نۇرلان ٴابىلماجىن ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى بويىنشا ارناۋلى تاقىرىپتىق پارتيا ساباعىن ٴوتتى

ستيل قۇرىلىسىنىڭ تىڭ ناتيجەسى ارقىلى ساياسي كەڭەس قىزمەتىنىڭ جاڭا جاعدايىن اشۋ كەرەك

　　انار بۇلت \ شينجياڭ گازەتىنىڭ ٴتىلشىسى جاڭ يانفاڭ 7 ـ ايدىڭ 26 ـ كۇنى ۇرىمجىدەن حابارلايدى. ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى قىزمەت ورنالاستىرۋى بويىنشا، تاياۋدا اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ٴتوراعا نۇرلان ٴابىلماجىن اۆتونوميالى رايوندىق ساياسي كەڭەس ورگانىندا ورگانداعى پارتيالى كادرلار، ساياسي كەڭەس مۇشەلەرى سياقتىلارعا ارناۋلى تاقىرىپتىق پارتيا ساباعىن ٴوتىپ، ”شۇعىلالى تاريحتى قايتا ەسكە ٴتۇسىرىپ، تاڭداۋلى داستۇرگە مۇراگەرلىك ەتىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن قاجىماي ـ تالماي تياناقتاندىرايىق“ نەگىزگى تاقىرىبىن ارقاۋ ەتىپ كوپشىلىكپەن بىرگە ۇيرەندى، پىكىر اۋىستىردى.

　　نۇرلان ٴابىلماجىن بىلاي دەپ اتاپ كورسەتتى: پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كۇشتى تاريحي جاۋاپكەرشىلىك ارقالاۋمەن پارتيا ٴدوپ كەلگەن ەلەۋلى حاۋىپ ـ قاتەرلەرگە، سىناقتارعا جانە پارتيا ىشىندە ورىن تەپكەن كورنەكتى ماسەلەلەرگە بەتپە ـ بەت كەلىپ، ورتالىقتىڭ سەگىز ٴتۇرلى بەلگىلەمەسىن جاساۋ جانە تياناقتاندىرۋدان باستاپ جاعداي اشىپ ماسەلەلەردى شەشىپ، قىزمەت ستيلىن جاقسارتۋدان، بۇقارامەن تىعىز بايلانىس جاساۋدان باستاپ كىرىسىپ، پارتيا ستيلىنىڭ، ۇكىمەت ستيلىنىڭ جاڭارۋىن، قوعام سالتىنىڭ، حالىق سالتىنىڭ ۇزدىكسىز جاقسارۋىن ىلگەرىلەتىپ، ۇلى وزىنە ـ ٴوزى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋدىڭ تىڭ ٴورىسىن اشتى. ٴبىز ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنۋ، ”ەكىنى قورعاۋدى“ باتىل ورىنداۋ ساياسي تۇرعىسىنان باس شۋجي شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى ماڭىزدى بايىمداۋلارىن جانە ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋ ەگجەي ـ تەگجەيلى ەرەجەسىنىڭ رۋحىن ىشكەرىلەي ۇيرەنىپ، ەگجەي ـ تەگجەيلى ٴتۇسىنىپ، ستيل قۇرىلىسىن يگەرۋ يدەيالىق سانالىلىعىن، ساياسي سانالىلىعىن، ارەكەت سانالىلىعىن كۇشەيتىپ، اۆتونوميالى رايوندىق پارتكومنىڭ ورنالاستىرۋلارى، تالاپتارى بويىنشا ۇيرەنۋ تاربيەسىن ناقتى يگەرىپ، ۇيرەنۋدى، تەكسەرۋدى، تۇزەتۋدى ٴبىر تۇلعالى ىلگەرىلەتىپ، ستيل قۇرىلىسىنىڭ تىڭ ناتيجەلەرى ارقىلى ساياسي كەڭەس ىستەرىنىڭ جوعارى ساپالى دامۋ جاڭا جاعدايىن اشۋىمىز كەرەك.

