انار بۇلت \ شينجياڭ گازەتىنىڭ ٴتىلشىسى ۋاڭ نا، ەرىكتى ٴتىلشى چىن جۋباڭ 7 ـ ايدىڭ 23 ـ كۇنى ۇرىمجىدەن حابارلايدى. شينجياڭ شەكارادان كىرىپ ـ شىعۋ شەكارالىق قورعانىس تەكسەرۋ باس پۋنكتىنەن ۇعىسۋىمىزشا، ٴبىرسىپىرا كەدەننەن ٴوتۋدى ساپالىلاندىرۋ شاراسى، ۆيزاسىز شەكارادان كىرىپ ـ شىعۋ جانە كەزەكشى ۇشاق جيىلىگىن ارتتىرۋ سياقتى ساياساتتىڭ بەلسەندى ىلگەرىلەتۋىندە، بيىل الدىڭعى جارتى جىلدا شينجياڭ شەكارا وتكەلدەرىندە شەتەلگە ساياتىن ەكونوميكا ـ ساۋدا بارىس ـ كەلىسى ونان ارى جيىلەپ، جولاۋشى، جۇك تاسىمال مولشەرى بىردەي ارتۋ جاعدايى جارىققا شىعىپ، كوپ ٴتۇرلى ساندى مالىمەت تاريحتاعى تىڭ دەڭگەيدى جاراتقان.

　　شينجياڭ شەكارادان كىرىپ ـ شىعۋ شەكارالىق قورعانىس تەكسەرۋ باس پۋنكتى شەكارالىق تەكسەرۋ تاراۋلارىنىڭ ساناعىنا نەگىزدەلگەندە، 1 ـ ايدىڭ 1 ـ كۇنىنەن 6 ـ ايدىڭ 30 ـ كۇنىنە دەيىن بۇكىل شينجياڭداعى ٴارقايسى شەكارادان كىرىپ ـ شىعۋ شەكارالىق قورعانىس تەكسەرۋ ورگاندارىنىڭ جالپى تەكسەرگەن شەكارادان كىرىپ ـ شىققان ادام سانى ٴبىر ميلليون 808 مىڭ ادامعا (رەت) جەتىپ، سايكەس مەزگىلدەگىدەن %39.9 ارتقان؛ تەكسەرىپ وتكىزگەن ٴتۇرلى قاتىناس قۇرالى 741 مىڭ اۆتوكولىك\ پويەز\ ايروپلان (رەت) بولىپ، سايكەس مەزگىلدەگىدەن %37.8 ارتقان. مۇنىڭ ىشىندە شەكارادان كىرىپ ـ شىققان جۇك تاسىمالى كەزەكشى پويەزىنىڭ كەدەننەن ٴوتۋ مولشەرى بۇكىل ەلدەگى تەمىر جول شەكارا وتكەلى جالپى مولشەرىنىڭ %42ىن ۇستاپ، بۇكىل ەل بويىنشا الدىڭعى ورىندى يەلەگەن، كۇندىك تەكسەرىلگەن شەكارادان كىرىپ ـ شىققان كەزەكشى پويەز سانى، ەڭ جوعارى بولعاندا، 136عا (رەت) جەتىپ، تاريحتاعى تىڭ دەڭگەيدى جاراتقان. الاتاۋ ساعاسى جانە قورعاس شەكارا وتكەلدەرىنىڭ جۇك تاسىمال كەزەكشى پويەزدەرىنىڭ كەدەننەن ٴوتۋ مولشەرى جەكە ـ جەكە بۇكىل ەل بويىنشا ٴبىرىنشى، ەكىنشى ورىندى يەلەگەن.

　　ٴارقايسى شەكارا وتكەلدەرىندە ۇزدىكسىز ارتقان كەدەننەن ٴوتۋ قاجەتىنە توتەپ بەرۋ ٴۇشىن، شينجياڭ شەكارادان كىرىپ ـ شىعۋ شەكارالىق قورعانىس تەكسەرۋ باس پۋنكتى كوشى ـ قون باسقارۋ رەفورماسىن جانە ساياسات ـ تۇزىمدە جاڭالىق اشۋدى ۇزدىكسىز تەرەڭدەتىپ، ”ٴبىر قىدىرۋ“ اناعۇرلىم بەلسەندى، ٴونىمدى شارانى شىعارىپ، جۇڭگولىق، شەتەلدىك ساياحاتشىلاردىڭ، قىزمەتكەرلەردىڭ جانە قاتىناس قۇرالدارىنىڭ قولايلى تۇردە كەدەننەن وتۋىنە جوعارى ٴونىمدى قىزمەت وتەدى. اسىرەسە، جۇڭگو - قازاقستان قورعاس حالىقارالىق شەكارالىق سەلبەستىك ورتالىعىندا ۋاقىتقا ٴبولىپ كەدەننەن وتكىزۋ، كەدەننەن وتكىزۋ ۋاقىتىن ۇزارتۋ جانە تاۋلىك بويى كەدەننەن وتكىزۋگە الدىن الا كەلىسۋ سياقتى ٴبىرسىپىرا قولايلى شارانى شىعاردى، الدىڭعى جارتى جىلدا باقشا رايونىنا كىرىپ ـ شىققان ادام سانى 4 ميلليون 779 مىڭعا جەتىپ، سايكەس مەزگىلدەگىدەن %73.4 ارتتى.

　　شينجياڭ شەكارادان كىرىپ ـ شىعۋ شەكارالىق قورعانىس تەكسەرۋ باس پۋنكتى تاعى ”كەدەننەن ٴوتۋ قىزمەت وتەۋى ساپاسىن جوعارىلاتۋ بويىنشا تولىقتاۋ، كۇشەيتۋ“ ارەكەتىن باستاپ، كوپ ٴتۇرلى حالىققا قولايلى، كاسىپورىنعا ٴتيىمدى شارانى شىعارىپ، كەدەننەن ٴوتۋ ٴتارتىبىن ۇزدىكسىز ساپالىلاندىردى. اۆياتسيا پورتى شەكارا وتكەلدەرىندە جۇك تاسىمالى كەزەكشى ۇشاقتارىنىڭ ”امان ـ ەسەن جەتىپ، تەز اتتانۋىنا“ قىزمەت وتەۋ ۇلگىسىن شىعاردى، تاس جول شەكارا وتكەلدەرىندە ٴتۇيىندى زات تاسىمال كولىكتەرىن تەكسەرۋدىڭ ”جاسىل ارناسىن“ اشىپ، 12367 قىزمەت وتەۋ تۇعىرى رولىن تولىق ساۋلەلەندىردى، ”7×24 ساعات“ ادام كۇشىمەن ولشەمدى قىزمەت وتەۋ سياقتىلاردى اتقارىپ، شەكارا وتكەلدەرىندە كەدەننەن ٴوتۋ ونىمدىلىگىن ۇتىمدى جوعارىلاتتى.

جالعانىم