شي جينپيڭ شيزاڭ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداعاندا بىلاي دەپ باسا دارىپتەدى
جاڭا داۋىردەگى پارتيانىڭ شيزاڭدى باسقارۋ جالپى جوباسىن جاپپاي دايەكتىلەندىرىپ، قۇلشىنا ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا شيزاڭ قۇرۋ كەرەك
ۋاڭ حۋنيڭ، ساي چي مالىمەت بەرۋ ماجىلىسىنە قاتىناستى
8 - ايدىڭ 20 - كۇنى تۇستەن كەيىن ورتالىق ۋاكىلدەر ۇيىرمەسىن باستاپ شيزاڭ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ قيمىلىنا قاتىناسۋعا بارعان جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ لحاسادا شيزاڭ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداپ، ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 8 ـ ايدىڭ 20 ـ كۇنى لحاسادان بەرگەن حابارى. ورتالىق ۋاكىلدەر ۇيىرمەسىن باستاپ شيزاڭ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ قيمىلىنا قاتىناسۋعا بارعان جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 8 ـ ايدىڭ 20 ـ كۇنى شيزاڭ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭدادى. ول بىلاي دەپ باسا دارىپتەدى: شيزاڭ جاڭا داۋىردەگى پارتيانىڭ شيزاڭدى باسقارۋ جالپى جوباسىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جوعارى ساپالى دامۋدى تىڭعىلىقتى ىلگەرىلەتىپ، ورنىقتىلىق، دامۋ، ەكولوگيا، شەكارانى بەكەمدەۋ سىندى ٴتورت ٴىرى ٴىستى ۇزدىكسىز ىشكەرىلەي جاقسى يگەرىپ، قۇلشىنا ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا شيزاڭ قۇرۋ كەرەك.
شي جينپيڭ بىلاي دەپ اتاپ كورسەتتى: شيزاڭ اۆتونوميالى رايونى قۇرىلعان 60 جىلدان بەرى، پارتيا ورتالىق كوميتەتىنىڭ پارمەندى باسشىلىعى مەن بۇكىل ەل حالقىنىڭ زور كۇشپەن قولداۋىندا، اۆتونوميالى رايوندىق پارتكوم مەن ۇكىمەت بۇكىل رايونداعى ٴار ۇلت حالقىن ىنتىماقتاستىرىپ جانە باستاپ، قاجىرلىلىقپەن كۇرەس جاساپ، ٴورىس اشا العا ىلگەرىلەپ، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، بولشەكتەۋشىلىككە قارسى كۇرەستى ىشكەرىلەي ورىستەتىپ، ەكونوميكالىق، قوعامدىق دامۋدا جۇرتتى جالت قاراتقان ەلەۋلى تابىستارعا قول جەتكىزىپ، قارلى ۇستىرتتە جەر ـ كوكتى ٴدۇر سىلكىندىرگەن وزگەرىستەردى جارىققا شىعارىپ، بۇكىل ەلدىڭ جەر ـ جەرىمەن بىرگە ٴدال ۋاعىندا جاپپاي دوڭگەلەك داۋلەتتى قوعام قۇرىپ شىقتى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستادى. ول پارتيا ورتالىق كوميتەتى اتىنان شيزاڭداعى ٴار ۇلت كادر، بۇقاراسىن قىزۋ قۇتتىقتاپ، ىقىلاستى سالەم جولدادى!