　　نۇرلان ٴابىلماجىن بىلاي دەپ باسا دارىپتەدى: ساياسي بەتالىستى مىقتاپ يگەرىپ، ساياسي ادالدىقتى بەكەمدەپ، پارتيانىڭ جاسامپازدىق نازارياسىمەن قاجىماي ـ تالماي زەيىن ـ زەردەنى ۇيىستىرىپ، رۋحتى سومداپ، قاز ـ قالپىندا، ٴسوز ـ سويلەمدەرىنە دەيىن زەرتتەپ وقىپ ٴتۇسىنىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىنىڭ وي ـ ساناعا ٴسىڭىپ جۇرەككە ۇيالاۋىن، ارەكەتتە ايگىلەنىپ ونىمدىلىك كورسەتۋىن ىلگەرىلەتىپ، ۇيرەنۋ تاربيەسى جەتىستىكتەرىن ساياسي كەڭەستىڭ جوعارى ساپالى مىندەت اتقارۋىنىڭ پارمەندى قوزعاۋشى كۇشىنە اينالدىرۋعا شىنايى كەپىلدىك ەتۋ كەرەك. كۇشتى وزەككە، كەلەلى جاعدايعا شوعىرلاندىرىپ، ارناۋلى كەڭەس قۇرىلىمىندىق رولىن تولىق ساۋلەلەندىرىپ، نازاردى پارتكوم مەن ۇكىمەتتىڭ قاجەتىنە، مۇشەلەردىڭ قابىلەتىنە، بۇقارانىڭ تىلەگىنە شوعىرلاندىرىپ، پارتيا باسشىلىق گرۋپپاسىنىڭ قىزمەت ٴتۇيىنىن جانە جىلدىق كەڭەس جوسپارىن تياناقتاندىرۋدى ارقاۋ ەتىپ، نەگىزگى ساتىعا بارىپ بۇقارامەن ىشكەرىلەي ارالاسىپ، ٴىس جۇزىندىككە ىشكەرىلەي ارالاسىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە ساياسي كەڭەس كۇشىن قوسۋ كەرەك.

　　نۇرلان ٴابىلماجىن مىنالاردى تالاپ ەتتى: رەفورما جاساۋعا، جاڭالىق اشۋعا تاباندى بولىپ، وزىندىك قۇرىلىستى كۇشەيتىپ، ۇيرەنۋ تاربيەسى جەتىستىگىن كادەگە جاراتۋدى جەبەۋگە باسا ٴمان بەرىپ، ستيل قۇرىلىسىن ساياسي كەڭەستىڭ مىندەت اتقارۋ جالپى بارىسىمەن ىشكەرىلەي توعىستىرىپ، ستيلدىڭ اناعۇرلىم قاتاڭ بولۋىن جەبەۋ كەرەك. ەرەجە ـ ٴتۇزىم ورناتىپ، ۇزاق ونىمدىلىكتى يگەرۋگە باسا ٴمان بەرىپ، حۇجات شىعارۋ، جيىن اشۋ، تەكسەرۋ ـ زەرتتەۋ، قىزمەت تەكسەرۋ، مۇشەلەردىڭ مىندەت اتقارۋىن باسقارۋ سياقتى تۇزىمدەردى ونان ارى كەمەلدەندىرىپ، بۇلجىماس ٴتۇزىم، بەلگىلەمە جانە ٴتۇزىمدى قاتاڭ اتقارۋ ارقىلى ستيل قۇرىلىسىنىڭ ۇدايىلانۋىن، باياندىلىعىن جۇزەگە اسىرۋ كەرەك. مۇشەلەردىڭ مىندەت اتقارۋىن تەكسەرۋ، باعالاۋ جۇيەسىن اقاۋسىزداندىرىپ، مۇشەلەردىڭ جالپىلىق ساپاسىن جوعارىلاتۋدى ساتىعا ٴبولىپ، كوپ تۇرعىدان جەبەپ، مۇشەلەردىڭ نەگىزگى تۇلعالىق رولىن شىنايى ساۋلەلەندىرىپ، جوعارى ساپالى مىندەت اتقارۋ ارقىلى ساياسي كەڭەس قىزمەتىنىڭ جالپى جاعدايداعى ۇلەسىن جوعارىلاتۋ كەرەك.

جالعانىم