ورتالىقتىڭ قالا قىزمەتى ٴماجىلىسى بەيجيڭدە وتكىزىلدى
شي جينپيڭ ماڭىزدى ٴسوز سويلەدى، لي چياڭ قورىتىندى ٴسوز سويلەدى، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي ماجىلىسكە قاتىناستى
7 ـ ايدىڭ 14 ـ كۇنىنەن 15 ـ كۇنىنە دەيىن ورتالىقتىڭ قالا قىزمەتى ٴماجىلىسى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماجىلىسكە قاتىناستى ٴارى ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
شينحۋا اگەنتتىگىنىڭ 7 ـ ايدىڭ 15 ـ كۇنى بەيجيڭنەن بەرگەن حابارى. ورتالىقتىڭ قالا قىزمەتى ٴماجىلىسى 7 ـ ايدىڭ 14 ـ كۇنىنەن 15 ـ كۇنىنە دەيىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماجىلىسكە قاتىناستى ٴارى ماڭىزدى ٴسوز سويلەدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي ماجىلىسكە قاتىناستى.
شي جينپيڭ ماڭىزدى سوزىندە جاڭا داۋىردەن بەرگى ەلىمىز قالالارىنىڭ دامۋ تابىستارىن قورىتىندىلاپ، قالا قىزمەتى ٴدوپ كەلگەن جاعدايعا تالداۋ جاساپ، قالا قىزمەتىن ويداعىداي ىستەۋدىڭ جالپى تۇلعالىق تالابىن، ماڭىزدى پرينسيبىن، ٴتۇيىندى مىندەتىن ايقىندادى. لي چياڭ قورىتىندى ٴسوز سويلەپ، باس شۋجي شي جينپيڭنىڭ ماڭىزدى ٴسوزىنىڭ رۋحىن دايەكتىلەندىرۋ، تياناقتاندىرۋ، قالا قىزمەتىن اناعۇرلىم ويداعىداي ىستەۋ جونىندە ناقتى ورنالاستىرۋ جاسادى.
ٴماجىلىس مىنالاردى اتاپ كورسەتتى: پارتيا 18 ـ قۇرىلتايىنان بەرى، پارتيا ورتالىق كوميتەتى جاڭا جاعدايدا ەلىمىزدەگى قالالاردىڭ دامۋ زاڭدىلىعىن ىشكەرىلەي يگەرىپ، پارتيانىڭ قالا قىزمەتىنە جاپپاي باسشىلىعىنا تاباندى بولىپ، حالىق قالاسىن حالىق قۇرۋعا، حالىق قالاسى حالىقتى كوزدەۋگە تاباندى بولىپ، قالانى ورگانيكالى تىرشىلىك تۇلعاسى رەتىندە جۇيەلى جوسپارلاۋعا تاباندى بولىپ، قالا دامۋىن ىلگەرىلەتۋدە تاريحي سيپاتتى تابىسقا قول جەتكىزدى، ەلىمىزدىڭ جاڭاشا قالا ـ قالاشىقتاندىرۋ دەڭگەيى جانە قالا دامۋ قابىلەت دارەجەسى، جوبالاۋ، قۇرۋ، باسقارۋ دەڭگەيى، كاسىپكە قولايلى، قونىسقا جايلى بولۋ دەڭگەيى، تاريحي مادەنيەتتى قورعاۋ، جالعاستىرۋ دەڭگەيى، ەكولوگيالىق ورتا ساپاسى زور دارەجەدە جوعارىلادى.
