چىن شياۋجياڭ ٴۇرىمجى قالاسىندا جانە بيڭتۋان 12 ـ شىسىندا تەكسەرۋ ـ زەرتتەۋ جۇرگىزدى
جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا الدا جۇرۋگە، ۇلگى بولۋعا تاباندى بولىپ، شينجياڭ ەرەكشەلىگىنە يە وسىزاماندانعان حالىق قالاسىن، حالىقارالىق قالا قۇرۋ كەرەك
جاڭ جۋ تەكسەرۋ ـ زەرتتەۋگە قاتىناستى
تاياۋدا اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي چىن شياۋجياڭ ٴۇرىمجى قالاسىندا جانە بيڭتۋان 12 ـ شىسىندا تەكسەرۋ ـ زەرتتەۋ جۇرگىزدى. سۋرەتتە: چىن شياۋجياڭ ٴۇرىمجى قالاسى تيانشان رايونى حيجياشان ٴمالى باسقارماسى يۋەجينجيە وڭتۇستىك الەۋمەتتىك اۋماعىندا الەۋمەتتىك اۋماقتىڭ جازعى دەمالىس كەزىندەگى باسقارۋعا اماناتتاۋ قىزمەت وتەۋىنىڭ ورىستەتىلۋ جاعدايىن ەگجەي ـ تەگجەيلى ۇعىسۋدا.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 7 ـ ايدىڭ 20 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي چىن شياۋجياڭ تاياۋدا ٴۇرىمجى قالاسىنا جانە بيڭتۋان 12 ـ شىسىنا بارىپ، باس شۋجي شي جينپيڭنىڭ ورتالىقتىڭ قالا قىزمەتى ماجىلىسىندە سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىق قالانىڭ ٴتۇرلى قىزمەتىن تىڭعىلىقتى جاقسى ىستەۋدى ارقاۋ ەتىپ تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىمەن تىعىز بايلانىستىرىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا الدا جۇرۋگە، ۇلگى بولۋعا تاباندى بولىپ، ٴۇرىمجىنى شينجياڭ ەرەكشەلىگىنە يە وسىزاماندانعان حالىق قالاسى جانە وسىزاماندانعان حالىقارالىق قالا ەتىپ قۇرىپ شىعۋعا قۇلشىنۋ كەرەك.
اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى جاڭ جۋ تەكسەرۋ ـ زەرتتەۋگە قاتىناستى.
چىن شياۋجياڭ تيانشان رايونى حيجياشان ٴمالى باسقارماسى يۋەجينجيە وڭتۇستىك الەۋمەتتىك اۋماعىنا كەلىپ، بۇقارانىڭ ٴىس ٴبىتىرۋ تەرەزەسىن تەكسەرىپ كورىپ، نەگىزگى ساتى كادرلارىمەن ىقىلاستى اڭگىمەلەسىپ، بۇقارانىڭ ٴىس ٴبىتىرۋ جاعدايىن ەگجەي ـ تەگجەيلى ۇعىستى. ول بىلاي دەدى: الەۋمەتتىك اۋماق قىزمەتى جاقسى ىستەلدى مە، جوق پا؟ بۇقارانىڭ كوڭىلىندە تارازى بار. سىزدەر ٴار كۇنى بۇقارامەن بارىس ـ كەلىس جاسايسىزدار، قايتكەندە كوپشىلىكتىڭ ٴىس ٴبىتىرۋى اناعۇرلىم قولايلى، كوڭىلدەرى اناعۇرلىم جايلى، تۇرمىستارى اناعۇرلىم باقىتتى بولادى دەگەندى كوبىرەك ويلاپ، ٴار ۇلت بۇقاراسىنىڭ ۇلكەندى ـ كىشىلى ىستەرىن دەن قويا، سۇيىسپەنشىلىكپەن ويداعىداي ىستەپ، بۇقارانىڭ اناعۇرلىم كوپ مەيىردى سەزىنۋىنە، اناعۇرلىم كوپ تيىمدىلىككە قول جەتكىزۋىنە قۇلشىنۋلارىڭىز كەرەك. الەۋمەتتىك اۋماقتىڭ قايشىلىقتاردى جاراستىرۋ، جۇمىستانۋدى جەبەۋ، قارتتار مەن بالالارعا قىزمەت وتەۋ سياقتى قىزمەت جاعدايلارىن كوزدەن كەشىرگەننەن كەيىن، چىن شياۋجياڭ بىلاي دەپ باسا دارىپتەدى: الەۋمەتتىك اۋماق پارتيا ۇيىمدارى _ الەۋمەتتىك اۋماق قىزمەتىنىڭ ”تىرەگى“، ساياسي يقۋاتى مەن ۇيىمدىق يقۋاتىن كۇشەيتىپ، شىن مانىندە بۇقارانىڭ ”جان اشىرى“ بولىپ، الەۋمەتتىك اۋماقتى ٴار ۇلت بۇقاراسىنىڭ ٴوزارا قارايلاساتىن ۇلكەن شاڭىراعىنا اينالدىرۋ كەرەك.
