انار بۇلت \ شينجياڭ گازەتىنىڭ ٴتىلشىسى سۇي يۇنيان 8 ـ ايدىڭ 18 ـ كۇنى ۇرىمجىدەن حابارلايدى. 8 ـ ايدىڭ 18 ـ كۇنى ”جاڭا داۋىردەگى شينجياڭ كادرلارى ۇلكەن ساباقحاناسىنىڭ“ شينجياڭدى زاڭمەن باسقارۋ بولىگى ارناۋلى تاقىرىپتىق لەكسياسى وتكىزىلىپ، تۇتاس رايونىمىزداعى ٴار دارەجەلى كادرلاردىڭ زاڭمەن باسقارۋ ساپاسىنىڭ اناعۇرلىم كۇشەيۋىن، ٴبىلىم قۇرىلىمىنىڭ جاڭالانۋىن، قىزمەت ونىمدىلىگىنىڭ جوعارىلاۋىن ىلگەرىلەتتى. مەملەكەتتىك ساياسي كەڭەستىڭ مۇشەسى، جۇڭگو حالىقتىق شارۋاشىلىقتى زەرتتەۋ قوعامىنىڭ باستىعى لي جاۋچيان ”حالىقتىق شارۋاشىلىقتى جەبەۋ زاڭىن اتقارىپ، زاڭمەن باسقارىلاتىن شارۋاشىلىق ـ ساۋدا ورتاسىن قالىپتاستىرۋدى“ ارقاۋ ەتە وتىرىپ پىسىقتاۋ جاساپ، ساباق ٴوتتى. اۆتونوميالى رايوندىق پارتكومنىڭ ورىنباسار شۋجيى، ساياسي ـ زاڭ كوميتەتىنىڭ شۋجيى چىن ميڭگو لەكسيانى باسقاردى ٴارى ٴسوز سويلەدى.
لي جاۋچيان كەزىندە ۇزاق ۋاقىت جەرگىلىكتى پارتكومدا، ۇكىمەتتە جانە ورتالىق مەملەكەت ورگانىندا باسشىلىق مىندەت وتەگەن، مەملەكەتتىك ساۋدا ـ ونەركاسىپشىلەر بىرلەستىگىنىڭ ورىنباسار ٴتوراعاسى، جۇڭگو حالىقتىق ساۋدا قوعامىنىڭ ورىنباسار باستىعى مىندەتىن وتەگەننەن بەرى، حالىقتىق شارۋاشىلىقتىڭ اقاۋسىز دامۋىنا جانە حالىقتىق شارۋاشىلىق سالاسىنداعى تۇلعالاردىڭ اقاۋسىز جەتىلۋىنە تاماشا ورتا ازىرلەۋگە كۇش سالىپ، قىرۋار زەرتتەۋ قىزمەتىن ورىستەتىپ، مول نازاريالىق جانە امالياتتىق ماتەريال توپتادى.
لەكسيادا لي جاۋچيان مىعىم نازاريالىق نەگىز، ىجداعاتتى زاڭمەن باسقارۋ ويى جانە باي امالياتىمەن، جاندى، اسەرلى مىسالدار جانە تەرەڭ جۇيەلى ٴتۇسىندىرۋ ارقىلى حالىقتىق شارۋاشىلىقتى جەبەۋ زاڭىن قالاي ۇيرەنۋ، دايەكتىلەندىرۋ جونىندە تۇسىنىك جاسادى. بۇل شينجياڭداعى ٴار دارەجەلى باسشى كادرلاردىڭ شينجياڭدى زاڭمەن باسقارۋدى ۇزدىكسىز تەرەڭدەتىپ، حالىقتىق شارۋاشىلىقتىڭ جوعارى ساپالى دامۋىن زاڭمەن باسقارۋ ارقىلى قورعاۋى جونىنەن كۇشتى جەتەكشىلىك سيپاتقا، باعىتتامالىلىق سيپاتقا، يكەمدىلىك سيپاتقا يە.
چىن ميڭگو بىلاي دەپ اتاپ كورسەتتى: يدەيالىق تانىمدى كۇشەيتىپ، جاۋاپكەرشىلىك سەزىمدى جانە بورىشتىلىق سەزىمدى شىن مانىندە كۇشەيتىپ، حالىقتىق كاسىپورىنداردى نەگىزگى كاسىپتەن تاپجىلماي ناقتى كاسىپتى كۇشەيتۋگە جەتەكتەپ، شينجياڭ حالىقتىق شارۋاشىلىعىنىڭ جوعارى ساپالى دامۋىن ىلگەرىلەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا بەرىك نەگىز قالاۋ كەرەك. زاڭمەن باسقارۋ تۋىن بيىك ۇستاپ، نازاردى شەشۋشى بۋىندارعا شوعىرلاندىرىپ، كومەسكى قامالداردى تالقانداپ، ۇقىق ـ مۇددەنى قورعاۋدى كۇشەيتىپ، شارۋاشىلىق ـ ساۋدا ورتاسىن ساپالىلاندىرىپ، كاسىپورىنداردىڭ ٴجىتى قاداعالاپ وتىرعان ماسەلەلەرىنە جاۋاپ قايتارىپ، كەزەكتە شينجياڭ حالىقتىق شارۋاشىلىعىنىڭ دامۋىنا تۇساۋ بولىپ وتىرعان قيىن تۇيىندەردى، بوگەت تۇيىندەردى كۇش سالا تالقانداۋ كەرەك. ۇيىمدىق قامتاماسىزدىقتى كۇشەيتىپ، سايكەستى ۇشتاستىرۋدى ويداعىداي يگەرىپ، زاڭ جالپىلاستىرۋ ۇگىتىن كۇشەيتىپ، ىلەسىپ ٴجۇرىپ قىزمەت وتەۋدى ساپالىلاندىرىپ، حالىقتىق شارۋاشىلىقتى جەبەۋ زاڭىنىڭ نەگىزگى ساتىدا تياناقتانۋىن، ناقتىلانۋىن ىلگەرىلەتىپ، تاماشا زاڭ ارقىلى شەبەر باسقارۋمەن شينجياڭ حالىقتىق شارۋاشىلىعىنىڭ دامۋىن، زورايۋىن، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ كەرەك.
ارناۋلى تاقىرىپتىق لەكسيا بەينە ەكران فورماسىندا وتكىزىلدى، نەگىزگى ٴماجىلىس الاڭى اۆتونوميالى رايوندىق پارتكوم پارتيا مەكتەبىندە (اكىمشىلىك شۋەيۋانى) ورنالاستىرىلدى، اۆتونوميالى رايوندىق حالىق ۇكىمەتى باسشىلىق القاسىنىڭ مۇشەلەرى، قاتىستى ورىندارداعى، تاراۋلارداعى، حالىقتىق ۇيىمدارداعى، ٴىشىنارا كاسىپورىندار مەن جوعارى مەكتەپتەردەگى جاۋاپتى جولداستار نەگىزگى ٴماجىلىس الاڭىندا لەكسياعا قاتىناستى. ايماق، وبلىس، قالالاردا، اۋدان، قالا، رايونداردا بولىمشە ٴماجىلىس ورىندارى ورنالاستىرىلدى.