ٴماجىلىس مىنالاردى باسا دارىپتەدى: كەزەكتەگى جانە بۇدان بىلايعى ٴبىر مەزگىلدەگى قالا قىزمەتىنىڭ جالپى تۇلعالىق تالابى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ قالا قىزمەتى جونىندەگى ماڭىزدى بايىمداۋلارىن جاپپاي دايەكتىلەندىرىپ، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، حالىق قالاسى ۇستانىمىن مۇقيات امالياتتا ايگىلەپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جەرگىلىكتى جاعدايعا قاراي ىستەۋگە، تۇرگە ايىرىپ جەتەكشىلىك ەتۋگە تاباندى بولىپ، جاڭاشىل، قونىسقا جايلى، كوركەم، سەرپىمدى، وركەنيەتتى، زەردەلى وسىزاماندانعان حالىق قالاسىن قۇرۋدى نىسانا، قالانىڭ جوعارى ساپالى دامۋىن ىلگەرىلەتۋدى نەگىزگى تاقىرىپ، قالانىڭ ماندىك دامۋىنا تاباندى بولۋدى نەگىزگى جەلى، قالانىڭ جاڭالانۋىن ىلگەرىلەتۋدى ماڭىزدى تۇتقا ەتىپ، قالا قۇرىلىمىن ساپالىلاندىرۋدى، قوزعالىس قۋاتىن اۋىستىرۋدى، ساپاسىن جوعارىلاتۋدى، جاسىل تيپ جاڭالاۋدى، مادەنيەت تامىرىن جالعاستىرۋدى، باسقارۋ ونىمدىلىگىن ارتتىرۋدى بار كۇشپەن ىلگەرىلەتىپ، قالا حاۋىپسىزدىگى تومەنگى شەگىن مىقتاپ ساقتاپ، جۇڭگوشا قالانى وسىزامانداندىرۋ جاڭا جولىن اشۋ.
ٴماجىلىس مىنالاردى اتاپ كورسەتتى: ەلىمىزدە قالا ـ قالاشىقتاندىرۋ تەز قارقىنمەن ارتۋ مەزگىلىنەن ورنىقتى دامۋ مەزگىلىنە قاراي بۇرىلىس جاساپ، قالانىڭ دامۋى زور كولەمدە مولشەرىن ارتتىرۋ، كەڭەيتۋ كەزەڭىنەن ىركىندى مولشەرىنىڭ ساپاسىن جوعارىلاتۋ، ونىمدىلىگىن ارتتىرۋدى نەگىز ەتۋ كەزەڭىنە قاراي بۇرىلىس جاساۋدا. قالا قىزمەتىندە جاعداي وزگەرىسىن تەرەڭ يگەرىپ، ىرىقتىلىقپەن ۇيلەسىپ، قالا دامۋ ۇستانىمىندا بۇرىلىس جاساپ، ادامدى نەگىز ەتۋگە اناعۇرلىم باسا ٴمان بەرۋ؛ قالا دامۋ تاسىلىندە بۇرىلىس جاساپ، شوعىرلى، جوعارى ٴونىمدى بولۋعا اناعۇرلىم باسا ٴمان بەرۋ؛ قالا دامۋ قوزعاۋشى كۇشىندە بۇرىلىس جاساپ، ەرەكشەلىككە يە دامۋعا اناعۇرلىم باسا ٴمان بەرۋ؛ قالا قىزمەتىنىڭ وزەكتى تۇيىنىندە بۇرىلىس جاساپ، باسقارۋ ۇسىنىلىمىنا اناعۇرلىم باسا ٴمان بەرۋ؛ قالا قىزمەتى ادىسىندە بۇرىلىس جاساپ، ٴبىر تۇتاس جوسپارلاپ سايكەستىرۋگە اناعۇرلىم باسا ٴمان بەرۋ كەرەك.
