شي جينپيڭ شيزاڭداعى ٴار ۇلت، ٴار سالا ۋاكىلدەرىن قابىلدادى
ۋاڭ حۋنيڭ، ساي چي قابىلداۋعا قاتىناستى
شينحۋا اگەنتتىگىنىڭ 8 ـ ايدىڭ 20 ـ كۇنى لحاسادان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 8 ـ ايدىڭ 20 ـ كۇنى تۇستەن كەيىن شيزاڭنىڭ ٴار ۇلت، ٴار سالا ۋاكىلدەرىن قابىلدادى، پارتيا ورتالىق كوميتەتى اتىنان شيزاڭداعى ٴار ۇلت ۇلاندارىنا ىقىلاستى سالەم جولدادى جانە شىن جۇرەكتەن تىلەك ٴبىلدىردى، كوپشىلىكتىڭ ۇزدىكسىز ٴبىر نيەتپەن تىزە قوسىپ، ىنتىماقتاسا كۇرەس جاساپ، جۇڭگو ۇلگىسىندەگى وسىزامانداندىرۋدىڭ كورىكتى قارلى القاپ تاراۋىن بىرگە جازۋىن ٴۇمىت ەتتى.
شي جينپيڭ قاتارلىلار قابىلداۋ ورنىنا كەلگەندە، بۇكىل الاڭنان ۇزاققا دەيىن دۋ قول شاپالاق ٴۇنى كوتەرىلدى. شي جينپيڭ كوپشىلىككە قول بۇلعاپ قۇرمەت ٴبىلدىرىپ، ٴالسىن ـ ٴالى ۋاكىلدەرمەن ىقىلاسپەن شۇيىركەلەستى ٴارى كوپشىلىكپەن بىرگە ەستەلىك سۋرەتكە ٴتۇستى.
شي جينپيڭ شيزاڭعا كومەكتەسەتىن كادرلاردىڭ ۋاكىلدەرىن، اۆتونوميالى رايوننىڭ جانە قاتىستى تاراۋلاردىڭ، ٴارقايسى ايماق، قالالاردىڭ جاۋاپتى جولداستارىن جانە ساقا جولداستار ۋاكىلدەرىن، ساياسي ـ زاڭ كادر ـ ساقشىلار ۋاكىلدەرىن، ٴدىن سالاسىنداعى وتانشىل قايراتكەرلەردىڭ جانە بۇتحانا باسقارۋ كوميتەتىندەگى كادرلاردىڭ ۋاكىلدەرىن جەكە ـ جەكە ىقىلاستى تۇردە قابىلدادى.
سول كۇنى تۇستەن كەيىن شي جينپيڭ لحاسادا تۇراتىن اسكەري ٴبولىمنىڭ شاڭشياۋدان جوعارى باسشى كادرلارىن جانە نەگىزگى ساتىداعى ٴىشىنارا وزات ۇلگىلەردى، اكىمشىلىك قىزمەتكەرلەردى ىقىلاستى تۇردە قابىلداپ، پارتيا ورتالىق كوميتەتى جانە ورتالىق اسكەري ىستەر كوميتەتى اتىنان شيزاڭدا تۇراتىن اسكەري بولىمدەگى بارلىق وفيتسەر ـ اسكەرلەرگە ىقىلاستى سالەم جولدادى ٴارى كوپشىلىكپەن بىرگە ەستەلىك سۋرەتكە ٴتۇستى.
ۋاڭ حۋنيڭ، ساي چي، لي گانجيە، حى ليفىڭ، جاڭ گوچيڭ، ۋاڭ شياۋحۇڭ، لوساڭ جياڭسۇن، حۋ چۇنحۋا، پابالا گىلەلاڭجيە جانە جاڭ شىڭمين، شيزاڭدا قىزمەت ىستەگەن ساقا جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قاتارلىلار قاتىستى قابىلداۋعا قاتىناستى.