ورتالىق ۋاكىلدەر ۇيىرمەسىن باستاپ شيزاڭ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ قيمىلىنا قاتىناسۋ ٴۇشىن
شي جينپيڭ لحاساعا جەتتى
ۋاڭ حۋنيڭ، ساي چي سول ۇشاقپەن جەتتى
8 - ايدىڭ 20 - كۇنى تۇستە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شيزاڭ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ قيمىلىنا قاتىناسۋ ءۇشىن ورتالىق ۋاكىلدەر ۇيىرمەسىن باستاپ ارناۋلى ۇشاقپەن لحاساعا جەتتى. سۋرەتتە: شي جينپيڭ قارسى العان بۇقاراعا قول بۇلعاپ قۇرمەت بىلدىرۋدە.
□ سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن
شينحۋا اگەنتتىگىنىڭ 8 ـ ايدىڭ 20 ـ كۇنى لحاسادان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ورتالىق ۋاكىلدەر ۇيىرمەسىن باستاپ شيزاڭ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ قيمىلىنا قاتىناسۋ ٴۇشىن 8 ـ ايدىڭ 20 ـ كۇنى تۇستە ارناۋلى ۇشاقپەن لحاساعا جەتتى. شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى رەتىندە ورتالىق ۋاكىلدەر ۇيىرمەسىن باستاپ شيزاڭعا بارىپ، شيزاڭ اۆتونوميالى رايونىنىڭ قۇرىلعاندىعىن قۇتتىقتاۋ قيمىلىنا قاتىناسۋى پارتيا مەن مەملەكەت تاريحىندا تۇڭعىش رەت، بۇل پارتيا ورتالىق كوميتەتىنىڭ شيزاڭ قىزمەتىنە ايرىقشا ٴمان بەرەتىندىگىن، شيزاڭداعى ٴار ۇلت كادرلارىنا، بۇقاراسىنا ىقىلاستى قامقورلىعىن تولىق ايگىلەيدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى، ورتالىق ۋاكىلدەر ۇيىرمەسىنىڭ باستىعى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي سول ۇشاقپەن جەتتى.
كۇز باسىنداعى چيڭحاي - شيزاڭ ۇستىرتىندە قوڭىر سامال ەسىپ تۇر. لحاسا گۇڭگا اۋەجايى قىزىل تۋلار جەلبىرەپ، قىزۋ مەرەيگە شومدى.
ساعات 12 مولشەرىندە شي جينپيڭ وتىرعان ارناۋلى ۇشاق گۇڭگا اۋەجايىنا كەلىپ قوندى، ۇشاق توقتاتۋ الاڭقىسىندا كۇتىپ تۇرعان شيزاڭداعى ٴار ۇلت، ٴار سالا بۇقاراسى ىقىلاسپەن الاقايلادى. شي جينپيڭ ۇشاق ەسىگىنەن شىعىپ، قارسى الىپ تۇرعان بۇقاراعا قول بۇلعاپ قۇرمەت ٴبىلدىردى.
شيزاڭ اۆتونوميالى رايوندىق پارتكومنىڭ شۋجيى ۋاڭ جۇنجىڭ، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى يان جينحاي، اۆتونوميالى رايوندىق حالىق ۇكىمەتىنىڭ ٴتوراعاسى گاما زىدىڭ، اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى ليۋ جياڭ قاتارلىلار ۇشاق باسپالداعىنىڭ جانىندا كۇتىپ تۇردى. شي جينپيڭ ۇشاق باسپالداعىنان تۇسكەندە، ۋاڭ جۇنجىڭ قۇرمەتپەن حادا ۇسىندى، قۇرمەت قىزمەتكەرلەرى چيەما جانە ارپا شارابىن قۇرمەتپەن ۇسىندى. ٴار ۇلت بۇقاراسى ۋاكىلدەرى مەرەكەلىك كيىمدەرىن كيىپ، قىزىل تۋلار مەن الۋان ٴتۇستى گۇل شوقتارىن بۇلعاپ، ويناقى ۇلتتىق بيگە باسىپ، باس شۋجيدىڭ كەلگەندىگىن قارسى الىپ، باس شۋجيگە شىن ىقىلاستى تىلەكتەرىن ٴبىلدىردى.
مەرەكەلىك رايعا تولى بايىرعى قالا لحاسادا اۋەجايدان تۇراتىن ورىنعا دەيىنگى نەگىزگى كوشەنىڭ ەكى جاعىندا الۋان ٴتۇستى جالاۋلار جەلبىرەپ تۇر، ٴار ۇلت بۇقاراسى قولدارىنا قىزىل تۋ الىپ، حادا ۇستاپ، بىركەلكى داۋىسپەن الاقايلاپ، قارسى الۋ جانە العىس ايتۋ سەزىمدەرىن ٴبىلدىردى. شي جينپيڭ اۆتوكولىك تەرەزەسىن اشىپ، جول بويىنداعى بۇقاراعا ٴجيى ـ ٴجيى قول بۇلعاپ قۇرمەت ٴبىلدىردى.
ورتالىق ۋاكىلدەر ۇيىرمەسىنىڭ ورىنباسار باستىعى مىندەتىندەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ٴبولىمىنىڭ باستىعى لي گانجيە، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى جاڭ گوچيڭ، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى لوساڭ جياڭسۇن، مەملەكەتتىك ساياسي كەڭەستىڭ ورىنباسار ٴتوراعاسى حۋ چۇنحۋا، ورتالىق اسكەري ىستەر كوميتەتىنىڭ مۇشەسى جاڭ شىڭمين، سەرىك بولىپ قيمىلعا قاتىناساتىن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حى ليفىڭ، جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، مەملەكەتتىك كەڭەستىڭ مۇشەسى ۋاڭ شياۋحۇڭ قاتارلىلار سول ۇشاقپەن جەتتى.
ورتالىق ۋاكىلدەر ۇيىرمەسىنىڭ مۇشەلەرى ٴبىر ۋاقىتتا جەتتى، ولار ورتالىق جانە مەملەكەت ورگاندارىنىڭ قاتىستى تاراۋلارىنداعى، ارميانىڭ قاتىستى ورىندارىنداعى، شيزاڭعا باعىتتامالى كومەكتەسەتىن قاتىستى ولكە ـ قالالارداعى جاۋاپتى جولداستاردى، ت. ب قامتيدى.