ٴماجىلىس قالا قىزمەتىنىڭ 7 جاقتاعى ٴتۇيىندى مىندەتىن ورنالاستىردى. ٴبىرىنشى، وسىزاماندانعان قالا جۇيەسىن ساپالىلاندىرۋعا كۇش سالۋ. قالانىڭ جان سانى جانە ەكونوميكالىق، قوعامدىق دامۋداعى جالپىلىق كوتەرىمدىلىك قۋاتىن جوعارىلاتۋدى كوزدەپ، شوعىرلانعان، تورلانعان وسى زامانعى قالا شوعىرىن جانە ورتالىق قالا شەڭبەرىن دامىتىپ، اۋدان ورتالىعىن ماڭىزدى دانەكەر ەتكەن قالا ـ قالاشىقتاندىرۋ قۇرىلىسىن تۇرگە ايىرىپ ىلگەرىلەتىپ، اۋىل شارۋاشىلىعىنان وزگە سالاعا ويىسقان جان سانىن قالا تۇرعىنىنا اينالدىرۋدى ۇزدىكسىز ىلگەرىلەتىپ، ٴىرى، ورتا، شاعىن قالا جانە شاعىن قالا ـ قالاشىقتىڭ سايكەستى دامۋىن جەبەپ، قالا مەن اۋىلدىڭ توعىسا دامۋىن جەبەۋ. ەكىنشى، ومىرشەڭ كۇشكە باي جاڭاشىل قالا قۇرۋعا كۇش سالۋ. جاڭالىق اشۋ ەكولوگياسىن دەن قويا جەتىلدىرىپ، جاڭاشا وندىرگىش كۇشتەردى دامىتۋ جاعىندا ۇزدىكسىز تىڭ ناتيجەگە قول جەتكىزۋ؛ رەفورما جاساۋعا، ەسىك اشۋعا سۇيەنىپ قالانىڭ قوزعالىس قۋاتىن كۇشەيتىپ، قالانى جاڭالاۋدى جوعارى ساپالى ورىستەتىپ، قالانىڭ ەل ٴىشى، حالىقارا سىندى قوس اينالىمداعى توراپتىق رولىن تولىق ساۋلەلەندىرۋ. ٴۇشىنشى، جايلى، قولايلى، قونىسقا جايلى قالا قۇرۋعا كۇش سالۋ. جان سانىن، كاسىپ سالاسىن، قالا ـ قالاشىقتى، قاتىناستى ٴبىر تۇلعالى جوبالاۋعا تاباندى بولىپ، قالانىڭ كەڭىستىك قۇرىلىمىن ساپالىلاندىرۋ؛ قورا ـ جاي كاسىبىن دامىتۋ جاڭا ۇلگىسىن جەدەل قۇرىپ، قالا ىشىندەگى قىستاقتاردى جانە قاتەرلى، كونە ۇيلەردى جاڭالاۋدى ورنىقتى ىلگەرىلەتۋ؛ تۇرمىستىق قىزمەت وتەۋ كاسىبىن بار كۇشپەن دامىتىپ، الەۋمەتتىك قىزمەت وتەۋ دەڭگەيىن جوعارىلاتىپ، حالىق تۇرمىسى تومەنگى شەگىن مىقتاپ ساقتاۋ. ٴتورتىنشى، جاسىل، تومەن كومىر قىشقىل گازدى كوركەم قالا قۇرۋعا كۇش سالۋ. ەكولوگيالىق ورتانى وڭاۋ ونىمدىلىگىن بەكەمدەپ، اناعۇرلىم ٴونىمدى شارا قولدانىپ قالا اتموسفەراسىن وڭاۋ، اۋىز سۋ قاينارىن قورعاۋ، جاڭا بىلعانىش زاتتاردى باسقارۋ سياقتى جاقتارداعى ماسەلەلەردى شەشىپ، لاستانۋدى ازايتۋ، كومىر قىشقىل گازىنىڭ شىعارىلۋىن تومەندەتۋ، جاسىل جامىلعىنى كەڭەيتۋ جاعىندا سايكەسە ونىمدىلىكتى ارتتىرۋدى ىلگەرىلەتىپ، قالاداعى ورگانيزمدەردىڭ الۋان تۇرلىلىگىن جوعارىلاتۋ. بەسىنشى، حاۋىپسىز، سەنىمدى بولعان سەرپىمدى قالا قۇرۋعا كۇش سالۋ. قالا نەگىزدىك قۇرىلعىلارى