چىن شياۋجياڭ اۆتونوميالى رايوندىق 10 ـ كەزەكتى پارتكومنىڭ 7 ـ رەتكى شارلاۋى بويىنشا توپتىق اڭىس ەتۋ ماجىلىسىندە بىلاي دەپ باسا دارىپتەدى
شارلاۋدىڭ ”سوڭعى ساتىداعى جۇمىستارىن“ ىشكەرىلەي، ناقتى ىستەپ، شينجياڭ قىزمەتى باس نىساناسىن جۇزەگە اسىرۋعا كۇشتى ساياسي قامتاماسىزدىق ازىرلەۋ كەرەك
ەركىن تۇنياز باسقاردى، ٴزۇمىرات وبۇل، نۇرلان ٴابىلماجىن، حى جۇڭيوۋ، جاڭ جۋ، چىن ميڭگو قاتىناستى
8 ـ ايدىڭ 13 ـ كۇنى اۆتونوميالى رايوندىق 10 ـ كەزەكتى پارتكومنىڭ 7 ـ رەتكى شارلاۋى بويىنشا توپتىق اڭىس ەتۋ ٴماجىلىسى ۇرىمجىدە اشىلدى، اۆتونوميالى رايوندىق پارتكومنىڭ شۋجيى چىن شياۋجياڭ ماجىلىسكە قاتىناستى ٴارى ٴسوز سويلەدى.
□سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 8 ـ ايدىڭ 13 ـ كۇنى ۇرىمجىدەن حابارلايدى. اۆتونوميالى رايوندىق 10 ـ كەزەكتى پارتكومنىڭ 7 ـ رەتكى شارلاۋى بويىنشا توپتىق اڭىس ەتۋ ٴماجىلىسى 8 ـ ايدىڭ 13 ـ كۇنى اشىلدى، اۆتونوميالى رايوندىق پارتكومنىڭ شۋجيى چىن شياۋجياڭ ماجىلىسكە قاتىناستى ٴارى ٴسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ پارتيانىڭ وزىنە ـ ٴوزى توڭكەرىس جاساۋى جونىندەگى ماڭىزدى يدەياسىن جانە شارلاۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن مۇقيات دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شارلاۋ بويىنشا رەتتەۋ ـ تۇزەتۋدى قاتاڭ، مۇقيات ويداعىداي يگەرىپ، شارلاۋدىڭ ”وتكىر سەمسەرلىك“ رولىن ايگىلەپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا كۇشتى ساياسي قامتاماسىزدىق ازىرلەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيلەرى جاڭ جۋ، چىن ميڭگو ماجىلىسكە قاتىناستى.
اۆتونوميالى رايوندىق پارتكومنىڭ تۇراقتى مۇشەسى، ٴتارتىپ تەكسەرۋ كوميتەتىنىڭ شۋجيى، اۆتونوميالى رايوندىق پارتكوم شارلاۋ قىزمەتى باسشىلىق گرۋپپاسىنىڭ باستىعى تيان شياڭلي اۆتونوميالى رايوندىق 10 ـ كەزەكتى پارتكوم 7 ـ رەتكى شارلاۋىندا بايقالعان كورنەكتى ماسەلەلەردى حابارلادى.
چىن شياۋجياڭ بىلاي دەپ اتاپ كورسەتتى: شارلاۋ بويىنشا رەتتەۋ ـ تۇزەتۋ جانە جەتىستىكتەردەن پايدالانۋ ساياسي سانالىلىعىن، يدەيالىق سانالىلىعىن، ارەكەت سانالىلىعىن شىن مانىندە كۇشەيتىپ، شارلاۋ بويىنشا رەتتەۋ ـ تۇزەتۋدىڭ ”ەكىنى قورعاۋدى“ امالياتتا ايگىلەۋدەگى ناقتى ارەكەت، پارتيانىڭ لۋشيان، باعىت ـ ساياساتتارىنىڭ دايەكتىلەنۋىن، تياناقتانۋىن ىلگەرىلەتۋدەگى ماڭىزدى بۋىن، حالىقتى وزەك ەتكەن دامۋ يدەياسىن تياناقتاندىرۋداعى پارمەندى شارا، پارتيانى جاپپاي قاتاڭ باسقارۋ ستراتەگيالىق ورنالاستىرۋىن تياناقتاندىرۋداعى ماڭىزدى تۇتقا ەكەندىگىن تەرەڭ تانىپ، ساياسي تۇرعىدان قاراۋعا، ساياسي تۇرعىدان تەكسەرۋگە، ساياسي تۇرعىدان تۇزەتۋگە تاباندى بولىپ، شارلاۋدىڭ ”سوڭعى ساتىداعى جۇمىستارىن“ ىشكەرىلەي، ناقتى ىستەۋ كەرەك.