شي جينپيڭ بىلاي دەپ باسا دارىپتەدى: شيزاڭدى باسقارۋدا، شيزاڭدى ورنىقتىرۋدا، شيزاڭدى كوركەيتۋدە، ەڭ الدىمەن، شيزاڭنىڭ ساياسي جاقتاعى تىنىشتىعىن، قوعام ورنىقتىلىعىن، ۇلتتار ىنتىماعىن، دىندەردىڭ ۇناسىمدىلىعىن ساقتاۋ كەرەك. جۇڭحۋا ۇلتى ورتاق تۇلعا تانىمىن ونان ارى بەكەمدەپ، جۇڭحۋا ۇلتى ورتاق تۇلعا قۇرىلىسىن ىلگەرىلەتىپ، پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى، جۇڭحۋا ۇلتىنىڭ دامۋ تاريحى جونىندەگى ۇگىتتى، تاربيەنى كۇشەيتىپ، شيزاڭ اۆتونوميالى رايونى قۇرىلعان 60 جىلدان بەرگى شۇعىلالى تابىستاردى كەڭ كولەمدە ۇگىتتەپ، جاڭا داۋىردەگى شيزاڭ حيكاياسىن ويداعىداي بايانداپ، ٴار ۇلت كادرلارىن، بۇقاراسىن ”بەستى شىنايى مويىنداۋدى“ ۇزدىكسىز كۇشەيتۋگە جەتەكتەۋ كەرەك. بەلسەنە مەملەكەتتىك ۇلتتار ىنتىماعى، العاباسارلىعىنداعى ۇلگىلى رايون قۇرىپ، مەملەكەتتە ٴبىر تۇتاس قولدانىلاتىن ٴتىل ـ جازۋدى جالپىلاستىرىپ، كەڭەيتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، شيزاڭ مەن ىشكى وڭىرلەردىڭ ەكونوميكا، مادەنيەت، ادامدار جاعىنداعى قوس باعىتتاعى اۋىس ـ كۇيىسىن ىلگەرىلەتۋ كەرەك. ەلىمىزدە ٴدىندى جۇڭگوشالاندىرۋدى جۇيەلى ىلگەرىلەتۋ، ٴدىن ىستەرىن باسقارۋدىڭ زاڭمەن باسقارىلۋىن كۇشەيتۋ تالابى بويىنشا شيزاڭ بۇددا ٴدىنىن سوتسياليستىك قوعامعا ۇيلەسۋگە جەتەكتەۋ كەرەك. پارتيا قۇرىلىسى ارقىلى جەتەكشىلىك ەتۋدى كۇشەيتىپ، قوعامدىق قىزمەت ٴتۇزىلىسىن، مەحانيزمىن اقاۋسىزداندىرىپ، بۇقارانى اناعۇرلىم ويداعىداي ۇيىستىرىپ جانە ولارعا اناعۇرلىم ويداعىداي قىزمەت وتەپ، قوعامدىق باسقارۋ نەگىزىن نىعايتۋ كەرەك.
شي جينپيڭ بىلاي دەپ اتاپ كورسەتتى: شيزاڭنىڭ دامۋىنىڭ وزىندىك ەرەكشەلىگى بار، جوعارى ساپالى دامۋدى ٴىس جۇزىندىككە نەگىزدەلىپ ىلگەرىلەتۋ كەرەك. جەرگىلىكتى جاعدايعا قاراي ٴۇستىرت ەرەكشەلىگىنە، باسىمدىعىنا يە كاسىپ سالالارىن، اسىرەسە، ەرەكشەلىككە يە ەگىن، مال شارۋاشىلىعىن جانە تازا ەنەرگيا كاسىپ سالاسىن دامىتىپ، بايلىق وڭدەۋ كاسىبىن ۇزدىكسىز دامىتىپ، وسى زامانعى قىزمەت وتەۋ كاسىبىن بەلسەنە دامىتىپ، مادەنيەت ـ ساياحات كاسىپ سالالارىنىڭ توعىسۋىن جەبەۋ كەرەك. يارلۇڭزاڭبو وزەنىنىڭ تومەنگى اعارىنداعى سۋ ەلەكتر ينجەنەرياسى، سىچۋان - شيزاڭ تەمىر جولى سياقتى كەلەلى نىسان قۇرىلىستارىن پارمەندى، ٴتارتىپتى، ٴونىمدى ىلگەرىلەتۋ كەرەك. ەكولوگيالىق وركەنيەت قۇرىلىسىن كۇشەيتىپ، كومىر قىشقىل گازىنىڭ شىعارىلۋىن تومەندەتۋدى، لاستانۋدى ازايتۋدى، جاسىلدىقتى كەڭەيتۋدى، ارتۋدى سايكەستى ىلگەرىلەتىپ، ”دۇنيەنىڭ جوتاسىن“ جانە ”ازيانىڭ سۋ مۇناراسىن“ ويداعىداي قورعاۋ كەرەك. جاڭاشا قالا ـ قالاشىقتاندىرۋدى جانە اۋىل ـ قىستاقتى جاپپاي گۇلدەندىرۋدى ٴبىر تۇتاس جوسپارلاپ ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، جۇمىستاندىرۋ، وقۋ ـ اعارتۋ، ەمدەۋ، دەنساۋلىق ساقتاۋ، قوعامدىق قامتاماسىزداندىرۋ، قارتتاردى كۇتىمدەۋ، بالالاردى اماناتتاپ باقتىرۋ سياقتى حالىق تۇرمىسى قىزمەتتەرىن تىڭعىلىقتى تۇردە ويداعىداي ىستەپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ونان ارى جوعارىلاتۋ كەرەك. ديڭرى اۋدانىنىڭ اپاتتان كەيىنگى قايتا قۇرۋ قىزمەتتەرىن ۇزدىكسىز ويداعىداي ىستەۋ كەرەك.