سىندى جان تامىر حاۋىپسىزدىك ينجەنەريا قۇرىلىسىن ىلگەرىلەتىپ، ەسكى، كونە قۇبىر لەنيالارىن جاڭالاۋدى، دارەجەسىن جوعارىلاتۋدى جەدەلدەتۋ؛ اسا بيىك قاباتتى قۇرىلىستاردى قاتاڭ شەكتەپ، تۇرعىن ٴۇي حاۋىپسىزدىگىن قامتاماسىز ەتۋ دەڭگەيىن جاپپاي جوعارىلاتۋ؛ قالالاردا جاراتىلىستىق اپاتتان ساقتانۋ ـ تىزگىندەۋدى كۇشەيتىپ، قالالاردا تاسقىننان ساقتانۋ جۇيەسىن جانە سۋ باسۋدى وڭاۋدى ٴبىر تۇتاس جوسپارلاۋ؛ قوعام اماندىعى بويىنشا تۇتاس تۇلعالىق ساقتانۋ ـ تىزگىندەۋدى كۇشەيتىپ، قالالاردىڭ الەۋمەتتىك حاۋىپسىزدىگىن شىنايى قورعاۋ. التىنشى، ٴمورالدى ارداقتاپ، ىزگىلىككە تالپىناتىن وركەنيەتتى قالا قۇرۋعا كۇش سالۋ. تاريحي مادەنيەتتى قورعاۋ، جالعاستىرۋ جۇيەسىن كەمەلدەندىرىپ، قالا كەلبەتىن باسقارۋ ٴتۇزىمىن كەمەلدەندىرىپ، قالانىڭ وزگەشە تاريحي مادەنيەت تامىرىن، گۋمانيتارلىق جاعراپياسىن، جاراتىلىستىق كورىنىستەرىن قورعاۋ؛ قالالاردىڭ مادەنيەت جۇمساق كۇشى قۇرىلىسىن كۇشەيتىپ، قالا تۇرعىندارىنىڭ وركەنيەت ساپاسىن جوعارىلاتۋ. جەتىنشى، قولايلى، جوعارى ٴونىمدى زەردەلى قالا قۇرۋعا كۇش سالۋ. پارتيا قۇرىلىسى ارقىلى جەتەكشىلىك ەتۋگە تاباندى بولىپ، قالانى زاڭمەن باسقارۋعا تاباندى بولىپ، قالا باسقارۋ ۇستانىمىندا، ۇلگىسىندە، تاسىلىندە جاڭالىق اشىپ، قالا تۇرعىندارىنا قىزمەت وتەۋ ىستىق لەنياسى سياقتى مەحانيزمنەن ويداعىداي پايدالانىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن جوعارى ونىمدىلىكپەن شەشۋ.
ٴماجىلىس مىنالاردى باسا دارىپتەدى: وسىزاماندانعان حالىق قالاسىن قۇرۋدا، ٴسوز جوق، پارتيانىڭ قالا قىزمەتىنە جالپى بەتتىك باسشىلىعىن كۇشەيتۋ كەرەك. باسشىلىق ٴتۇزىلىسىن جانە قىزمەت مەحانيزمىن اناعۇرلىم اقاۋسىزداندىرىپ، قالا ساياساتىنىڭ سايكەستىلىگىن كۇشەيتىپ، ٴار جاقتىڭ اتقارۋ قابىلەتىن كۇشەيتۋ كەرەك. دۇرىس ناتيجە كوزقاراسىن ورناتىپ جانە امالياتتا ايگىلەپ، قالانىڭ دامۋىن باعالاۋدىڭ عىلمي جۇيەسىن ورناتىپ، اقاۋسىزداندىرىپ، قالا قىزمەتى قوسىنىنىڭ ساپاسى مەن قابىلەت قۇرىلىسىن كۇشەيتىپ، قالىڭ پارتيا مۇشەسى مەن كادردى ٴىس تىندىرىپ ناتيجە شىعارۋعا، جاۋاپكەرشىلىك ارقالاپ ىسكەرلىك كورسەتۋگە جىگەرلەندىرۋ كەرەك. شىندىقتى ٴىس جۇزىنەن ىزدەۋگە، شىندىققا جۇگىنىپ ناقتى ىستەۋگە تاباندى بولىپ، فورماشىلدىققا، تورەشىلدىككە باتىل قارسى تۇرۋ كەرەك.
