شي جينپيڭ شيزاڭ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ ادەبيەت ـ كوركەمونەر ساۋىق كەشى «قارلى القاپتاعى شاتتىق جىرىن» تاماشالادى
ۋاڭ حۋنيڭ، ساي چي تاماشالاۋعا قاتىناستى
شينحۋا اگەنتتىگىنىڭ 8 ـ ايدىڭ 20 ـ كۇنى لحاسادان بەرگەن حابارى. 8 ـ ايدىڭ 20 ـ كۇنى كەشتە شيزاڭ ۇلكەن تەاترحاناسى قۋانىشتى دا بەرەكەلى رايعا شومدى. شيزاڭ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ ادەبيەت ـ كوركەمونەر ساۋىق كەشى «قارلى القاپتاعى شاتتىق جىرى» وسى ارادا وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ شيزاڭ اۆتونوميالى رايونىنداعى ٴار ۇلت كادرلارىمەن، بۇقاراسىمەن بىرگە كونسەرتتى تاماشالادى.
ساۋىق كەشىنىڭ شىمىلدىعى «راقىمەت سىزگە . ”تۋجيچە“» ٴان ـ بيىمەن اشىلدى. كونسەرت جالپى 3 تاراۋدان تۇرادى. الدىڭعى تاراۋ «باقىتتىڭ باستاماسى»، «ٴان ـ بيمەن قۇتتىقتايمىز»، «ەگىس الاڭىنداعى بەس شوق التىن گۇل» سياقتى ٴان ـ بيلەر ارقىلى سوتسياليستىك جاڭا شيزاڭ قۇرۋدىڭ جاندى كورىنىسىن ايگىلەدى. 2 ـ تاراۋ كورىنىستىك ٴان ـ بي «سامعاعان ٴۇستىرت»، ۇلاسپالى ٴان «مەكەنىمىز كورىكتى»، مۋزيكالى ديكلاماتسيا «تەرەڭ سۇيىسپەنشىلىك» رەفورما جاساۋدىڭ، ەسىك اشۋدىڭ قارلى ۇستىرتكە الا كەلگەن قاۋلاعان ومىرشەڭدىگىن بەينەلەدى. سوڭعى تاراۋ «جاڭا جورىق»، «گالا قىستاعىنداعى شاتتىق كۇلكىسى»، «مۋزيكا اسپاپتارى وينالىپ، تىرنالار بىرگە تىراۋلاعاندا»، «ٴبارىمىز ناعىز باۋىرلاسپىز»، «وتان قۇشاعىندا» سياقتى ٴان ـ بيلەر باقىتتى جاڭا شيزاڭنىڭ كوركەم كارتيناسىن ايگىلەدى، «جاڭا داۋىردە ٴبىر نيەتپەن بىرگە بيلەيمىز» ساۋىق كەشىن جوعارى ورلەۋگە كوتەردى. جالپى ساۋىق كەشى سۇيىسپەنشىلىگى قويۋ، تارتىمدى دا تاتىمدى بولىپ، شيزاڭ اۆتونوميالى رايونىنىڭ 60 جىلدان بەرگى شۇعىلالى بارىسىن بەينەلەپ، شيزاڭداعى ٴار ۇلت حالقىنىڭ ماڭگى پارتيانىڭ سوزىنە قۇلاق اساتىن، پارتياعا العىس ايتاتىن، پارتياعا ىلەسەتىن شىنايى سۇيىسپەنشىلىگىن بەينەلەدى.
ۋاڭ حۋنيڭ، ساي چي، لي گانجيە، حى ليفىڭ، جاڭ گوچيڭ، ۋاڭ شياۋحۇڭ، لوساڭ جياڭسۇن، حۋ چۇنحۋا جانە جاڭ شىڭمين، شيزاڭدا قىزمەت ىستەگەن ساقا جولداستار، سونداي ـ اق ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ورتالىق ۋاكىلدەر ۇيىرمەسىنىڭ بارلىق مۇشەسى كونسەرتتى بىرگە تاماشالادى.