق اينالىم جاعدايىمەن ۇشتاستىرىپ، كومەسكى كۇشتەردى اشۋ جاعىنا كۇش سالىپ، جاڭا كۇش سالۋ ٴتۇيىنىن، ارتۋ ٴتۇيىنىن، تىرەك ٴتۇيىنىن تابۋى كەرەك. ەكونوميكاعا تالداۋ جاساۋدى، ورنالاستىرۋدى، تۇجىرىم جاساۋدى كۇشەيتىپ، شارۋاشىلىق ـ ساۋدا ورتاسىن ۇزدىكسىز ساپالىلاندىرىپ، ٴتۇرلى كاسىپورىنداردى ٴوندىرىس قۋاتىن تولىق قاۋلاتۋعا جەتەكتەپ، جۇمىستاندىرۋدى ورنىقتىرۋعا، كاسىپورىندى ورنىقتىرۋعا، بازاردى ورنىقتىرۋعا، مەجەنى ورنىقتىرۋعا كۇش سالۋ كەرەك. اۋىل شارۋاشىلىعىندا قۋاتتى وبلىس ۇلگىلىك رولىن ساۋلەلەندىرىپ، اۋىل شارۋاشىلىعىن ەرەكشەلەندىرە، كولەمدەندىرە، ماركالاندىرا دامىتۋدى ٴبىر تۇتاس جوسپارلاپ ىلگەرىلەتۋ قاجەت. ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن تىڭعىلىقتى ورىستەتىپ، كادرلاردىڭ ستيلىندە ىشكەرىلەي بۇرىلىس جاساپ، ٴىس تىندىرىپ ناتيجە شىعارۋدىڭ تاماشا رايىن قالىپتاستىرۋ كەرەك.