انار بۇلت \ شينجياڭ گازەتىنىڭ ٴتىلشىسى گاۋۋا 8 ـ ايدىڭ 13 ـ كۇنى ۇرىمجىدەن حابارلايدى. 8 ـ ايدىڭ 13 ـ كۇنى ”جاڭا داۋىردەگى شينجياڭ كادرلارى ۇلكەن ساباقحاناسىنىڭ“ شينجياڭدى مادەنيەتپەن نارلەندىرۋ بولىگى ارناۋلى تاقىرىپتىق لەكسياسى وتكىزىلدى. جۇڭگو قوعامدىق عىلىمدار اكادەمياسى جۇڭگو شەكارا ٴوڭىردى زەرتتەۋ ورنىنىڭ اعا رەداكتورى، جۇڭگو قوعامدىق عىلىمدار اكادەمياسى داشۋەسىنىڭ پروفەسسورى، دوكتورانت جەتەكشىسى لي دالۇڭ ”جۇڭگونىڭ شەكارا ٴوڭىرى جانە شەكارا ٴوڭىردى باسقارۋ“ نەگىزگى تاقىرىبىن ارقاۋ ەتىپ ارناۋلى تاقىرىپتا لەكسيا جاسادى.
لي دالۇڭنىڭ باستى زەرتتەۋ بەتالىسى جۇڭگونىڭ شەكارا ٴوڭىر تاريحىنا، تەرريتورياعا قاتىستى نازاريالىق ماسەلەلەر. لەكسيادا ول ”جۇڭگونىڭ شەكارا ٴوڭىرى“ دەگەن نە، ”ۇلى بىرلىك“ تاريحي ٴداستۇرى، تاريحي داۋىرلەردەگى شەكارانى باسقارۋ يدەياسى جانە امالياتى سياقتى جاقتاردان تاريحتاعى ورتالىق بيلىكتىڭ مەملەكەتتى باسقارۋداعى جانە شەكارا ٴوڭىردى مەڭگەرۋدەگى وزەكتى ۇستانىمىن ٴتۇسىندىرىپ، شەكارا ٴوڭىردى باسقارۋدىڭ ماڭىزدى ٴمانىن تەرەڭ بايىمداپ، شينجياڭنىڭ شەكارا ٴوڭىردى باسقارۋ قىزمەتتەرىن ىشكەرىلەي جاقسى ىستەپ، شەكارا ٴوڭىردى باسقارۋ جۇيەسى مەن باسقارۋ قابىلەتىنىڭ وسىزاماندانۋىن كۇش سالا ىلگەرىلەتۋىنە وي جەلىسىن ازىرلەدى.
اۆتونوميالى رايوندىق قوعامدىق عىلىم سالاسىنداعىلار بىرلەستىگى شينجياڭدى باسقارۋ جالپى جوباسى نازارياسى مەن امالياتىن زەرتتەۋ ورتالىعىنىڭ مەڭگەرۋشىسى ليۋ ۋىنجيڭ ارناۋلى تاقىرىپتىق لەكسيانى تىڭداعاننان كەيىن مىنالاردى ٴبىلدىردى: لەكسيادا قىرۋار تاريحي فاكتتەر قولدانىلىپ، شەكارا ٴوڭىردى باسقارۋ امالياتىمەن ۇشتاستىرىلىپ، جۇڭگونىڭ شەكارا ٴوڭىرى مەن شەكارا ٴوڭىردى باسقارۋى جونىندە ەگجەي ـ تەگجەيلى تۇسىنىك جاسالدى. اۆتونوميالى رايوندىق قوعامدىق عىلىم سالاسىنداعىلار بىرلەستىگى قوعامدىق عىلىم سالاسىنداعى مامان ـ وقىمىستىلاردى ۇيىمداستىرىپ، تاريحتاعى ورتالىق پاتشالىقتاردىڭ شينجياڭدى باسقارۋ تاجىريبەسى، وي تولعامى جانە امالياتى جونىندەگى زەرتتەۋدى كۇشەيتىپ، جۇڭگونىڭ دەربەس شەكارا ٴوڭىر ٴىلىمى ٴبىلىم جۇيەسىن جەدەل ورناتادى.
ارناۋلى تاقىرىپتىق لەكسيا بەينەجازبا ٴماجىلىسى فورماسىندا وتكىزىلدى، اۆتونوميالى رايوننىڭ قاتىستى تاراۋلارىنداعى، ورىندارىنداعى، حالىقتىق ۇيىمدارداعى، ٴىشىنارا جوعارى مەكتەپتەر مەن كاسىپورىندارداعى نەگىزگى جاۋاپتى جولداستار نەگىزگى ٴماجىلىس ورنى اۆتونوميالى رايوندىق پارتكوم پارتيا مەكتەبىندە (اكىمشىلىك شۋەيۋانى) لەكسياعا قاتىناستى. ايماق، وبلىس، قالالاردا، اۋدان، قالا، رايونداردا جانە بيڭتۋان ورگاندارىندا، شى ـ قالالارىندا، تۋان ـ الاڭدارىندا بولىمشە ٴماجىلىس ورنى ورنالاستىرىلدى.