سايباق رايونى چاڭجياڭ جولى ٴمالىسى مياننان جيايۋان شاعىن اۋماعى بۇرىن كونە سەميالىقتار اۋلاسى بولاتىن، جاڭالاۋ، دەڭگەيىن جوعارىلاتۋ ارقىلى ورتا قۇرىلعىلارىندا اسا زور وزگەرىستەر تۋىلىپ، تۇرعىنداردىڭ تۇرمىس ساپاسى كورنەكتى جاقساردى. چىن شياۋجياڭ شاعىن اۋماققا كىرىپ، جالپى تۇلعالىق بەت ـ بەينەسىن تەكسەرىپ كورىپ، جاڭالاۋ، دەڭگەيىن جوعارىلاتۋ جاعدايى جونىندەگى تانىستىرۋدى تىڭداپ، جاڭالاۋ ونىمدىلىگىن تۇراقتاندىرىپ، كوپشىلىكتى نازاردى باستان ـ اياق ٴار ۇلت بۇقاراسىنىڭ قاجەتىنە شوعىرلاندىرىپ، قۇرىلعىلاردى اناعۇرلىم كەمەلدەندىرىپ، باسقارۋدى ساپالىلاندىرىپ، قىزمەت وتەۋدى جوعارىلاتىپ، بۇقارانىڭ تۇرمىسىن اناعۇرلىم قولايلى، اناعۇرلىم جايلى، اناعۇرلىم الاڭسىز ەتۋگە قۇلشىنۋعا شابىتتاندىردى. وسىدان كەيىن چىن شياۋجياڭ ٴۇرىمجى قالاسىنىڭ قالانى جاڭالاۋ جاعدايىن ۇعىستى. ول بىلاي دەپ باسا دارىپتەدى: قالا قىزمەتىنىڭ ەڭ سوڭعى نىساناسى _ حالىق ٴۇشىن تىنىش ٴومىر، شات ـ شادىمان تىرشىلىك كەشىرەتىن باقىتتى مەكەن قۇرۋ. مەيلى جاڭا قالا رايونى قۇرىلىسى بولسىن، الدە كونە قالا رايونىن جاڭالاۋ بولسىن، بارلىعىندا حالىق قالاسى ۇستانىمىن مۇقيات امالياتتا ايگىلەپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتۋدى شىعار ٴتۇيىن جانە تابان تىرەر تياناق ەتىپ، ماندىك دامۋعا باسا ٴمان بەرىپ، ٴىس جۇزىندىكتى شىعار ٴتۇيىن ەتۋگە تاباندى بولىپ، ٴار ۇلت بۇقاراسىنا باقىت جاراتاتىن وسىزاماندانعان حالىق قالاسىن قۇلشىنا قۇرۋ كەرەك.
شينجياڭ 1 ـ تامىز بولات ـ تەمىر توبى شەكتى سەرىكتەستىگىنە كەلگەندە، چىن شياۋجياڭ كاسىپورىن جاۋاپتىلارىنان لاستانۋدى وڭاۋ، لاس زاتتاردىڭ شىعارىلۋىن ازايتۋ، شارۋاشىلىق جۇرگىزىپ دامۋ، بازار اشۋ سياقتى قىزمەتتەردىڭ اياق الىسى مەن ونىمدىلىگىن ەگجەي ـ تەگجەيلى ۇعىستى. ول بىلاي دەپ باسا دارىپتەدى: ٴداستۇرلى كاسىپ سالالارىنىڭ تيپ جاڭالاپ دارەجەسىن جوعارىلاتۋدى ىلگەرىلەتۋىن، جاسىل، تومەن كومىر قىشقىل گازدى دامۋدى جۇزەگە اسىرۋىن ارقاۋ ەتىپ، جاڭالىق اشۋ ارقىلى جەتەكشىلىك ەتۋدى، دەم بەرۋدى ۇزدىكسىز كۇشەيتىپ، تەحنولوگيالىق شەبەرلىكتى جوعارىلاتىپ، ٴونىم قۇرىلىمىن ساپالىلاندىرىپ، لاستانۋدى ازايتۋدى، كومىر قىشقىل گازىنىڭ شىعارىلۋىن تومەندەتۋدى تاباندىلىقپەن ىلگەرىلەتىپ، وسىزاماندانعان كاسىپ سالاسى جۇيەسىن قۇرۋعا، ٴوڭىردىڭ اتموسفەرا ورتاسىن وڭاۋدى ىلگەرىلەتۋگە اناعۇرلىم زور ۇلەس قوسۋ كەرەك.
