انار بۇلت \ شينجياڭ گازەتىنىڭ ٴتىلشىسى فان چيۇڭيان 6 ـ ايدىڭ 17 ـ كۇنى قارامايلىدان حابارلايدى. 6 ـ ايدىڭ 17 ـ كۇنى 4 ـ رەتكى شاڭحاي سەلبەستىك ۇيىمىنا مۇشە ەلدەر ينفورماتسيا ـ حابارلاسۋ تەحنولوگياسىن دامىتۋ تاراۋلارى جاۋاپتىلارىنىڭ ٴماجىلىسى قارامايلى قالاسىندا وتكىزىلدى. ماجىلىستە «شاڭحاي سەلبەستىك ۇيىمىنا مۇشە ەلدەردىڭ سيفرلانۋعا قاراي تيپ جاڭالاۋ ارەكەت جوسپارى» ماقۇلدانىپ، كەلەسى رەتكى ٴماجىلىستىڭ قىرعىزستاندا وتكىزىلەتىندىگى تۇراقتاندىرىلدى.

　　ونەركاسىپ جانە ينفورماتسيالاندىرۋ مينيسترلىگىنىڭ ورىنباسار مينيسترى شيۇڭ جيجۇن، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ٴتوراعاسى ٴيۇسۇپجان مامەت، شاڭحاي سەلبەستىك ۇيىمىنىڭ ورىنباسار باس حاتشىسى جانەش كان ماجىلىسكە قاتىناستى ٴارى ارناۋ ٴسوز سويلەدى.

　　ماجىلىستە شاڭحاي سەلبەستىك ۇيىمىنا مۇشە ەلدەردىڭ قاتىستى تاراۋلارىنىڭ، قاتىستى تىلدەسۋ سەرىكتەرىنىڭ ۋاكىلدەرى ارقاۋ ٴسوز سويلەدى، تاراپتار سيفر جانە ينفورماتسيا ـ حابارلاسۋ تەحنولوگياسى سالاسىنىڭ بولاشاقتاعى سەلبەستىكتە الدىمەن ويلاستىرىلاتىن بەتالىسىن ارقاۋ ەتىپ ىشكەرىلەي تالقى جۇرگىزدى. ماجىلىسكە قاتىناسقان ەلدەر ٴبىر اۋىزدان ”شاڭحاي رۋحىن“ ۇستانىپ، سيفر جانە ينفورماتسيا ـ حابارلاسۋ تەحنولوگياسى سالاسىنداعى سەلبەستىكتە ٴۇرتىس جاڭا ونىمدىلىكتى قولعا كەلتىرۋدى ىلگەرىلەتۋدى قالايتىندىقتارىن ٴبىلدىردى.

　　باياندى دامۋدى ىلگەرىلەتۋ، وسىزامانداندىرۋدى جۇزەگە اسىرۋدى جەدەلدەتۋ — شاڭحاي سەلبەستىك ۇيىمىنداعى ەلدەردىڭ ورتاق نىساناسى. جۇڭگو جاق مىنالاردى اتاپ كورسەتتى: جۇڭگو سيفرلانا، تورلانا، زەردەلىلەنە دامۋ كەلەلى جاعدايىن بەلسەندى يگەرىپ، سيفرلى ەكونوميكا مەن ناقتى ەكونوميكانىڭ ىشكەرىلەي توعىسۋىن ىلگەرىلەتىپ، سيفرلانۋعا قاراي تيپ جاڭالاۋ ارقىلى باياندى دامۋعا قۋات ۇستەيتىن جۇڭگو جولىمەن ٴجۇردى. جۇڭگو جاق ٴارقايسى جاقپەن قول ۇستاسا بىرگە ىلگەرىلەپ، مەحانيزم قۇرىلىسى جاعىنان شاڭحاي سەلبەستىك ۇيىمىنداعى ەلدەر سەلبەستىگىنىڭ ساپاسىنىڭ جوعارىلاۋىن، دارەجەسىنىڭ ٴوسۋىن جەبەپ، ساياسات اۋىس ـ كۇيىسىن كۇشەيتىپ، سيفر جانە ينفورماتسيا ـ حابارلاسۋ تەحنولوگياسى سالاسىنداعى ناقتى ىستەر سەلبەستىگىن تەرەڭدەتىپ، كاسىپ سالاسىنىڭ تيبىن جاڭالاپ دارەجەسىن وسىرۋىنە قۋات ۇستەپ، سيفرلاندىرۋدىڭ پايداسىنان بىرگە يگىلىكتەنىپ، اناعۇرلىم تەڭ، جالپىعا ٴتيىمدى، سيىسىمدى سيفر الەمىن قۇرىپ، شاڭحاي سەلبەستىك ۇيىمى تاعدىرلاس ورتاق تۇلعاسىن قۇرۋعا كۇش قوسۋدى قالايدى.

　　سايكەستى قيمىل رەتىندە، جۇڭگو - شاڭحاي سەلبەستىك ۇيىمى سيفر تەحنولوگياسى سەلبەستىگىن دامىتۋ تالقى مىنبەرى ٴبىر ۋاقىتتا وتكىزىلىپ، شاڭحاي سەلبەستىك ۇيىمىنداعى ەلدەردىڭ سيفرلى ەكونوميكا سالاسىنداعى سەلبەستىگىن تەرەڭدەتۋ جونىندە ٴتورت ٴتۇرلى باستاما ورتاعا قويىلدى.

جالعانىم