انار بۇلت \ شينجياڭ گازەتىنىڭ ٴتىلشىسى چىن چياڭۋي 7 ـ ايدىڭ 26 ـ كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، الدىڭعى جارتى جىلدا مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى جيىنى 219 مىڭ 300 تۇتىنۋشىعا ەلەكتردەن پايدالانۋ بويىنشا ەلەكتر جابدىقتارىن ورناتۋدى تامامداعان، بۇل بىلتىرعى سول تۇستاعىدان %110.93 ارتقان؛ورناتىلعان ەلەكتر جابدىقتارى جالپى سيىمدىلىعى 27 ميلليون 405 مىڭ 500 كيلوۆولت امپەرگە جەتىپ، سايكەس مەزگىلدەگىدەن %25.7 ارتقان. ەلەكتر جەتكىزىلگەن تۇتىنۋشىلار سانىنىڭ ەسەلەپ ارتۋى، ورناتىلعان ەلەكتر جابدىقتارى سيىمدىلىعىنىڭ ورنىقتى ارتۋى شينجياڭنىڭ وڭىرلىك ەكونوميكاسىنىڭ جاندانعاندىعىن ايگىلەدى.
ۇزدىكسىز ارتىپ وتىرعان ەلەكتر جابدىقتارىن ورناتۋ سۇرانىسىنا توتەپ بەرۋ ٴۇشىن، بيىل جىل باسىنان بەرى، مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى نازاردى ەلەكتر قۋاتى شارۋاشىلىق ـ ساۋدا ورتاسىن ساپالىلاندىرۋعا شوعىرلاندىرىپ، ەلەكتر جۇمىسىن ٴبىتىرۋ ونىمدىلىگىن جوعارىلاتۋ، قىزمەت وتەۋ تاسىلىندە جاڭالىق اشۋ سياقتى جاقتاردان كۇش سالىپ، كاسىپورىندار مەن بۇقارانىڭ ەلەكتر جۇمىسىن بىتىرۋىنە اناعۇرلىم قولايلىلىق جاراتىپ، جاڭادان ارتقان ەلەكتردەن پايدالانۋ سۇرانىسىنىڭ جالعانۋىنا ”تەز ارنا“ اشتى.
7 ـ ايدىڭ 10 ـ كۇنى مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى قاشقار ەلەكترمەن قامداۋ سەرىكتەستىگىنىڭ قىزمەتكەرلەرى شينجياڭ يۋەشان قامداۋ تىزبەگىن باسقارۋ شەكتى سەرىكتەستىگىنە توك ساعات ورناتىپ، توك جالعادى. ”سەرىكتەستىك يىڭسار اۋدانىندا زاريادتاۋ پۋنكتىن سالىپ، 320 كيلوۆاتتىق 6 تۇراقتى توك زاريادتاۋ باعاناسىن ورناتتى، جالپى گەنەراتور سيىمدىلىعى 1.92 مەگاۆات بولىپ، كاسىپورىننىڭ وزىندە بار ەلەكترلى اۋىر تۇرپاتتى جۇك اۆتوكولىكتەرىن زاريادتاۋعا ارنايى پايدالانىلادى. ەلەكتردەن پايدالانۋدى ٴوتىنىش ەتۋدەن ەلەكتر جەتكىزىلگەنگە دەيىن نەبارى بىرنەشە كۇن عانا ۋاقىت كەتتى، ٴبىزدىڭ مەجەلەگەنىمىزدەن 13 كۇن بۇرىن بولدى، ەلەكترلى اۋىر تۇرپاتتى جۇك اۆتوكولىك ەرتەرەك ىسكە قوسىلدى“، ـ دەدى سەرىكتەستىكتىڭ جاۋاپتىسى لين يۇڭحۋ.
ٴتۇيىندى نىساندارعا مەڭزەس، مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى ”ماڭدايشالىق اسىپ قۋزاۋ سالۋدى“ اتقاردى، بيىل 46 نىسان ٴتۇيىندى نىسان تىزىمىنە ەنگىزىلىپ، ەلەكترمەن قامداۋ جوباسىن الدىن الا جاساۋ جانە سايكەستى ەلەكتر تورى جوباسى قۇرىلىسى قىزمەتى كۇنى بۇرىن ورىستەتىلدى. قازىر 17 نىسان ەلەكتر جەتكىزىپ ىسكە قوسىلدى، سيىمدىلىعى 2 ميلليون 887 مىڭ 100 كيلوۆولت امپەر بولدى، قالعان 29 نىسان دا ەلەكترمەن قامداۋ جوباسىنا جاۋاپ قايتارىپ، كاسىپورىن قۇرىلىسىنىڭ اياق الىسى بويىنشا ىلگەرىلەتىلەدى.