ٴماجىلىس مىنالاردى اتاپ كورسەتتى: باس شۋجي شي جينپيڭنىڭ ماڭىزدى ٴسوزى قالانى دامىتۋ كىم ٴۇشىن بولادى، كىمگە سۇيەنۋ جانە قانداي قالا قۇرۋ، قالانى قالاي قۇرۋ سياقتى كەلەلى نازاريالىق جانە امالياتتىق ماسەلەلەرگە عىلمي جاۋاپ بەردى، جاڭا داۋىردەگى جاڭا جورىقتا قالا قىزمەتىن ويداعىداي ىستەۋگە ٴتۇبىرلى بويسۇنۋ ولشەمىن ازىرلەدى، ونى مۇقيات ۇيرەنىپ، ٴتۇسىنىپ، قاز ـ قالپىندا تياناقتاندىرۋدى ويداعىداي يگەرۋ كەرەك. ەلىمىزدىڭ قالانى دامىتۋىنىڭ تاريحي ورنىن ىشكەرىلەي يگەرىپ، اناعۇرلىم كەڭ كوز ايامەن قالا قىزمەتىن ويداعىداي ىستەۋ؛ وسىزاماندانعان حالىق قالاسىن قۇرۋدىڭ نىساناسىن، ورنىن ىشكەرىلەي يگەرىپ، حالىقتى وزەك ەتكەن دامۋ يدەياسىن سانالىلىقپەن امالياتتا ايگىلەۋ؛ قالانىڭ ماندىك دامۋىنىڭ ستراتەگيالىق بەتالىسىن ىشكەرىلەي يگەرىپ، اناعۇرلىم باعىتتامالى تۇردە قالانىڭ دامۋ ساپاسىن جوعارىلاتۋ؛ قالانىڭ دامۋ قوزعاۋشى كۇشىن، ومىرشەڭ كۇشىن كۇشەيتۋدىڭ ىشكى تالابىن ىشكەرىلەي يگەرىپ، رەفورما جاساۋ، جاڭالىق اشۋ كەلەلى ٴىسىن ويداعىداي ىستەۋ؛ قالا قىزمەتىنىڭ جۇيەلىلىگىن، كۇردەلىلىگىن ىشكەرىلەي يگەرىپ، ٴتۇرلى مىندەت ورنالاستىرۋىن تياناقتاندىرۋ قابىلەتىن كۇش سالا جوعارىلاتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار، ت. ب ماجىلىسكە قاتىناستى.
ٴارقايسى ولكە، اۆتونوميالى رايون، توتە قاراستى قالا جانە شينجياڭ ٴوندىرىس ـ قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار جانە قالا قىزمەتىن باسقارۋعا جاۋاپتى جولداستار، جوسپارى بولەك جاسالاتىن قالالاردىڭ، ولكەلەردىڭ ورتالىق قالالارىنىڭ، قاتىستى ايماق دارەجەلى قالالاردىڭ پارتكومدارىنداعى نەگىزگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق باسقاراتىن ٴىشىنارا فينانس قۇرىلىمدارىنداعى، كاسىپورىندارداعى جانە جوعارى مەكتەپتەردەگى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى نەگىزگى جاۋاپتى جولداستار، ت. ب ماجىلىسكە قاتىناستى.