شي جينپيڭ بىلاي دەپ باسا دارىپتەدى: شيزاڭ قىزمەتىن ويداعىداي ىستەۋدە پارتيانىڭ باسشىلىعىنا، پارتيا قۇرىلىسىن كۇشەيتۋگە، ٴسوز جوق، باستان ـ اياق تاباندى بولۋ كەرەك. قاجىماي ـ تالماي جاڭا داۋىردەگى جۇڭگوشا سوتسياليزم يدەياسىمەن زەيىن ـ زەردەنى ۇيىستىرىپ، رۋحتى سومداپ، ٴار ۇلت كادرلارىن، بۇقاراسىن پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەۋ كەرەك. ىلگەرگى شيزاڭ رۋحىن، ”ەكى جول“ رۋحىن زور كۇشپەن اسقاقتاتىپ، قاتاڭ باسقارۋ مەن قامقورلىق جاساۋدى بىرلىككە كەلتىرۋگە، جىگەرلەندىرۋ مەن تەجەۋگە بىردەي ٴمان بەرۋگە تاباندى بولىپ، قالىڭ پارتيا مۇشەلەرىن، كادرلاردى جانە ٴار ٴتۇرلى دارىندىلاردى قايراتتانا العا ىلگەرىلەۋگە، جاۋاپكەرشىلىك ارقالاپ ىسكەرلىك كورسەتۋگە جەتەكتەۋ، سونىمەن بىرگە ٴتۇرلى قامقورلىق شارالارىن تياناقتاندىرىپ، ۋايىمنان ارىلتۋعا كومەكتەسۋ كەرەك. نەگىزگى ساتى پارتيا ۇيىمىنىڭ جاۋىنگەر قامالدىق رولىن تولىق ساۋلەلەندىرۋ كەرەك. ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىنىڭ جەتىستىكتەرىن جانە تاجىريبەلەرىن ويداعىداي قولدانىپ، ستيل قۇرىلىسىن ۇدايىلاندىرۋ، باياندى ەتۋ مەحانيزمىن اقاۋسىزداندىرۋ كەرەك. پارتيانى جاپپاي قاتاڭ باسقارۋ ساياسي جاۋاپكەرشىلىگىن مۇقيات تياناقتاندىرىپ، ستيل دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ساباقتاستىرۋعا تاباندى بولىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتىپ، قۇلشىنا ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.
شيزاڭ اۆتونوميالى رايوندىق پارتكومنىڭ شۋجيى ۋاڭ جۇنجىڭ اۆتونوميالى رايوندىق پارتكوم مەن ۇكىمەتتىڭ قىزمەتىنەن مالىمەت بەردى. مەملەكەتتىك ساياسي كەڭەستىڭ ورىنباسار ٴتوراعاسى، اۆتونوميالى رايوندىق ساياسي كەڭەستىڭ ٴتوراعاسى پابالا گىلەلاڭجيە، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى يان جينحاي، اۆتونوميالى رايوندىق حالىق ۇكىمەتىنىڭ ٴتوراعاسى گاما زىدىڭ مالىمەت بەرۋ ماجىلىسىنە قاتىناستى.
ۋاڭ حۋنيڭ، ساي چي، لي گانجيە، حى ليفىڭ، جاڭ گوچيڭ، ۋاڭ شياۋحۇڭ، لوساڭ جياڭسۇن، حۋ چۇنحۋا جانە جاڭ شىڭمين، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ورتالىق ۋاكىلدەر ۇيىرمەسىنىڭ بارلىق مۇشەلەرى، شيزاڭ اۆتونوميالى رايونىنداعى پارتيا، ۇكىمەت، ارميانىڭ جاۋاپتى جولداستارى قاتارلىلار مالىمەت بەرۋ ماجىلىسىنە قاتىناستى.