چىن شياۋجياڭ بىلاي دەپ باسا دارىپتەدى: شارلاۋدا اڭىس ەتىلگەن ماسەلەلەردى ىرىقتىلىقپەن تاپسىرىپ الىپ، جاپپاي قابىلداپ، وزىمەن بايلانىستىرىپ، قىزمەت جاۋاپكەرشىلىگىمەن بايلانىستىرىپ، قىزمەتىمەن بايلانىستىرىپ، تاباندا اتقارىپ، تاباندا تۇزەتىپ، بايقالا سالىسىمەن تۇزەتىپ، شىنايى تۇزەتىپ، ناقتى تۇزەتىپ، جاپپاي رەتتەۋ ـ تۇزەتۋ كەرەك. شينجياڭ قىزمەتى باس نىساناسىن جۇزەگە اسىرۋعا ىقپال جاسايتىن كورنەكتى ماسەلەلەردى، جوعارى ساپالى دامۋدى تەجەيتىن باستى تۇيىنشەكتەردى، ساياسي ەكولوگيانى تازارتۋداعى باستى ورالعىلاردى، رەفورمانى جاپپاي تەرەڭدەتۋدەگى باستى كەدەرگىلەردى ىشكەرىلەي تەكسەرىپ تاۋىپ، نىسانالى تۇردە ىستەۋ، دالمە ـ ٴدال كۇش سالۋ، نىسانالى وڭاۋ كەرەك. ”تاباندا تۇزەتۋدى“ جانە ”باياندى مەحانيزم ورناتۋدى“ ٴوزارا ۇشتاستىرۋعا تاباندى بولىپ، شارلاۋدا بايقالعان ورتاق ماسەلەلەردى جانە تەرەڭ قاتپارلى ماسەلەلەردى ىشكەرىلەي زەرتتەپ، شەشىپ، ٴتۇزىم مەحانيزمىن كەمەلدەندىرىپ، قاينارىنان وڭاۋدى جەبەۋ كەرەك.
چىن شياۋجياڭ بىلاي دەپ باسا دارىپتەدى: شارلاۋ جۇرگىزىلگەن پارتيا ۇيىمدارىنىڭ نەگىزگى تۇلعالىق جاۋاپكەرشىلىگىن ناقتى تياناقتاندىرىپ، ٴتارتىپ تەكسەرۋ، باقىلاۋ ـ تەكسەرۋ ورگاندارىنىڭ، ۇيىمداستىرۋ تاراۋلارىنىڭ كۇندەلىكتى باقىلاۋ، قۋزاۋ جاۋاپكەرشىلىگىن جانە قاتىستى تاراۋلاردىڭ، ورىنداردىڭ باقىلاۋ ـ باسقارۋ جاۋاپكەرشىلىگىن كۇشەيتىپ، شارلاۋ بويىنشا رەتتەۋ ـ تۇزەتۋدە ناعىز ونەردى ايگىلەۋ، ناقتى ونىمدىلىككە ۇمتىلۋ كەرەك. بۇدان بۇرىنعى شارلاۋدا رەتتەپ تۇزەتىلمەگەن ماسەلەلەردى، سول دارەجەدەگى شارلاۋدا بايقالعان ماسەلەلەردى، باسقا ٴتۇرلى باقىلاۋ ـ تەكسەرۋدە كورسەتىلگەن ماسەلەلەردى رەتتەۋ ـ تۇزەتۋ قىزمەتتەرىن ٴبىر تۇتاس جوسپارلاپ، ويداعىداي يگەرىپ، شارلاۋ جەتىستىكتەرىنەن كەشەندى پايدالانۋدى كۇشەيتىپ، شارلاۋ ارقىلى تۇزەتۋدى جەبەۋگە، شارلاۋ ارقىلى قۇرۋدى جەبەۋگە، شارلاۋ ارقىلى وڭاۋدى جەبەۋگە تاباندى بولىپ، شارلاۋدىڭ ۇستىنەن وڭاۋ مەن تۇبىرىنەن وڭاۋ ستراتەگيالىق رولىن شىنايى ساۋلەلەندىرۋ كەرەك.
چىن ۋيجۇن، ۋاڭ جيانشين، ەلزات احمەتجان، قادەن كابەن، اۆتونوميالى رايوندىق ۇكىمەتتەگى قاتىستى باسشىلار، اۆتونوميالى رايوندىق پارتكوم شارلاۋ قىزمەتى باسشىلىق گرۋپپاسىنىڭ مۇشەلەرى، اۆتونوميالى رايوندىق 10 ـ كەزەكتى پارتكوم 7 ـ كەزەكتى شارلاۋ گرۋپپاسىنىڭ باستىقتارى، ورىنباسار باستىقتارى جانە شارلانعان ورىنداردىڭ، اۆتونوميالى رايونداعى قاتىستى ورىنداردىڭ جاۋاپتى جولداستارى قاتارلىلار ماجىلىسكە قاتىناستى.