12 ـ شى توۋتۇنحى ەگىس الاڭىندا چىن شياۋجياڭ تۋان ـ الاڭداردىڭ جوبا قۇرىلىسى، بيڭتۋان مەن جەرگىلىكتى ورىننىڭ توعىسا دامۋى سياقتى قىزمەتتەردىڭ ىلگەرىلەتىلۋ جاعدايىن ۇعىسىپ، قاتىستى جاۋاپتى جولداستارمەن ىشكەرىلەي پىكىر اۋىستىردى. ول بىلاي دەپ باسا دارىپتەدى: بيڭتۋان مەن جەرگىلىكتى ورىندى توعىستىرا دامىتۋ جولىمەن جۇرۋگە تاباندى بولىپ، لاڭكەستىككە قارسى تۇرىپ ورنىقتىلىقتى قورعاۋ، ەكونوميكانى دامىتۋ، ەكولوگيانى قورعاۋ، ۇلتتار ىنتىماعى، كادر ـ دارىندىلار سياقتى جاقتاردا توعىسۋ سەرپىنىن ارتتىرىپ، بيڭتۋان مەن جەرگىلىكتى ورىننىڭ باسىمدىقتار ارقىلى ٴبىرىن ـ ٴبىرى تولىقتاۋىن، بىرگە دامۋىن جۇزەگە اسىرۋ كەرەك.
تەكسەرۋ ـ زەرتتەۋ كەزىندە چىن شياۋجياڭ ٴۇرىمجى قالاسىنىڭ قىزمەت مالىمەتىن تىڭداپ، كەلەسى قادامداعى قىزمەتتەر جونىندە تالاپ قويدى. ول بىلاي دەپ باسا دارىپتەدى: باس شۋجي شي جينپيڭنىڭ ورتالىقتىڭ قالا قىزمەتى ماجىلىسىندە سويلەگەن ماڭىزدى ٴسوزىنىڭ رۋحىن جەتە ۇيرەنىپ، جەتە ٴتۇسىنىپ، جاڭا داۋىردەگى قالا قىزمەتىنىڭ جالپى تۇلعالىق تالابىن، ماڭىزدى پرينسيبىن، ستراتەگيالىق بەتالىسىن مىقتاپ يگەرىپ، نازاردى وسىزاماندانعان حالىق قالاسى مەن حالىقارالىق قالا قۇرۋ سىندى دامۋ ورنىنا شوعىرلاندىرىپ، حالىق قالاسىن حالىق قۇرۋعا، حالىق قالاسى حالىقتى كوزدەۋگە تاباندى بولىپ، قالا قۇرىلىمىن ساپالىلاندىرۋدى، قوزعالىس قۋاتىن اۋىستىرۋدى، ساپاسىن جوعارىلاتۋدى، جاسىل تيپ جاڭالاۋدى، مادەنيەت تامىرىن جالعاستىرۋدى، باسقارۋ ونىمدىلىگىن ارتتىرۋدى بار كۇشپەن ىلگەرىلەتۋ كەرەك. ”ٴبىردى ساپالىلاندىرۋ، التىنى قۇرۋ“ ٴتۇيىندى مىندەتىنە تۋرالانىپ، جوعارى ولشەممەن جوبالاۋعا، جوعارى ساپالى قۇرۋعا، جوعارى ونىمدىلىكپەن باسقارۋعا تاباندى بولىپ، ٴۇرىمجى قالا شەڭبەرىن جەدەل قۇرىپ، جاڭالىق اشۋ ەكولوگياسىن دەن قويا جەتىلدىرىپ، قالانىڭ يقۋاتىن كەمەلدەندىرىپ جانە جوعارىلاتىپ، ەكولوگيالىق ورتانىڭ ساپاسىن بەكەمدەپ جانە جوعارىلاتىپ، قالانىڭ سەرپىمدىلىگىن جوعارىلاتىپ، تاريحي مادەنيەت تامىرىن قورعاۋدى، جالعاستىرۋدى كۇشەيتىپ، باسقارۋ ونىمدىلىگىن ۇزدىكسىز كۇشەيتىپ، جاڭاشىل، قونىسقا جايلى، كوركەم، سەرپىمدى، وركەنيەتتى، زەردەلى وسىزاماندانعان حالىق قالاسىن قۇلشىنا قۇرۋ كەرەك.
چىن شياۋجياڭ بىلاي دەپ باسا دارىپتەدى: ٴۇرىمجى ورتالىق قالا رەتىندە شينجياڭنىڭ دامۋ جالپى جاعدايىندا ماڭىزدى ورىندا تۇرادى، جاۋاپكەرشىلىگى توتەنشە اۋىر. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، بيڭتۋان مەن جەرگىلىكتى ورىننىڭ سايكەسۋىن كۇشەيتىپ، بەلسەنە جاۋاپكەرشىلىك ارقالاپ ىسكەرلىك كورسەتىپ، شينجياڭنىڭ رەفورما، دامۋ، ورنىقتىلىق ىستەرىنىڭ ”سەركەسى“ بولۋعا قۇلشىنۋ كەرەك. قىزمەت نەگىزگى جەلىسىمەن تىعىز بايلانىستىرىپ، جۇڭحۋا ۇلتى ورتاق تۇلعا تانىمىن بەكەمدەۋدى ٴتۇرلى قىزمەتتەردە تياناقتاندىرىپ، ”قارىن“ ماسەلەسىن شەشۋمەن بىرگە، ”تانىم“ ماسەلەسىن يگەرۋگە تاباندى بولىپ، بارلىق رەفورماعا، دامۋعا جۇڭحۋا ۇلتى ورتاق تۇلعا تانىمىن ايگىلەۋ ٴمانىن، ٴبىر تۇتاستىقتى قورعاۋ، بولشەكتەۋشىلىككە قارسى تۇرۋ ٴمانىن، حالىق تۇرمىسىن جاقسارتۋ، جۇرت تىلەگىن ۇيىستىرۋ ٴمانىن ۇستەپ، ٴار ۇلت كادر ـ بۇقاراسىنىڭ ”بەستى شىنايى مويىنداۋىن“ ۇزدىكسىز كۇشەيتۋ كەرەك. ورنىقتىلىقتى ماڭداي الدى ورىنعا قويۋعا تاباندى بولىپ، ورتالىق قالا ەرەكشەلىگىنە ۇيلەسەتىن لاڭكەستىككە قارسى تۇرىپ ورنىقتىلىقتى قورعاۋدى زاڭمەن باسقارۋ، ۇدايىلاندىرۋ قىزمەت مەحانيزمىن ورناتىپ، جۇرت تىلەگىن ىنتىماقتاستىرۋدى، ۇيىستىرۋدى ورنىقتىلىقتى قورعاۋ قىزمەتىنىڭ ٴار جاعىنا ٴسىڭىرىپ، قوعامدىق ساقتانۋ، تىزگىندەۋ تورىن تىعىز، بەرىك توقىپ، حاۋىپسىزدىك، ورنىقتىلىق تومەنگى شەگىن بەرىك ساقتاۋ كەرەك. حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتىپ، ەكونوميكالىق، قوعامدىق دامۋدى ساياسي جاقتان جوسپارلاۋعا تاباندى بولىپ، ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن جەدەل قۇرىپ، رەفورمانى ونان ارى جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتىپ، شارۋاشىلىق ـ ساۋدا ورتاسىن بار كۇشپەن ساپالىلاندىرىپ، ”15 ـ بەسجىلدىق“ جوبانى عىلمي جاساپ، ٴتۇيىندى حاۋىپ ـ قاتەرلەردى ٴونىمدى تىزگىندەپ، شينجياڭنىڭ جوعارى ساپالى دامۋىندا نەگىزگى كۇش بولۋعا، اۋىر جۇك ارقالاۋعا قۇلشىنۋ كەرەك. پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، ساياسي ٴتارتىپ پەن ساياسي قاعيداعا قاتاڭ بويسۇنىپ، ادام تاڭداۋدىڭ، ادام ىستەتۋدىڭ دۇرىس بەتالىسىن ورناتىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن تىڭعىلىقتى ورىستەتىپ، پارتيانىڭ ستيل قۇرىلىسىن ۇزدىكسىز كۇشەيتىپ، دۇرىس ناتيجە كوزقاراسىن بەرىك ورناتىپ، بەلگىلەمەگە قايشى ٴىشىپ ـ جەۋدى باتىل تۇزەتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، ورتالىق قالانىڭ ٴتۇرلى ىستەرىنىڭ دامۋىنا پارمەندى ساياسي كەپىل، ۇيىمدىق كەپىل جانە ستيل كەپىلىن ازىرلەۋ كەرەك.
قادەن كابەن، شۋە بين، ۋاڭ گاڭ قاتىستى قيمىلدارعا قاتىناستى.